Äl äzizligän är edi

0
423 ret oqıldı

Yeşiŋ štkänseri štkän künlärni pat-pat äsläydekänsän. Ahirqi vaqitlarda akam Älistan Üzärbekov häqqidä kšp oylaydiğan boldum. Uniŋ šmri nahayiti qisqa boldi. Amma çaqmaq käbi yenip šçkän hayatida  käynidä šçmäs iz qaldurdi. U 1939-jili ilgärki Çeläk nahiyäsidiki tarihiy jutlarniŋ biri – Malivay yezisida duniyağa kälgän. Ottura mäktäptin keyin Taşkänttiki alaqä tehnikumida tähsil kšrgän u oquşini aliy bilim eliş niyitidä Almutidiki fizkul'tura vä sport institutida bilim alidu. Uniŋ sport sahasini tallavelişi täsadipi ämäs edi. Mäktäptä sportniŋ barliq türliri boyiçä aldinqi orunlardin kšrünätti. Bolupmu boksqa yeqin edi. Bokstin u sport mahiri däriҗisigiçä kštirildi. Älistan oquşini muvappäqiyätlik tamamlap, ämgäk yolini Almuta şähärlik sport başqarmisidin başlaydu. Andin şähärdiki Kalinin (hazirqi Bostandıq) nahiyälik sport bšlüminiŋ başliği bolup işläydu. U uyğur yaşliri arisida sağlam hayat tärizini tärğip qilişta tilğa alarliq işlarni ämälgä aşurdi. Kšpligän uyğur yaşliriniŋ mäzkür sahada utuqlarğa yetişigä zämin yaratti. Җümlidin, uniŋ şagirtliri Җalal Җalalov, Adil Mämätniyazov, Şahavdun Bahamovlar ustaz eqidisini aqlap, muvapäqqiyät qazinipla qalmay, yüzligän şagirtlarni tärbiyiläp çiqti. Şundaqla u Uyğur nahiyäsiniŋ Çarin yezisida sport mäktivini, Almuta şähiriniŋ Gornıy Gigant, Dostluq mähälliliridä sport klublirini eçişqa küç saldi. Şuniŋ bilän billä «Sadir palvan» futbol komandisini täşkil qildi. Älistan akam sän°ätkimu nahayiti yeqin edi. U šz mäzgilidä Gornıy Gigant mähällisidä «Taŋ nuri» ansamblini qurğan sän°ätsšyär insanlarniŋ biri.

Baliliğimda ästä qalğan monu bir närsini äsläp štmäy mümkin ämäs. Uluq Vätän uruşi vä uniŋdin keyinki jilliri män, Änvär akam Baratov vä Älistan akam üçimiz kšpiräk bir šydä, yäni apam İmhanämniŋ qolida çoŋ bolduq. Älistan akam ikkimiz sportqa yeqin eduq. Änvär akam hesapçi boluş qarariğa käldi. Älistan akam ikkimiz ätigänligi kaliniŋ juŋidin yasiğan poŋzigimizni kštirip çiqip ketip, futbol oynap, käçqurunluği biraqla šygä qaytattuq. Egizlikkä, uzunluqqa säkräşni üginättuq. Bäzidä jiqilip put-qolimizni sürüvalsaqmu, җarahitimizni apamğa kšrsätmäslikkä tirişattuq. Älistan akam häqiqiy mänasida qäysär jigit bolidiğan. Uniŋ atisi Üzär uruşta qaza boldi. Bostangül animiz šygä kirsä – ayal, talağa çiqsa är bolup, yalğuz oğli Älistanni tärbiyäläp qatarğa qoşti. «İzi barniŋ qizi bar» demäkçi, Älistan akamniŋ qizliri Adalät, Gülmira vä Elnara ata izini šçärmäy kelivatidu. Şagirtlirimu uniŋ ismini dayim pähirliniş bilän tilğa alidu. U äynä şundaq äl äzizligän är edi.

İminҗan YuNUSOV, peşqädäm ustaz, Ämgäkçiqazaq nahiyäsiniŋ

 Pähriy grajdini. Ämgäkçiqazaq nahiyäsi.

Bälüşüş