Ästin çiqmas şu bir çağlar…

0
573 ret oqıldı

Raşidäm RÄҺMANOVA, «Uyğur avazi»/ Ämgäkçiqazaq nahiyäsiniŋ Malivay yezisidiki bilim därgahi  1967-jili ottura mäktäp bolup šzgärtilgän edi. Şu jili uniŋ qoynidin uçum bolğan qiz-jigitlär biyil mäktäp tamamliğanliğiniŋ 50 jilliğiğa munasivätlik uçraşti. Şu çağda instititutni tamamlap, yeŋidin ustazliq paaliyitini başliğan, matematika päniniŋ muällimi Gülpäm Qasimova ularniŋ sinip rähbiri bolup bäkitilidu. Demäk, biyilqi jil mäktäp üçünmu, Gülpäm hädä üçünmu, 1967-jili mäktäpni tamamliğan 26 oquğuçi üçünmu – çoŋ sänä.

Şundaq qilip, yerim äsirdin keyin nahiyäniŋ bir türküm yezilirida vä Almuta şähiridä istiqamät qilivatqan 19 sabiq sinipdaş baş qoşti. Älvättä, uçrişişniŋ äŋ hšrmätlik mehmini — peşqädäm ustaz Gülpäm Qasimova boldi. Mälum boluşiçä, mäzkür sinipta bilim alğan sinipdaşlarniŋ içidä Pärhat Üsänov – injener, Roşängül Baratova – ihtisatçi, Şämşinur Һasanova, Yarmähämmät Şäripov, Roşängül Һaşirova – muällim mutähässisligini egilisä, qalğanliri härhil sahalarda hizmät qilip, muvappäqiyät qaziniptu.

Äpsuslinarliği, däsläpki ustazi İbdimin Rozahunov bilän Muhidin Sabirov, Abduğeni Rähmidinov, Һezimҗan İbdiminov, Һetahun Tohtiev qatarliq sinipdaşlar baqiliq bolup  ketiptu. 50 jildin keyin  didarlaşqan sinipdaşlar märhumlarni äsläp,  ularniŋ rohiğa qur°an beğişlidi.

Uçrişiş davamida sinipdaşlardin  Bährimҗan Mäsimov, Şämşinur Һasanova, Bavdun Nizamov, Validin Qurbanov vä başqilar izgü tiläklirini izhar qilişti. Bährimҗan Mäsimov mäktäptä oqup jürgän jilliri çüşirilgän sürätlärni šz içigä alğan al'bomlarni dostliriğa täğdim qildi. Sinipdaşlar käŋ dästihan ätrapida şu beğubar baliliq dävriniŋ särgüzäştilärgä tolup-taşqan qiziq vaqiälirini äsläp, uzaq muŋdaşti.

Ämgäkçiqazaq nahiyäsi.

SÜRÄTTÄ: sabiq sinipdaşlar.

Bälüşüş