Mehnät qilsimu, minnät qilmaydu

0
38 ret oqıldı

Panfilov nahiyäsidiki Nağriçi yezisiniŋ  baş jigitbeşi  Robert Avutov äynä şundaq äl-jut tiligini aqlap, juti üçün yaşap kelivatqan insanlarniŋ biri. Robertniŋ yaşliq çağliri  uruştin keyinki eğir jillarğa toğra käldi. Egilikniŋ härhil sahalirida işlidi. Keyiniräk mehanizator käspini egiläp, kolhoz ihtisadiniŋ yüksilişigä birkişilik hässisini qoşti. Yezidiki jutdarçiliq işliriğimu paal qatnişip, kšzgä çüşti.

Robert Avutovni yeza turğunliri jigitbeşi qilip sayliğanda, u šzigä kšrsitilgän juquri işänçä bilän җavapkärlikni çoŋqur säzdi. Şuniŋdin buyan uniŋ tinimsiz künliri başlinip kätti. Aldi bilän jut aqsaqalliri, aktivistliri bilän mäslihätlişip, ularniŋ küçigä tayanğan halda, turğunlarniŋ ittipaq-birligini mustähkämläşkä, andin keyin jutdarçiliq işlirini yolğa selişqa kirişti. Toy-tškün, näzir-çiraq štküzüştiki israpçiliqni teҗäp, tärtip-izçilliqni yolğa qoydi. Yezida iҗil-inaq yaşavatqan uyğur vä qazaq yaşliriniŋ beşini qoşup, koçilarni җšndäş,  qäbirstanliqni rätkä kältürüş, şundaqla  šylärgä su trubilirini tartiş, telefon kirgüzüş ohşaş keyingä qalduruşqa bolmaydiğan muhim mäsililärdä birlişip härikät qilişqa ündigän vä ügätkän.

Därväqä, härqandaq  yezidiki iҗil-inaqliq, šmlük, ilğarliqqa qarap yüzliniş – şu yärdiki jigitbeşi vä uniŋ ätrapidiki aktivistlarniŋ paaliyiti bilän ziç munasivätlik. Buni 75 yaşniŋ üzini kšrgän  baş jigitbeşi Robert Avutov yahşi çüşinidu. U ottuz jilğa yeqin jut başqurup kälmäktä. Öziniŋ oçuq çiray, salmaqliq, adämlär bilän içäkişip ketäläydiğan müҗäz-hulqi tüpäyli jutdaşliriniŋ işänçisigä erişkän. Eytilğan pikir-täkliplärniŋ yärdä qalmay, yäkdilliq bilän qollap-quvätläşkä egä boluşiniŋ sävävimu äynä şuniŋda.

Ayrim jigitbaşliriniŋ iş-paaliyiti toy-tškün, näzir-çiraq vä sänälärni štküzüş bilänla çäklinip kelivatqanliğini yoşuruşqa bolmaydu. Amma Robert Avutov šz väzipisigä mundaq qarimaydu. Yeza hakimiyiti vä  mädäniyät märkizi bilän ziç munasivättä bolup, ämäliy ähvalimizğa dair mäsililärgä härqaçan kšŋül bšlidu vä jutni säpärvärlikkä kältüridu. Һär jili muştiri toplaş mävsümidä jutdaşliriniŋ gezit-jurnallirimizğa bir kişidäk yezilişini täminläp kelivatidu. Qisqisi, jut içidä bolidiğan härqandaq  muyumlarda  bolsun, härqaçan uniŋ tinim tapmay jürgänligini talay qetim kšrgänmän.

Uyğur vä qazaq millitiniŋ väkilliri iҗil-inaq yaşavatqan Nağriçi yezisidiki  jut aktivistlirini tilğa alsa, eğiz tolturup eytqidäk işliri, jutniŋ bärikitini täminlävatqan çarä-tädbirliri az ämäs. Jürigidä oti bar nağriçiliqlar häqiqiy vijdani bilän tär tšküp, җamaätçilik işlirini yolğa qoyup, milliy än°änilirimizni tehimu rivaҗlanduruş yolida tilğa alarliq işlarni ämälgä aşuruvatidu. Bu izgü paaliyätlärdä, älvättä, baş jigitbeşiniŋmu munasip hässisi bar. Umumän, bügünki kündä adämlärni maddiy җähättin qollap-quvätlälmisimu ularğa mäniviy yardäm berip, mehnät qilsimu, minnät qilmay,  jut duasiğa erişip, җamaätçilik qälbidin alahidä bir orunni egiläp kelivatqan Robert Avutovqa häm uni dayim qollap-quvätläp kelivatqan  šmürlük җüpti  Rähimämgä mustähkäm salamätlik  vä ailäviy hatirҗämlik tiligäç, ularğa bähit-şatliği bolğan altä pärzändi, on säkkiz nävrisi vä on üç çävrisiniŋ qiziğini kšrüş nesip bolsun däymiz.

Qähriman ҺASANOV. Almuta şähiri.