Minnätdarliq vä mehrivanliq

0
1 117 ret oqıldı

Esil päzilät/ Başqilarniŋ yardimigä, hisdaş­liğiğa erişkändä rähmät-häşqalla eytiş, yah­şi­liqqa yahşiliq bilän җavap qayturuş insandiki äŋ esil päzilätlärdindur. Minnätdarliq bildürüşmu äynä şular җümlisidindur. Bir tamça su päqät payansiz deŋiz, dolqunluq däriya eqinliriğa qoşulğandila šz moҗutluğini saqlap qa­la­liğinidäk, adämlärmu yäk­kä-yeganä ämäs, җämiyät qaynamlirida avam arisida moҗut bolalaydu. Şuŋlaşqimu härbirimiz hayatimizda ätra­pimizdikilärniŋ yardimi­gä, qollap-quvätlişigä, kšyü­nüşigä  muhtaҗ bolup yaşaymiz.

Duniya illiqliqqa tolğan, kişilik munasivät vä җämiyät mehir-muhäbbät asasida qu­rulğan bolup, qälbimizni täsirat vä hayaҗanliq tuyğuliri bilän yorutup kälmäktä. Ätrapimizğa näzär ağdursaq, šlüm girvigidä җan talişivatqanlarğa šz hayati bilän hesaplaşmay qimmätlik äzalirini täğdim  qilivatqan, jitimliq vä beçarilik därdini tartivatqan balilarğa mehrini tšküvatqan, muhtaҗliqta halsiz­lini­vat­qanlarğa sehi qolini sunuvatqan sahavät­çilärni kšrgändä, ularğa apirin äyläymiz. Mana şular häqiqiy mänasida mehir-muhäbbätlik kişilärdur. Amma җämiyät täräqqiyatiniŋ tezlişişi, ihtisatniŋ yetäkçi orunğa çiqişi adämlärgä bähitlik vä hatirҗäm yaşaş pursitini hazirlap bärsimu, ayrim kişilär  şähsiyätçilik ideya­siniŋ patqiğiğa çoŋqur petip, ämgäksšygüçlük, mehri­vanliq, adämgärçilik ohşaş esil hislätliridin ayrilişqa başlidi. Yäni täyyartapliq, haram yol bilän pul tepiş, payda-mänpiyät qoğlaş, baş­qilarniŋ yardimigä süyi­niveliş, mäs°uliyättin qe­çiş käbi illätlär  kündilik hayatimizniŋ adättiki kšrünüşigä aylandi.

Җämiyitimizdä min­nät­darliq, mehir-muhäb­bät tuyğulirini ovҗ aldu­ruşniŋ, bu җähättin tärbi­­yini küçäytişniŋ ähmi­yiti zor. Çünki ular adämgärçilik vä ählaq-päzilät tärbiyisiniŋ bir qismi bolup, adämlär arisidiki šzara mehrivanliqni küçäytiştä, җämiyätniŋ illiqliğini his qilduruşta, šmürniŋ qädrini tonutuşta, orunsiz ränҗişlärni yoqitişta, päqät šz mänpiyitini oyli­masliqqa dävät qilişta muhim rol' oynaydu. Umumän, minnätdarliqni bilgän kişiniŋ qälbi çoqum mehir-muhäbbätkä tolğan bolidu.

www.uyghur.people.cn

Bälüşüş