Anilar här  işqa qadir

0
288 ret oqıldı

Şämşidin AYuPOV, «Uyğur avazi»/ Muştiri toplaş mävsümini Almuta şähiriniŋ Türksib vä Jetisu nahiyäsidiki uyğur hanim-qizliri biyilmu täşkillik bilän başlidi. Yeqinda «Abuhan» kafesida mäzkür nahiyälär hanim-qizliriniŋ iştraki bilän štküzgän «dügläk üstälmu» yänila moşu muhim kampaniyagä beğişlandi. — Ana tilimizda yoruq kšrüvatqan gezit-jurnallirimizğa muştiri toplaş ohşaş muhim işqa alahidä diqqät bšlüşimiz keräk, — dedi «dügläk üstäldä» däsläp sšz novitini alğan «Sultanqorğan» җämiyätlik birläşmisiniŋ räisi Nizamdun Gäraev.

Baş qoşuşqa qatnaşqan Türksib nahiyälik Uyğur etnomädäniyät märkiziniŋ räisi Nurdšlät Muradilov, Almuta şähärlik Hanim-qizlar keŋişiniŋ räisi Mahinur İsrayilova jiğilğanlardin bu mäsiligä zor җavapkärlik bilän qaraşni iltimas qildi. «Һärbir uyğur ailisidä uyğur tilida çiqivatqan gezit-jurnallirimiz boluşi tegiş», dedi natiqlar. «Promkombinat» mähällisi Hanim-qizlar keŋişiniŋ räisi Saniyäm Bavdinova šz nutqini mundaq başlidi: «Uyğur avazi» gezitiniŋ hayatimizda tutqan orni bšläkçä. Һškümätniŋ qollap-quvätlişi bilän yoruq kšrüvatqan, muhimi, ana tilimizdiki gezitimizni biz oqumisaq, kim oquydu? Demäk, uniŋğa härbir uyğur ailisi yezilişi lazim. Biz, jutniŋ hizmitini qilivatqan hanim-qizlar, šz mähällilirimizdä täşviqat-çüşändürüş işlirini җanlandurup, muştiri toplaş işiğa yeqindin yardämdä boluşimiz keräk».

Mäzkür baş qoşuşta šz pikirlirini izhar qilğan Türksib nahiyälik Hanim-qizlar keŋişiniŋ räisi Nurbüvi Pazilova, Kaznoroö mähällisi Hanim-qizlar keŋişiniŋ räisi Gülbähräm Һüsänova, Çinar mähällisi Hanim-qizlar keŋişiniŋ räisi Nuralähan Һevullaeva vä başqimu mähällilärniŋ hanim-qizliri jildiqidäk «Uyğur avazi» gezitiğa muştiri toplaşqa bar küç-ğäyritini salidiğanliğini izhar qilişti. Diqqätkä sazavär närsä, Jetisu nahiyäsi boyiçä —  750, Türksib nahiyäsi boyiçä 653 danä «Uyğur avazi» geziti taraydu. Jiğin davamida paaliyätçan hanim- qizlar biyil här ikki nahiyädä härbir uyğur ailisiniŋ «Uyğur avazi» gezitini elişini täminläydiğanliğini vä muştirilar sanini 1000ğa yätküzüşkä šzliriniŋ barliq küç-quvitini särip qilidiğanliğini eytti.

Bizmu hanim-qizlarniŋ vädisidä turidiğanliğiğa işänçä hasil qilimiz. Çünki paaliyätçan anilar här işqa qadir.

«Uyğur avazi» kioskida setilamdu?

Bu män yahşi bilidiğan, astida gür-gür gükiräydiğan ikki maşinisi, şähärniŋ qaq otturisida ikki šyi bar akimizniŋ gepi. Uniŋ bu gepini aŋlap, qattiq ränҗidim. Undaq bolğini, äşu bayväççä akimiz üç miŋ täŋgisini qiyip, ana tilimizda näşir qilinivatqan «Uyğur avazi» gezitiğa šzi yezilipla qalmay, qol ilkidä bar bolğandin keyin, gezitqa yezilişqa mümkinçiligi yoq bäş-on ailigä hamiyliq qilip qoysa, nur üstigä nur bolar edi.

Şähsän män, qerindaşlirim bilän billä, jitim šstuq. U zamanlarda «Kommunizm tuği» gezitini (hazirqi «Uyğur avazi») alidiğan aililär nurğun edi. Bizniŋ gezitqa yezilişqa mümkinçiligimiz yoq bolğaçqa, gezitqa yezilğan tonuş-bilişlärdin sorap oqup, andin šyigä apirip berättuq. Demäkçi bolğinim, hazirmu gezitqa muştiri boluşqa imkaniyiti yoq aililär bar. Şularğa yardäm qolumizni sunayli. Һärbirimiz äşundaq qoli qisqa aililärgä soğa süpitidä «Uyğur avazini» yazdurup bärsäk, çoŋ sovapliq iş qilğan bolar eduq.

Ahirida däydiğinim, millitimizniŋ avazi vä äynigi hesaplanğan häm siz bilän bizniŋ avazimizni duniyağa taritivatqan sšyümlük gezitimiz «Uyğur avaziğa» bir kişidäk yezilayli. Öz avazini šzi aŋlimiğan adämniŋ paŋlardin heç pärqi yoq däp oylaymän.

Biz äynä şu paŋlar tizimiğa kirip qalmayli, qerindaşlar.

Gülminäm TOHTAEVA. Uyğur nahiyäsi.

Bälüşüş