U haman arman yetigidä

0
771 ret oqıldı

Uyğur nahiyäsidin yetilip çiqqan däsläpki ayal-jurnalistlarniŋ biri Mervanäm Kebirova pütkül aŋliq hayatini kolhozniŋ etizliqlirida štküzgän Kevir ata bilän Rahiläm aniniŋ ikkinçi pärzändi. Mervanäm oğullar arisida tärbiyilängän yalğuz qiz bolğanliqtinmekin, äytävir, u kiçigidinla kšzligän pälligä, arzu-armanliriğa yetiştiki dadilliği vä qät°iyligi bilän päriqlinätti. Һä, uniŋ armini bolsa — җämiyätniŋ qayğusi bilän şatliğini, utuq-muvappäqiyätlirini, haҗät bolğanda, hataliq-kamçiliqlirini ammiviy ähbarat vasitiliridä yorutuş edi.

Uyğur nahiyäsiniŋ Uduta yezisidiki başlanğuç, andin Tügmän yezisidiki yättä jilliq, Avattiki ottura mäktäplärni äla bahalarğa tamamliğan yaş qiz arzu-armanlarğa hapaş bolup, 1962-jili hazirqi Äl-Farabi namidiki Qazaq Milliy universitetiniŋ jurnalistika fakul'tetiğa oquşqa kelidu. Biraq bir orunğa ondin oşuq ümütkarniŋ bar ekänligini inavätkä elip, hšҗҗätlirini moşu aliy oquş orniniŋ mehanika-matematika fakul'tetiğa tapşurup, student atilidu. 1970-jili mäzkür universitetni utuqluq tamamlap, şu jilila Qazaq SSR Dšlätlik planlaş komitetiğa işqa orunlişidu. Student dävridä gezitqa maqalä yezişni tohtatmiğan Mervanäm hädä «Kommunizm tuği» geziti redaktsiyasiniŋ hayatiğa yeqindin arilaşti. Uniŋ elektronluq hesaplaş maşiniliri, ularniŋ işläş printsipliri häqqidä kšlämlik maqaliliri gezit sähipiliridä pat-pat yoruq kšrüp turatti. Ariliqta iştin qol üzmäy aspiranturiğa qobul qilinğan Mervanäm hädigä ändi oquşini Moskva şähiridä davamlaşturuş haҗät boldi. Amma, ailä şaraitiğa bağliq, ana jutiğa qaytip kälgän u Tügmän ottura mäktividä muällim bolup işlidi.

— U päytlärdä nahiyädä matematika päniniŋ muällimliri az edi, — däydu M.Kebirova biz bilän bolğan sšhbättä. — Däsläp Tügmän yezisida, andin Avat ottura mäktividä matematika pänidin däris bärdim. Bäzidä häptisigä 40 saattin kšp däris štkän päytlirimmu bolğan…

Şuniŋğa qarimay, jurnalistika sahasiğa bolğan häväsi kündin-küngä küçäydi. Şagirtliriğa puhta bilim beriş bilän billä, qäläm tävritişnimu tohtatmidi. Şu tüpäyli 1976-jili Mervanäm Kebirova nahiyälik «İli vadisi» gezitiğa işqa täklip qilinidu. Şundaq qilip, 13 jil mabaynida nahiyälik gezitniŋ hät vä mädäniyät bšlümini başqurğan Mervanäm hädä bu vaqit içidä nahiyä hayati häqqidä härhil mavzularda yüzligän maqalä vä oçerklarni yazdi.

Mäzkür sahadiki ämgigi bilän älgä tonulğan Mervanäm Kebirova däsläpki mukapitini 1963-jili «Kommunizm tuği» gezitiniŋ 1000-sani yoruq kšrgändä elivedi. Һazir sanap kšrsä, härhil däriҗidiki yärlik iҗraiy organlar täripidin berilgän pähriy yarliqlar, bälgülär, täşäkkürnamilar sanidin yeŋilip qalidu. Һä, bu šz käspini çin dilidin sšygän Mervanäm hädiniŋ ämgigi bädiligä kälgän hšrmät-eqidiniŋ päqät birla kšrünüşidur.

1989-jili, ihtisadiy qiyinçiliqlar tüpäyli hämmila iş orunlirida degidäk qisqartişmu umumyüzlük başlanğanda, mätbuattin ketişkä mäҗbur bolğan Mervanäm Kebirova ta hšrmätlik däm elişqa çiqqiçä Çonҗa yezisidiki nahiyälik sil kesiligä çeliqqan balilar bağçisiğa mudirliq qildi.

Һädimiz Tohtiğoҗa İmamdunov bilän ailä qurup, oğul sšydi. Oğli — Turdiğoҗa aliy bilimlik injener-mehanik. Һazir šz käspi boyiçä işlävatidu. Mervanäm hädä bolsa, helikäm qälimini taşliğini yoq. U haman iҗat üstidä. Biz peşqädäm jurnalistni 70 yaşliq tävälludi bilän täbrikläp, uniŋğa salamätlik, hatirҗäm hayat vä huşvaq dämlärni tilimäkçimiz.

Mahmut İSRAPİLOV.

Uyğur nahiyäsi. 

 

Bälüşüş

Javap qalduruŋ