0
1 386 ret oqıldı

Bähtişat SOPİEV,Uyğur avazi”/ Bu hayatta şundaq adämlär barki, ularniŋ šmri qisqa bolsimu, ismi jutdaşliriniŋ, äl-ağiniliriniŋ yadida mäŋgü saqlinip qalidu. Çünki u adäm šziniŋ käynidin yahşi iz qaldurup kätti. Demäk, kšpçilikniŋ izzät-ehtiramiğa erişiş üçün  alim, yazğuçi yaki şair boluş şärt ämäs. Män šzäm yahşi tonuydiğan vä jutdaşliri dayim ismini mämnuniyät bilän tilğa alidiğan Abdusalam Sesqaev addiy bir adäm bolidiğan. U šzi äsli ğalҗatliq. Amma yätmişinçi jilliri ata-anisi bilän Ämgäkçiqazaq nahiyäsiniŋ Avat yezisiğa kšçüp kelip, şu yärdä šz vaqtida nami sabiq SSSRğa daŋliq bolğan quş fabrikisida işlidi. U šzigä barliq җähättin nahayiti täläpçan edi. Moşuniŋ arqiliq kollektivi aldida çoŋ hšrmät qazandi. Quş fabrikisi yepilip kätkändin keyin u härhil sahalarda işläp, šmürlük җüpti Arzigül ikkisi ikki oğul, ikki qizini җämiyitimizgä layiq insanlardin qilip tärbiyilidi. Şuniŋ bilän birqatar yezidiki җämiyätlik işlarğimu paal qatnaşti. Abdusalam aka härqandaq gäpni adämlärniŋ üzigä qilatti. Biriniŋ käynidin gäp qiliş uniŋğa yat edi. Moşu «qiliği» arqiliqmu kšpçilikniŋ hšrmitigä erişkän bolsa keräk däp oylaymän. Çünki mundaq hislät kšrüngänla adämlärdä bolivärmäydu. Bäzilär bir gäpni däp qoyup, keyin tenip kätsä, bu, älvättä, Abdusalam akiğa yaqmatti. Undaqlarni därhal “orniğa qoyidiğan”. Män uniŋ bilän pat-pat iş babida uçrişip qalattim. U gezitimizniŋ Avat yezisidiki җankšyärliriniŋ biri edi.

— Tehiçila adämlärni mahtap yezip jürämsilär, — däp qoyidiğan häzilkäş akimiz.

Gepiniŋ «җeni» bar. Amma uniŋğa çandurmastin, «aka, bizniŋkilär tänqitni kštärmäydiğu, häqiqätni sšzläp qoysaq, «düşmän» bolup ketimiz» däp ähvalni siliq-sipayä çüşändürüşkä tirişimän.

— “Gezitqa šz ihtiyariŋ bilän muştiri bol, balaŋni uyğur mäktivigä bärgin» degän pikirlärdä män birär eğir tänqitni kšrüvatqinim yoq. Adämlärni «ärkilitivätsäk», milliy mädäniyitimizniŋ täğdiri qandaq bolidu? — dätti u eçinğan halda.

Toğra. Abdusalam aka äynä şundaq šz millitini sšyidiğan, milliy mädäniyitimizgä bepärva qarimaydiğan insanlardin edi. Gezitqa muştiri toplaş päytidä, «җür, berip, aldi bilän šzimizniŋ ğalҗatliqlirini yazayli, ularğiğu «küçimiz yetär» däp qoyidiğan. «Yätmigän yerini bizniŋ ottuz oğul tolturidu» däp qiriq jildin beri mäşräp oynap kelivatqan qädinas dostliri Arselin, Ğoҗähmät, Vladimir, Şäymärdan, Mähämmätniŋ isimlirini tilğa alatti.

Moşu jili may eyida Arselin aka Zuliyarov telefon qilip, Abdusalam akiniŋ tuyuqsiz hayattin štkänligini hävär qildi. Arselin aka ikkimiz helä vaqitqiçä telefonda märhumniŋ gepini qilduq. «U ottuz oğulniŋ güli edi. Uniŋsiz mäşrivimiz qizimatti. Ağinimizniŋ çaqçaqlirini, nahşilirini seğinidiğan bolduq», dedi Arselin aka. Yahşi adämlär arimizdin äynä şundaq çapsan ketidekän.

Ötkändä juqurida ismini atap štkän dostliri telefon qilip: “Bu künlärdä Abdusalam hayat bolsa, atmiş yaşqa tolatti. Uniŋdäk addiy, millätpärvärvär, huşçaqçaq insanlar arimizda sanaqliqla. Uni äskä almisaq bolmaydu» deyişti. Һäqiqätänmu şundaq. Abdusalam akimiz äsläşkä ärziydiğan insan. Uniŋ jutta, äl-ağiniliri arisida päqät yahşi gepi qaldi…

Bälüşüş