Birlik bar yärdä, qut-bärikät bolidu

0
476 ret oqıldı

Şahrizada SABİTOVA, «Uyğur avazi»/ Meniŋ atam – uyğur, anam – qazaq. Atamni vä anamni qançä yahşi kšrsäm, uyğur bilän qazaq hälqigä bolğan muhäbbitim şunçä çäksiz. Ailimizdä päqät muhäbbätla ämäs, qerindaşlar arisidiki razimänlikmu juquri däriҗidä saqlanğan.

Qazaqstan šz mustä­qilligini elip, ziminimizğa bähit quşi qondi. Älvättä, bu utuqlar bizgä asan kälgini yoq. Buniŋ hämmisigä elimiz Prezidentiniŋ dana säyasiti tüpäyli qol yätküzduq desäk, härgiz hatalaşmaymiz. Buni kündilik turmuşimizda uçrişip turidiğan ayrim misallar arqiliqmu ispatlap beriş mümkin. Mäsilän, bäzidä bir ailidin çiqqan qan-qerindaşlar arisidimu çüşänmäsliklär yüz berip, bir-birigä degän kšzqarişi šzgiridu. Şu çağda pärzäntliriniŋ šzara inaq yaşişini istigän ata bilän ana ularni dostlaşturuş üçün härhil amallardin paydilinidu. Şu mähsättä bir balisi bilän yumşaq sšzläşsä, ikkinçisigä qattiğiraq tegip, ähvalni tüzäşkä tirişidu. Һä, ändi bu mäsiligä dšlät miqiyasida yandişip kšräyli…

Mälumki, Qazaqstanda bir-ikki ämäs, bälki yüz ottuzdin oşuq millät väkilliri yaşap kälmäktä. Ularniŋ tilimu, dinimu, milliy urpi-adätlirimu bir-birigä ohşimaydu. Şundaq bolsimu, elimiz härhil millät väkilliri goya bir ailiniŋ baliliridäk šzara iҗil-inaq yaşavatqan dostluq makaniğa aylandi. Buniŋda hämmimiz üçün Ata bolğan elimiz Prezidenti Nursultan Nazarbaevniŋ ämgigi çoŋ, älvättä. Şuŋlaşqa barçä qazaqstanliqlarniŋ mänpiyitini näzärdä tutup, hämmimizgä täkşi ğämhorluq qilip kelivatqan Millät Lideri – Tunҗa Prezidentqa minnätdarliğimiz çäksiz. Pikirimni hulasiläp, şuni qäyt qilmaqçimänki, biz, bolupmu yaş ävlat, millätlärara dostluq bilän razimänlikniŋ äŋ aval šz šyümizdin başlinidiğanliğini yadimizdin çiqarmasliğimiz keräk. Päqät şundaq qilğandila, mämlikitimizniŋ tehimu rivaҗlinip, istiqbalimizniŋ parlaq bolidiğanliğiğa işänçim kamil.

Uyğur nahiyäsi.

Bälüşüş