Zenigül aniniŋ tiligi

0
215 ret oqıldı

Gšhärbüvi İSMAYİLҖANOVA, “Uyğur avazi”/ Bu sürättiki Zenigül Qämirdinova Yarkänt şähiridiki Kšnçi mähällisidä yaşaydu. Uluq Vätän uruşi jilliri arqa säptä ämgäk qilğan Nuraniy animiz bilän bolğan sšhbitimiz äşu bir mudhiş jilliri äl beşiğa çüşkän künlärni äsläş bilän başlandi. — Uruş başlanğanda bari-yoqi tšrt yaşta edim. Biraq hämmä närsä hatirämdä, — dedi ana eğir uh tartip. — Ata-anam bilän šy kšrmäy keçä-kündüz etizda jürduq. U jilliri biz ohşaş uşşaq-çüşäklär oyun-külkini untup, ata-animizğa helila äsqetip qalduq. Kätmän çepip, su tutup, aşliq orimisaqmu, ularni ägişip, etiz-eriqta küçimiz yätkidäk işlarni qilduq. Şähär märkizidiki radiodin mäydan hävärliri berilip turidiğan. Hävärlär härhil mäzmunda yätküzülgäçkä, ularni aŋliğan çoŋlar birdä hoşalliq dämlirini sürsä, birdä jiğa-zerä bilänla bolup ketätti. Amma 1945-jili 9-may küni radiodin berilgän «Ğalibiyät» degän huş hävär moşu kämgiçä quliğimda.

Män toqquz yeşimda şähärdiki S.Kirov (hazirqi Helil hämraev) namidiki mäktäpniŋ 1-sinipiğa bardim. On säkkiz yeşimda nahiyälik ahaliğa mäişiy hizmät kšrsitiş kombinatiğa işqa orunlaştim. Maŋa Gülbarşin isimliq ayal ustazliq qildi. Bu käsipniŋ qir-sirlirini şu yaqtin ügändim.

Özäŋlar bilisilär, u päytlärdä “mäҗburiyät” degän närsä bar ediğu, biz uni 110 — 120 payizğa aşurup orunliğan çağlirimiz kšp boldi. Keyin işhanimiz dairisi käŋiyip, “atel'e” däp ataldi. Mana şu 18 yeşimda talliğan tikinçilik käspim maŋa şan-şäräplär elip käldi. Һšrmätlik däm elişqa çiqqiçä, yäni hayatimniŋ 33 jilini moşu käsipkä beğişlaptimän.

Һäqiqätänmu bir orunda vä bir kiyim tikiş maşinkisida işläş җäriyanida ana ikkinçi razryadtiki tikinçi, ämgäk ilğari atilip, käsipdaşliri arisida izzät-hšrmätkä erişti. Zenigül Qämirdinovaniŋ ailäviy arhividiki sürätlär bilän täşäkkürnamilär, Pähriy yarliqlar vä medal'lar uniŋ hayatiniŋ behšddä štmigänliginiŋ ispati bolsa keräk.

Zenigül ana 22 yeşida yarkäntlik quruluşçi Yarmähämät Qämirdinov bilän ailä qurup, üç pärzänt sšydi. Ularni — Halidäm, İmärҗan, Bähitҗanni tärbiyiläp, oqutup qatarğa qoşup, yättä nävrä, ikki çävrä kšrüp, qiziğini kšrüvatidu.

Panfilov nahiyäsi.

Bälüşüş