Mäniviy ozuq boldi

0
246 ret oqıldı

İҗadiy säpär/ Kim bolmayli, qäyärdä yaşimayli, härqaysimizğa ana jutumiz muqäddäs, uniŋ bir siqim topisi tävärük! Dšlät rähbiri Nursultan Äbiş oğli Nazarbaev šziniŋ «Keläçäkkä nişan: mäniviy yeŋiliniş» namliq maqalisida bu mäsiligä alahidä kšŋül bšlüp, «Tuğan jer» programmisini qolğa elişni təklip qildi vä mundaq däp täkitlidi: «Vətənpərvərlik kindik qeniŋ tškülgən ziminğa, tuğulup šskən yezaŋğa, şəhiriŋgə, šlkəŋgə, yəni tuğulğan yeriŋgə degən muhəbbəttin başlinidu… Başqa šlkilərgə kšçüp kətsimu, kindik qeni tškülgän җayni untumaydiğan, uniŋğa ğəmhorluq qilişni halaydiğan tiҗarətçilərni, əməldarlarni, ziyalilarni və yaşlarni uyuşturup, qollaş kerək».

Yeqinda Qazaqstan Yazğuçilar ittipaqi Uyğur ädäbiyati keŋişiniŋ räisi, Qazaqstan Җumhuriyitiniŋ hizmät kšrsätkän ärbabi, yazğuçi-dramaturg Ähmätҗan Һaşiri rähbärligidä yazğuçi qälämdişimiz Dürnäm Mäşürova, dramaturg Äkräm Ähmätov vä mäzkür qurlarniŋ muällipidin tärkip tapqan top Dšlät rähbiriniŋ mäzkür maqalisida kšrsitilgän «Tuğan jer» programmisi dairisidä Dürnäm Mäşürovaniŋ tuğulğan juti — Yarkänt täväsidä iҗadiy säpärdä bolup qayttuq.

Prezidentimizniŋ: «Һərbir šlkiniŋ həlqigə soğda pana, issiqta sayə bolidiğan, isimliri həliq qəlbidə saqlanğan pərzəntliri bar» deginidäk, säpirimiz hälqimizniŋ sšyümlük pärzäntliri, hayattin bäk ätigän kätsimu, isimliri qälbimizdä saqlaqliq şähslär — uluq şair Helil Һämraev bilän җämiyät ärbabi, Qazaqstan yeza egiligi täräqqiyatiğa zor ülüş qoşqan märt oğlan, Dürnäm Mäşürovaniŋ yoldişi Azat Mäşürovniŋ qäbrini ziyarät qiliştin başlandi. Bu yärdä bizni bir top jut mštivärliri kütüp turuptu. Märhumlar rohiğa beğişlap qur°an tilavät qilinğandin keyin, Pänҗim yezisidiki A.Rozibaqiev namidiki ottura mäktäpkä yol tuttuq. Mehmanlarni mäktäp hoylisida qolliriğa güldästilär tutqan oquğuçilar vä mudir väzipisini atqurğuçi Radik Nadirov rähbärligidiki muällimlär kollektivi kütüvaldi.

Oquğuçilarniŋ qazaq vä uyğur tillirida yadqa oquğan şeirliridin bäk rohlinip, mäktäp içigä qädäm täşrip qilduq. Käŋ, taza, maddiy-tehnikiliq bazisi zamaniviy täläplärgä muvapiq җabduqlanğan mäktäp dälizigä qoyulğan räsimlär kšrgäzmisini ziyarät qilğandin keyin, mudirniŋ tärbiyä işliri boyiçä orunbasari Jämilä Talıbaeva mäzkür mäktäpniŋ «Tuğan jer» programmisini qandaq ämälgä aşuruvatqanliğini eytip štüp, Azat Mäşürovniŋ hayati bilän ämgäk paaliyitidin vä qol yätküzgän utuqliridin deräk beridiğan nurğunliğan hšҗҗätlik materiallar qoyulğan, moşu juttin çiqqan ämgäk ilğarliriğa beğişlanğan stendlar ilinğan buluŋğa başlidi. Bu yärdä sšz tizginini oquğuçilar, yäni şu ämgäk ilğarliriniŋ nävriliri elip, mehmanlarni härbir material bilän pähirliniş, mahtiniş ilkidä tonuşturup çiqti.

Andin J.Talıbaeva bizni Dürnäm Mäşürovaniŋ ailisi hamiyliğida yasalğan Azat Mäşürov namidiki kabinetqa başlidi. Ärbapniŋ byusti qoyulğan vä uniŋğa beğişlanğan stendlar esilğan bu kabinetta mehmanlarni mäktäptä paaliyät elip berivatqan yaş ädäbiyatçilar vä yaş jurnalistlar šmiginiŋ äzaliri A.Mäşürovqa beğişliğan şeirlarni oqup kütüvaldi. Andin sšz alğan yazğuçi-şairlar mäzkür uçrişişniŋ mähsiti vä ähmiyitigä, zamaniviy uyğur ädäbiyatiniŋ täräqqiyatiğa, Pänҗimniŋ kelini D.Mäşürovaniŋ iҗadiy paaliyitigä qisqiçä tohtilip štti. Uçrişiş davamida D.Mäşürova oquğuçilarniŋ soalliriğa җavap berip, ularğa «Täğdir qismätliri» namliq kitavini soğa qildi.

Uçrişiş Helil Һämraev namidiki kabinetta davamlişip, jut mštiväri, peşqädäm ustaz Ähmätҗan Nadirovniŋ oquğuçilarğa bizni tonuşturup: «Burun kitaplirini oquğan bolsaŋlar, bügün šzlirini kšrüvatqan bu yazğuçi-şairlarniŋ hämmisi silär ohşaş yezida tuğulup, mäktäptä uyğur tilida bilim alğan. Yahşi oqusaŋlar, keläçäktä silärniŋ araŋlardinmu çoqum yazğuçi-şairlar çiqidu», däp eytqan sšzliri hämmimizni rohlandurup, mäzkür uçrişişniŋ mäzmun-mahiyitini tehimu beyitti.

Uçrişiş davamida D.Mäşürova ailisiniŋ hamiyliğida mäktäpkä interaktivliq tahta, komp'yuter, mäktäp yenida qurulğan «Şatliq» ansambliğa qimmät bahaliq muzıkıliq apparatura elinğanliğiğa, mäktäp hoylisida zamaniviy käŋ sport mäydaniniŋ yasalğanliğiğa guvaçi bolduq. Bir sšz bilän eytqanda, Dšlät rähbiriniŋ šz maqalisida: «Vətənpərvərlikniŋ əŋ ilğar ülgisi məktəptə tuğulğan šlkiniŋ tarihini oquştin başlansa, nahayiti yahşi bolidu… Tuğulğan yerigə yardəm qilğanlarni qollap, hšrmətləşniŋ türlük yollirini tepiş kerək. Moşu arqiliq şəhərlərni avatlaşturuşqa, məktəplərni komp'yuterlaşturuşqa, yərlik aliy oquş orunliriğa hamiyliq qilişqa, mirasgahlar bilən galereyalər fondini kəŋəytişkə bolidu», däp eytqanliriniŋ bir misalini šz kšzümiz bilän kšrüp, Yarkänt şähiridiki Mädäniyät šyigä qarap yol tuttuq.

Zalğa liq tolğan tamaşibinlarni Q.Ğoҗamiyarov namidiki җumhuriyätlik dšlät akademiyalik Uyğur muzıkiliq-komediya teatri  rejisser Muhitҗan Һezimov sähniläştürgän Dürnäm Mäşürovaniŋ «Ana mirasi» dramisi bilän kütüvaldi. Һärbir kšrünüştin keyin zaldin aŋlanğan güldiras çavaklar yazğuçiniŋ real vaqiälärgä asaslanğan mäzkür äsäri häm akterlirimiz maharitiniŋ tamaşibin kšŋlidin çiqqanliğini dälilläp turdi.

Spektakl' tügigändin keyin, sähnigä kštirilgän Panfilov nahiyäsi hakiminiŋ orunbasari Şšhrät Qurbanov nahiyä hakimi Berdaulet Abduldaevniŋ namidin teatr kollektiviğa, şair-yazğuçilarğa minnätdarliq bildürüp, alahidä hšrmät süpitidä Dürnäm Mäşürovağa ton kiygüzdi.

Hulasiläp eytqanda, Yarkänt täväsidä štkän bu uçrişişlardin qaçandu-bir çağlarda Uluq İpäk yolini besip štkän Bilal Nazimniŋ izi, hälqiniŋ işqida kšyüp štkän Ziya Sämädi, Җamalidin Bosaqov, Helil Һämraev, Savutҗan Mämätqulov, Qurvan vä Turğan Tohtämovlarniŋ sšzi qalğan tävädä mehniti bilän şšhrät qazanğan Azat Mäşürov qälblärdä mäŋgü saqlinidiğanliğiğa kšz yätküzüp, mäniviy ozuq, rohiy mädät elip, ilhamlinip qayttuq.

Patigül MÄHSÄTOVA, şairä.

Bälüşüş