Abduqeyimdäk  adämlärgä  apirin!

0
474 ret oqıldı

Bähtişat SOPİEV, «Uyğur avazi»/ Qiziltuğluq Abduqeyim Säydenov bilän tonuşuş üçün yerim künümni särip qildim. Ätigändin beri uniŋ işigini «küzättim». «U yaqqa kätti, bu yaqqa kätti» degän gäp yoq. Öydä. Amma meniŋ bilän kšrüşüşkä vaqti yätmäyvatidu. U toğriliq meniŋ bilidiğinim birla: u «Uyğur avazi» gezitiniŋ äŋ yeqin dostliriniŋ biri.U küni Abduqeyim akiniŋ yänä bir qiri maŋa ayan boldi. U tonulğan tevip ekän. Ahiri qizi kirip, «gezit muhbiri ätigändin beri kütüvatidu» degän gäpni eytsa keräk. Bir vaqitta u meni šziniŋ bšlmisigä çaqirdi. Novättiki “seansniŋ” üstigila kirdim. Abduqeyim aka maŋa işarä qilip, boş turğan orunduqni kšrsätti. Özi bolsa «işini» davam qildi.

Meniŋ çüşänginim, bemarniŋ ikki kšzi çäkçiyip kätkinigä qariğanda, tevip uniŋ diagnozini toğra qoyğan ohşaydu.

“Beğiriŋ zähimliniptu, šmür sürüşni halisaŋ, davalinişni keçiktürmä”, — dedidä, uni yolğa saldi.

Tevip, birqarimaqqa, maŋa qopaldäk kšründi. U bemarlar bilän äynä şundaq muamilä qilişidekän. İkkimiz bir saattäk muŋdaştuq. Abduqeyim aka aq kšŋül, nahayiti mehrivan, millätpärpär insan bolup çiqti.

Jutdaşliriniŋ «Abduqeyimdäk adämlärgä apirin!» deyişi bekar ämäs ekän. U Qizil Tuğdiki birnäççä koçini җšndäşkä maddiy җähättin yardäm qiptu. Yezidiki meçitqa qol uçini sozup, qäbirstanliqni avatlaşturuptu. Jitimlarniŋ beşini siypaydekän. Jilda 15 ailiniŋ  «Uyğur avazini» oquşiğa imkaniyät yaritivetiptu. Undaq adämgä qandaq «apirin!» demäysän.

Sšhbätara män uniŋ tärҗimihaliğa qiziqip qaldim. Eytip berişiçä, bäş yeşida ata-anisiniŋ quçiğida, täğdir täqäzasi bilän, tarihiy vätinimizdin kšçüp çiqiptu. Kšp vaqit Qaraturuq yezisida yaşap, keyin moşu jutqa yoli çüşüptu. Atisi Abdrimahun tonulğan tevip häm imam bolğan ekän. Atisiniŋ bu «paaliyätliri» keŋäş hakimiyitiniŋ «din —äpiyün» säyasitiniŋ täqivigä uçraptu. Amma, bu ailä qandaqla qiyinçiliqlarğa duç kälmisun, «sunğini» yoq. Abduqeyim akiniŋmu bügünkidäk utuqqa yetişidä äynä şu sunmas iradisi säväp boldi.

Moşu jili Abduqeyim aka Qaraturuqta billä oquğan sinipdaşlarniŋ beşini qoşti. Baş qoşuşniŋ azdu-tola çiqimini u yänä šziniŋ boyniğa aldi. Gäp uniŋda ämäs, gäp – sinipdaşlarniŋ didarlişişida. Bu uçrişiştimu sabiq sinipdaşlar Abduqeyim akiğa «apirin!» eytişni untumidi. Şunçä yärdin «muştirilirimizniŋ sani kemip kätti» däp beriveduq, bizniŋ kšŋlimizni qayturmidi. Öz novitidä, bizmu uniŋğa minnätdarliğimizni izhar qilduq.

Sürättä: A.Säydenov sinipdaşliri arisida (soldin birinçi).

Bälüşüş