Yeşil bälbağ – Astananiŋ špkisi

0
64 ret oqıldı

Qazaqstan Prezidenti  Nursultan Nazarbaev Astananiŋ yeşil bälbeği bilän tonuşti.

Һär jili Dšlät rähbiri Astana ätrapidiki «qoldin yasalğan» ormanni Burabayniŋ orman massivi bilän bağlaşturidiğan yeŋi däräqzarliqlarni kšzdin käçüridu. Dšlät rähbiri hazir Astana ätrapida 80 miŋ gektarğa yeqin däl-däräq tikilgänligini, 2020-jilğa qädär uniŋ umumiy mäydaniniŋ 100 miŋ gektarğa yetidiğanliğini täkitlidi. Nursultan Nazarbaev yeşil bälbağdiki hayvanat vä šsüm­lük duniyasiniŋ hilmu-hilliğiğa diqqät ağdurdi, kšçätlär mäydanini kšpäytiş planliri toğriliq sšzläp bärdi.

Nursultan Nazarbaev şundaqla MDҺniŋ birmu mämlikitidä mundaq miqiyastiki ormanniŋ bärpa qilinmiğanliğini alahidä täkitlidi. Prezident şähär ätra­pidiki däräqzarliqniŋ paytäht hava rayiniŋ vä ekologiyasiniŋ yahşilinişini täminläştiki roliğa tohtilip, orman massivi territoriyasidä rekreatsiya zonisini quruş näti­җilirigä tohtaldi, şuniŋ bilän billä yeŋi yeşil bälbağni «pütkül mämlikätniŋ špkisi» däp atidi.

– Bu yärdä adämlär qançilik yaşisa, ormanmu şunçilik hayat käçüridu. Bu – mämlikitimizniŋ bayliği. Astanada «EKSPO-2017» Häliqara kšrgäzmisi štüvatidu, u paytähtniŋ «yeşil täräqqiyat» printsipliriğa vä ideologiyasigä sadiq şähär süpitidiki abroyiniŋ küçiyişigä yardäm qilidu. Paytähtniŋ içidä park zoniliri yahşilinivatidu, – dedi Nursultan Nazarbaev.

Dšlät rähbiri җavapkär ävlatni, šz mämlikitiniŋ häqiqiy vätänpärvärlirini tärbiyiläş üçün täbiätni saqlap qelişniŋ vä ana yärgä teҗämlik munasivät qilişniŋ muhimliğini alahidä qäyt qildi.

Qazaqstan Prezidenti orman mäydani territoriyasiniŋ üstidin uçup, uni ariliğandin keyin, «Bal qarağay» däm eliş zonisiğa orunlaşqan etnoavulni ziyarät qildi, şundaqla yeşil zonini täräqqiy ätküzüş boyiçä iş planliri bilän tonuşti.

Keŋäşmä davamida yeza egiligi ministriniŋ orunbasari Erlan Nısanbaevniŋ Astananiŋ yeşil zonisiniŋ vuҗutqa kältürülüşini täminlävatqan asasiy çarilär toğriliq hesaviti tiŋşaldi.

Keŋäşmä işiğa Prezident Mämuriyitiniŋ rähbiri Ädilbek Jaqsıbekov, Astana şähiriniŋ hakimi Äset İsekeşev, Aqmola vilayitiniŋ hakimi Mälik Murzalin, Prem'er-Ministrniŋ orunbasari – yeza egiligi ministri Asqar Mırzahmetov qatnaşti.