Jutdaş ädipkä hšrmät

0
538 ret oqıldı

Kätmän tağliriniŋ etigidiki bepayan bu boz dala talaylarniŋ jürigigä ilham beğişlidi. Bäzilär üçün bu boş yatqan dala bolsimu, şairniŋ kšzi bilän qariğanda, uniŋ quçiği tügimäs ilham, çäksiz muhäbbätkä tolğan muqäddäs makan. Tomuri bir qazaq bilän uyğurniŋ dostluq riştisi bağlanğan hasiyätlik җay.

Şair, dramaturg, Qazaqstanniŋ mädäniyät vä sän°ät ärbabi, Qazaqstan Yazğuçilar ittipaqi başqarmisiniŋ räisi,  dšlät mukapatiniŋ laureati, «Qwrmet» vä «Parasat» ordenliriniŋ sahibi Nurlan Orazalin — äynä şu Qaradalaniŋ qoynida çoŋ bolğan şair.

Şairniŋ 70 yaşliq tävälludiğa munasivätlik  uniŋ tuğulup šskän –  Uyğur nahiyäsidä  «Aspantaudıŋ aqiığı» namliq iҗadiy  käç uyuşturuldi. U küni nahiyälik Mädäniyät šyigä yättä yaştin yätmiş yaşqiçä bolğanlarniŋ hämmisi degidäk jiğildi. N.Orazalinni jutdaşliri orunliridin  turup, çavaklar ilkidä qarşi aldi. Riyasätçilär iҗadiy uçrişişni täntänilik türdä açqandin keyin, hämmä mähsus täyyarlanğan videorolikni tamaşä qildi. Uniŋda şairniŋ tuğulup šskän juti vä jutdaşliriniŋ izgü tiläkliri, 105 yaşqa tolğan nahiyämizniŋ aqsaqali Kürişbek atiniŋ duasi bilän başlinip, ädip käsipdaşliriniŋ pikirlirigä ulaşti. Keyin Nurlan Mırqasim oğli Orazalin bilän uniŋ šmürlük җüpti, Abay namidiki Qazaq milliy pedagogikiliq universitetiniŋ professori, pedagogika pänliriniŋ doktori Fauziya Şämsi qizi Orazbaevağa sähnä tšridin orun berildi. Andin şair  obrazida Q.Qurmanalievniŋ yadqa oquşida «Talbesik» dialog-poemisidin sähnilik ihçam kšrünüş kšrsitildi. Däsläpki täbrik sšz nahiyä hakimi Alimҗan Tohtasunovqa berilip, u şairni tävälludi bilän täbriklidi.

Һakimniŋ sšzidin keyin Qazaqstanniŋ häliq artisti, nahşiçi Suluşaş Nurmağambetovaniŋ iҗra qilişidiki «Aman bol, ağalarım!» namliq nahşa zalni tehimu җanlanduruvätti.  Novättä sšzgä çiqqan Qazaqstan häliq yazğuçiliri B.Nurjekiev, Q.Segizbaev, «Qazaq ädebieti» gezitiniŋ baş muhärriri J.Şaştayulı, M.Ävezov namidiki Qazaq  dšlät akademiyaliq drama teatriniŋ rejisseri Esmuhan Obaev, yazğuçi,  kinodramaturg, T.Jürgenov namidiki «Öner» akademiyasiniŋ professori Smağul Elubay, QazMUniŋ jurnalistika fakul'tetiniŋ dekani Sağatbek Medeubek  vä başqilar tävällud egisigä izgü-tiläklirini izhar qildi. J.Qudaybergenov namidiki ottura mäktäp vä 4-Çonҗa bilim därgahiniŋ oquğuçiliri şairniŋ bir türküm şeirlirini yadqa eytip, zaldikilärniŋ qizğin alqişiğa bšländi.  Şundaqla nahiyäniŋ yaş aqini Sanjar Keleke şairğa beğişlap yazğan şeirini oqudi.

Ahirqi sšz tävällud egisigä vä uniŋ räpiqisigä berildi. Fauziya Orazbaeva mäzkür çarä-tädbirni uyuşturğuçilarğa, şairni hšrmätläp, zalğa jiğilğan jutdaşliriğa çäksiz minnätdarliğini yätküzdi. Keyin N.Orazalin muhlisliriğa birnäççä şeirini oqup berip, uçrişiş keçidin alğan täsiratini til bilän eytip yätküzälmaydiğanliğini, bu uniŋ hayatida ästin çiqmas bir däqiqä süpitidä  mäŋgü saqlinip qalidiğanliğini häm 70 yaşliq tävälludiğa beğişlanğan äŋ esil soğa bolğanliğini  alahidä tilğa elip, «Ötmüştin qädinas qazaq-uyğur dostluğiniŋ qaymiği buzulmisun» degän tiläkni bildürdi.

Uzaqqa sozulğan iҗadiy käçtä vaqitniŋ qandaq tez štüp kätkänligini bayqimay qalduq. Çünki biz bu birnäççä saatta poeziya alimigä  säyahät qilip, pütmäs-tügimäs rohiy ozuq alduq. Jutdişimizdin pähirländuq.

Sabiräm ÄNVÄROVA.

Bälüşüş