Qädirdanlarni äsläp

0
290 ret oqıldı

Dost hatirisi/ Moşu yeqinda biz Çoŋ Aqsu ottura mäktivini tamamlap, hayatqa uçum bolğinimizniŋ 40 jilliğini sinipdaşlar bilän atap šttuq. İkki kün davamida ästin çiqmas oquğuçiliq dävrimizniŋ talay qiziq vaqiälirini äsläp, šzimizni yänä mäktäp partisida oltarğandäk his qilduq. Bizgä puhta bilim, aŋliq tärbiyä bärgän ustazlirimizniŋ äqliyanä nesihätliri hayatniŋ dağdam ämäs yolida talay qetim äsqatqanliğini bir-birimizgä bäs-bäs bilän hekayä qilip bärduq.

Äpsus, bizgä äşundaq tärbiyä bärgän ustazlirimizniŋ kšpçiligi hazir arimizda yoq. Lekin qolumizğa qäläm-qäğäz tutquzup, yeziş vä oquşni ügätkän ustazimiz Gülsümhan Muşrapilova bilän yänä mäktäp partisiğa oltarğanda, til bilän eytip yätküzgüsiz käypiyat ilkidä bolduq. Pursättin paydilinip, Gülsümhan hädini vä şu arqiliq barliq ustazlirimizni Bilim küni vä yeŋi oquş jiliniŋ başlinişi bilän täbrikläymiz.

Bizniŋ 40 jilliq uçrişişimiz häqiqätänmu täsirlik vä qiziq štti. Biraq… Äynä şu «biraq» bizniŋ kšŋlümizni ğäş qilğan yeri bar. Sinipdaşlirimizdin bäşi hayattin bäkmu ätigän kätkänligini oylisaq, šzimizni qoyar җay tapalmay qalimiz. Ular Näsirdin Ämrullaev, Alimҗan Päyzullaev, Gülistan Mäsimova, Ğaliyäm Semätova vä Nurvanäm Mulyukova. Һämmisi aqkšŋül, kämtar insanlardin edi, biraq bu hayat, nemişkidu, ularğa külüp baqmidi, hätta Nurvanämniŋ süritinimu tapalmiduq.

Ölümgä heçqandaq çarä yoq. Biz, tiriklärniŋ, qolidin kelidiğini päqät märhumlarni äsläp, ularniŋ rohiğa dua-tägbir qilişla ekän. Biz, sinipdaşlar, äynä şu pärzimizni äta qiliş üçün märhum dostlirimizni yänä bir qetim äsläp štüşni toğra kšrduq, halas!

Rähbär SULAYMANOV, Nurähmät SULTANOV. Çoŋ Aqsu yezisi, Uyğur nahiyäsi.

Bälüşüş