«Därvişlär» Astanada

247 ret oqıldı

Yoldaş MOLOTOV, «Uyğur avazi»/ Astanada štüvatqan «EKSPO – 2017» Häliqara kšrgäzmisiniŋ mädäniy çarä-tädbirliri dairisidä 29-iyul' küni «Därvişlär» topiniŋ «Muzıka moya» namliq yäkkä kontserti štti. Astana şähärlik hakimiyiti täripidin uyuşturulğan mäzkür kontsert tamaşibinlarğa huş käypiyat hädiyä qildi. – Mäzkür kontsertni uyuşturuşniŋ täşäbbuskari Astana şähiriniŋ hakimi Äset İsekeşev boldi, – däydu «Därvişlär» topiniŋ äzasi Rayim Һämraev. – Mälum boluşiçä, Äset Örentay oğli «Därvişlär» topiniŋ muhlisi ekän. Täkitläş keräkki, bizniŋ kontsert štkän küni Astanada nurğun çarä-tädbirlär, yäni «Comedy club», «KVN», Adriano Çelentano, Murat Bisenğalievniŋ kontsertliri štti. Şuŋlaşqa däsläp bizgä «Kontsertimizğa adäm kelämdu?» degän ändişiniŋ bolğanliğinimu yoşurmaymiz. Biraq tamaşibinlarniŋ zalğa tolğanliğini kšrgändä, bu ändişiniŋ bekar ekänligini çüşänduq. Hoşal bolarliq yeri, astanaliq muhlislirimiz bizni nahayiti yahşi qarşi aldi.

Kontsert davamida «Därvişlär» šz repertuaridiki uyğur,  qazaq vä rus tilliridiki nahşilirini orunlap, şäriq muzıkisini bahalaydiğan häm uniŋ qädir-qimmitigä yetidiğan sän°ätsšyär ammiğa arambähş dämliri hädiyä qildi. Şundaqla «Ruhsarä», «Taҗinisa», «Nargiz» ussul ansambl'liri vä nahşiçilar Raş Tohtahunov, Adilҗan Ömärov, Firuza Җalalova, Bahara kontsertniŋ tehimu җanliq štüşigä ülüş qoşti. Ändi kontsertqa  mehman süpitidä täklip qilinğan ataqliq nahşiçi Nurlan Abdullin «Därvişlär» topiniŋ hitqa aylanğan «Toynamä» nahşisini orunlap, hämmini häyran qaldurdi. Lala Bogomolova şäriq ussulini orunliğanda, tamaşibinlar orunlirida oltiralmay, uniŋğa qoşulup, ussulğa çüşti.

Umumän, «Därvişlär» topiniŋ paytähtimizdiki däsläpki yäkkä kontsertini nahayiti utuqluq štti deyişkä asas bar.