Moşuniŋdin qiriq kün ilgiri kšyümçan bovimiz Tursun 88 yeşida baqi duniyağa säpär çäkti. Һeçbir bändä šziniŋ yeqin adimini šlümgä qiymaydekän yänä aziraq bolsimu yaşisa däp ümüt qilidekän. Yazliq tätil başlinişi bilän hämmä nävrilär toplişip, momam bilän bovamniŋ käŋ qoraliq, mevilik salqin beği bar berikätlik šyigä – Qirğizsayğa aldirattuq. Öziniŋ җiddiy müҗäzi, täläpçanliği bilän päriqlinidiğan Tursun muällim bizni – nävrilirini kšrgändä qin-qiniğa patmay hoşal bolup, quçaq eçip qarşi alatti. 25 nävrisini uzun җoziniŋ ätrapiğa oltarğuzuvelip, ähvalimizni soratti. Momamniŋ yoğan oçaq-qazandiki meyizlik tamiği pişqiçä, biz bovamniŋ paydiliq näsihätlirini tiŋşattuq. U härbirimizniŋ müҗäzi yaki härikitidin hulasä çiqirip, erinmäy, alaytän näsihät qilidiğan. Yaman kişilär yaki yaramsiz adätlärni misal kältürüp tärbiyä berişni adät qilğan edi. «Һär qandaq iş qilğanda, mäyli kim bolmaŋlar, toğra yolda meŋiŋlar, insapliq boluŋlar, yahşiniŋ yahşi täripini üginiŋlar, yamanliqtin jiraq boluŋlar» degän sšzlärni tinmay täkrarlatti.
Käçqurunliği momam ikkisi bizniŋ täyyarliğan kontsertimizni kšrüp, bähirlinip külätti, rahätlinätti. Meniŋ nahşa-ussullirimğa qiziqip, «artist bolamsän, qizim?» däp soratti. 8-mart tuğulğan künüm bolğaçqa, bovam meni «mäyrämlik qizim, anilar mäyrimidä soğa qilğan qizim» däp ärkilitätti.
Saz-näğmini yahşi kšrsämmu, meniŋ kšŋlümgä bovam ohşaş җavapkär ustaz boluş arminim kiçigimdinla juğirilip kätkän edi. Män bovamdäk addiy, lekin җiddiy, täläpçan muällim boluşni arman qilip šstüm häm şu arman bügün meniŋ yätkän utuqlirimniŋ asasi boldi däp oylaymän. U uyğur sinipliriniŋ yepilip ketiş hovupi tuğulğanda šz milliti üçün säkparä bolup, keçä-kündüz şuniŋ yolida maŋğan җankšyär bolğan edi.
Bovam äsli agronom boluşni arman qilğan ekän. «Nemişkä šz arminiŋni qoğlap maŋmidiŋ, bova?» däp sorimiğinim üçün hazir «häp» däymän. Mümkin, uruştin keyinki dävirdä muällimlär yetişmigänliktin, jutniŋ ğemini qilip, şu käsipni tallavaldimekin däp oylaymän. U hayatida agronom bolmisimu, šz beğida vä däm elişqa çiqqandin keyin şu orunlanmiğan arminini royapqa çiqardi. U jut mštiväri, jigitbeşi süpitidä yeziniŋ güllinişigä bir kişilik hässisini qoşti, «Uyğur nahiyäsiniŋ Pähriy grajdani» ataldi.
Һayati behšddä štmigän qädirlik ustaz, kšyümçan ata, mehrivan bovimizniŋ yatqan yeri җännättä bolğay. Amin!
Räna MÄHPİROVA.
