Kursdaşlar 56 jildin keyin  Çonҗida baş qoşti

0
480 ret oqıldı

Gšhärbüvi İSMAYİLҖANOVA,«Uyğur avazi»/ İlgärki Panfilov pedagogikiliq uçiliöesi, hazirqi Yarkänt  gumanitar-tehnikiliq kolledji nahiyädila ämäs, vilayät hätta җumhuriyät boyiçä mähsus ottura bilim beridiğan ilğar oquş orunliriniŋ biri bolup hesaplinidu. Uniŋ asasi Sopi Zärvat  mäktividin başlanğan  bolup, tähminän tohsän jilliq tarihqa egä. Ötkän vaqit mabaynida  bilim därgahidin  yüzligän mutähässislär uçum boldi. Ularniŋ arisidin muällimlärla ämäs, alimlar, şair-yazğuçilar vä jurnalistlarmu yetilip çiqti. Җumhuriyitimizniŋ җay-җayliridiki bilim därgahlirida oqutuş ana tilimizda jürgüzülüvatqan mäktäplärdä süpätlik bilim, aŋliq tärbiyä beriş yolida  işläp, hšrmätlik däm elişqa çiqqan yaki bügünki kündä maarip sahasida tär tšküvatqanlarniŋ hämmisini sanap çiqiş mümkin ämäs, älvättä.

Yeqinda 1961-jili mäzkür bilim därgahini tamamliğan sabiq kursdaşlar Çonҗa yezisida baş qoşti. Peduçiliöeda u jilliri asasiy җähättin Almuta vilayitiniŋ Panfilov, Uyğur vä ilgärki Çeläk nahiyäliri bilän Almuta şähiridin kälgän 29 qiz-jigitniŋ hazir on tšrtila hayat ekän. Şundaq qilip, bilim beğiniŋ bağvänliri – çaçliriğa aq, üzlirigä qoruq çüşkän bova-momilar bir-birini bağriğa besip, qerindaşlarçä didarlaşti. Puğani qanğiçä muŋdişiş-sirdişiş mümkinçiligigä egä boldi.

Kursdaşlar šzlirigä moşundaq şarait yaratqan kursdişi Zoya Limizovağa minnätdarliğini izhar qilğan  halda ustazlirini äslidi. Bolupmu kuratori  Ayimbüvi Hizmätova bilän  Rehimäm İbragimova vä  Ramazan Ğabdulov ohşaş baqiyliq bolğan ustazlirini, sabiq kursdaşlirini äskä elip, ularniŋ rohiğa tazim qildi.

Uçiliöeniŋ uyğur bšlümini tamamlap, milliy maaripimizniŋ täräqqiyatiğa tšhpisini  qoşqan, hayatiniŋ ällik jilini yaş ävlatni tärbiyiläşkä beğişlap, hazir hšrmätlik däm elişta jürgän  peşqädäm ustazlar İbadät Җahanova, Mämlikät Alimova, Ablikim Nasirov,  İminҗan Yunusov, Omaq Sabitova vä başqilar milliy maaripimizniŋ muhim mäsililiri häqqidä pikir-täklipliri bilänmu ortaqlaşti. Kursdaşlar mundaq ästin çiqmas  däqiqilärniŋ täşäbbuskarliri Nariman Tohtaev, Zoya Limizova, Ğoҗähmät Şämahunovlarğa minnätdarliğini  bildürüp, bir-birini qiyalmay hoşlaşti.

SÜRÄTTÄ: sabiq kursdaşlar. 

Bälüşüş