Utuq dayim yar bolsun!

0
127 ret oqıldı

Yaş kälsä — işqa/ Җumhuriyät Prezidenti Nursultan Äbiş oğli Nazarbaev Qazaqstan hälqigä yolliğan mäktüpliridä yaşlarğa zor işänçä artip, «keläçäk şularniŋ qolida», däp alahidä täkitläydu. Һäqiqätänmu, hazirqi yaşlar adämniŋ äqligä kirip çiqmaydiğan yeŋi ideyalär, kreativliq oylar bilän häyran qalduralaydu desäk, aşuruvätkänlik ämäs. Äynä şundaq qabiliyätlik häm talantliq yaşlar biz, uyğurlardimu, yoq ämäs. Ana tilini mukämmäl bilip, šzgä tillarni tätqiq qiliş härkimniŋ qolidin kelivärmäydu. Bügün biz pähirlinişkä ärziydiğan yaş qizlirimizniŋ biri — Dilbirim Rozieva (sürättä) toğriliq sšz qilişni toğra kšrduq.

Dilbirim Rehimҗan qizi Rozieva 2010-jili Pänҗim yezisidiki Abdulla Rozibaqiev namidiki ottura mäktäpni tügitip, Almuta şähiridiki Qazaq-Türk universitetiğa oquşqa çüşti. Oqup jürüp, Türkiyaniŋ Ordu universitetida «Türk tili vä ädäbiyati» bšlümidä täҗribä aldi vä u yaqtiki studentlarğa uyğur tili vä tarihidin lektsiyalär oqudi.

2014-jili universitetni muvappäqiyätlik tamamlap, «Aqqu» turistik şirkitidä täҗribidin štti. Andin šzi oquğan bilim därgahiğa işqa täklip qilinip, hazir şu yärdä magistraturida tähsil kšrüvatidu.

Dilbirimniŋ qol yätküzgän utuqliri az ämäs. 2016-jili Türkstan şähiriniŋ Ğ.Ä. Yassaviy universitetida, Çimkänt, Taşkänt, Bişkek şähärliridä štkän änҗumanlarğa iştrak qildi. Şu jilila Almuta şähärlik hakimiyitiniŋ, şundaqla Qazaqstan, Türkiya vä Qirğizstan universitetliriniŋ uyuşturuşi bilän Almutiniŋ 1000 jilliğiğa beğişlanğan «Uluq İpäk yoli turizmi vä soda munasivätliriniŋ Evraziya älliridiki täräqqiyatiniŋ orni» namliq İİ Häliqara Türk duniyasi turizmi simpoziumiğa qatnişip, sertifikat eliş bähtigä muyässär boldi. «Yaş alimlar Evraziya foruminiŋ» qollap-quvätlişi bilän «İnsan kibersotsializatsiyasiniŋ pedagogikisi vä psihologiyasi» namliq maharät därisigä qatnaşqanliği üçün Moskva Dšlät universitetiniŋ sertifikatiğa egä boldi. Şundaqla biyil Almuta şähärlik änҗumanda «Türk tilini oyun elementliri arqiliq ügitiş metodikisi» namliq maqalisi boyiçä maharät därisini štüp, «Yaş metodik» unvaniğa egä boldi.

Dilbirim šziniŋ tirişçanliği tüpäyli biyil Türkiyaniŋ «Mulla» universitetiğa grantqa oquşqa çüşti. Birnäççä qazaqçä-türkçä luğätlärniŋ hämmuällipi Dilbirim hazir uyğurşunasliq tarihi boyiçä ilmiy işlar bilän bänt.

Bizmu, šz novitidä, Dilbirimniŋ buniŋdinmu egiz çoqqilardin kšrünüşigä tiläkdaşliq bildürüp, oquşiğa utuq tiläymiz.

Rustäm ҺAŞİMOV, Bilal Nazim namidiki ottura mäktäpniŋ muällimi.

Panfilov nahiyäsi.