Moskvada yaŋriğan küy sadasi

0
418 ret oqıldı

Şämşidin AYuPOV, «Uyğur avazi»/ Yeqinda Moskva şähiridiki «1941 – 1945-jillardiki Uluq Vätän uruşiniŋ Märkiziy mirasgahiniŋ» Şšhrät zalida Keŋäş İttipaqiniŋ Qährimani, «Halıq Qaharmanı», mustäqil Qazaqstanniŋ tunҗa mudapiä ministri, armiya generali Sağadat Nurmağambetovniŋ bronza häykilini tapşuruşqa beğişlanğan täntänä bolup štti.Uniŋda Rossiyadiki Qazaqstan älçihanisiniŋ mäslihätçisi Däuren Diyarov, Qazaqstanniŋ tunҗa kosmonavti, Keŋäş İttipaqiniŋ Qährimani Tohtar Äubäkirov, Rossiya härbiy hava uçquçliri akademiyasiniŋ rähbiri, aviatsiya general-polkovnigi Boris Korol'kov nutuq sšzlidi. Häliq Qährimaniniŋ qizi Aysulu Nurmağambetova mäzkür çarä-tädbirni uyuşturğuçilarğa šz minnätdarliğini izhar qildi. İkki qetim Keŋäş İttipaqiniŋ Qährimani Sergey Gritsev namidiki «Jeŋimpaz» fondi bilän elimizdiki «Generallar keŋişi» Aysulu Sağadat qiziğa Sağadat Nurmağambetov namidiki medal'ni tapşurdi.

Täntänä iştrakçiliri Qazaqstanniŋ hizmät kšrsätkän ärbabi, nahşiçi-kompozitor Şämil Äbiltay iҗra qilğan sšzi vä muzıkisi Örükkül Ädilbekovağa mänsüp Rossiya Prezidenti Vladimir Putinğa beğişlanğan «Sın naroda» namliq nahşini zor ihlas bilän tiŋşidi. Nahşiniŋ mätinini rus tiliğa iҗatkar Amantay Ahetov tärҗimä qilğan.

Moşu yärdä Şämil Äbiltayniŋ häliqlär dostluği bilän millätlärara razimänlikni mustähkämläşkä munasip ülüş qoşup kelivatqanliğini alahidä täkitläp štkän orunluqtur. Uniŋ hälqimizgä bolğan hšrmitimu çoŋ. Nahşiçi-kompozitorniŋ ustazi, daŋliq kompozitor Quddus Ğoҗamiyarovqa beğişlap iҗat qilğan «Quddus» küyi äynä şuniŋ roşän ipadisi. Ötkän jili «Uyğur avazi» geziti ҖUEM vä Uyğur teatri bilän hämkarliqta uyuşturğan «Mustäqillik mevisi» aktsiyasi dairisidä җay-җaylarda bolup štkän uçrişişlarda Şämil Äbiltay uyğur hälqi toğriliq šziniŋ illiq lävzini bildürgäç, «Quddus» küyini iҗra qilip, kšpçilikniŋ alqişiğa bšlängän edi.

Bälüşüş