Kšrgän künimizni untumayli

0
401 ret oqıldı

Biz, uyğurlar, äzäldinla šm, inaq häliq. Bolupmu beşimizğa kün çüşkändä, hisdaşliq bildürüp, bir-birimizniŋ qayğusini bšlüşüşkä dayim täyyar turumiz.

Yeqinda Almutidiki millitimiz väkilliri ziç yaşaydiğan mähällilärniŋ biridä uyğur җamaätçiliginiŋ ihçam baş qoşuşi bolup štti. Jiğilğanlarniŋ hämmisi «millitim, hälqim» däp җan kšydürüp jürgän adämlär. Ularniŋ arisida sirttin kälgän, җämiyätlik işlarğa heçqandaq munasiviti yoq bir yoçun җugan oltiratti. Ariliqta u sšz novitini elip, buniŋdin biraz vaqit ilgiri pärzändiniŋ eğir ağriqqa duçar bolğanliğini, şu päyttä moşu yärdä oltarğanlarniŋ küçi bilän toplanğan mäbläğ hesaviğa, balisiniŋ çät äldä davalinip qaytqanliğini eytip, sahavätlik insanlarğa çäksiz minnätdarliğini bildürdi. Җugan bu oyini rus tilida izhar qildi.

Keyinki natiq — pütkül aŋliq hayatini häliq mänpiyitigä beğişliğan, yeşi yätmiştin alqiğan aqsaqal gäpara bayiqi ayalğa qarap: «Bu yärgä minnätdarliq bildürüş üçün alahidä qädäm täşrip qilğiniŋizğa rähmät. Öziŋiz uyğur ekänsiz. Bir-ikki eğiz sšzni ana tilimizda eytsiŋiz toğra bolattimekin» däp qaldi. Mštivär bu pikrini mädäniyätlik türdä, nahayiti siliq-sipayä izhar qildi. Şuniŋğa qarimay, heliqi siŋlimiz, huddi qaynaq suğa oltirivalğandäk, ornidin irğip turdidä, aqsaqalğa näprät bilän bir qarap qoydi vä aççiğida işikni җalaqqidä yepivetip, çiqip kätti.

Bu yärdä mštivär yaman paraŋ qilğini yoq. Oyidiki häq sšzni eytti. Mundaq ähvalda siŋlimiz eğir-besiqliq kšrsitip, kiçikkinä tänqitni sämimiy qobul qilğini hop edi. Dadisidin çoŋ, bovisidäk adämniŋ gepi yaqmiğan halättimu, šzini besip, aziraq süküt saqlisa bolatti. Һär halda jiğinda šziniŋ beşiğa eğir künlär çüşkändä, jut arilap, šymu-šy kirip, ianä topliğan sahavätlik insanlar — jigitbaşliri, hanim-qizlar oltiridudä! Siŋlimiz äşularniŋ hšrmitini qilip bolsimu, sävirçanliq kšrsitişi keräk edi. Äpsus…

Moşu vaqiädin kšp štmäy, Almuta ätrapidiki yezilarniŋ biridä turidiğan kona tonuşumni uçritip qaldim. U mundaq bir ähvalni eytip qaldi. Buniŋdin helä jillar ilgiri bir jutdişiniŋ šyigä šrt kätkändä, pütkül jut bolup yardäm qolini sunidu. Һeliqi ailä äşu mäbläğ hesaviğa az vaqit içidila šy-makanini, qora-җayini äsligä kältürüvalidu. Һä, bügünki kündä bolsa, ular yezidiki turmuş-ähvali äŋ yahşi aililärdin hesaplinidekän. Ötkändä hoşna juttiki başqa bir ailä näq şundaq paҗiägä uçraydu. Uniŋğimu yänä şu җay-җaylardiki sahavätlik adämlär qolidin kälginiçä hisdaşliq bildüridu. Şu mäzgildä jigitbeşi šy arilap jürüp, biz juqurida gäp qilğan ailigä muraҗiät qilidu. Öz vaqtida näq moşundaq tilsiz yeğidin zärdap çäkkän ğoҗayin mundaq ähvalda birinçilärdin bolup mäydanğa çiqişniŋ orniğa, bir tiyinmu berälmäydiğanliğin eytip, jut başquruvatqan inavätlik akimizni quruq qol çiqirivetidu. Buniŋğa nemä däysiz?

Äzir qerindaşlar! Һämmimiz  mehman süpitidä yaşavatqan bäşkünlük bu alämdä insaniy päzilätlirimizni, bir-birimizgä bolğan mehir-şäpqitimizni yoqatmayli. Undaq iş qolumizdin kälmisä, äŋ bolmiğanda, kšrgän künimizni bolsimu untumaylidä…

Bälüşüş