Aldi bilän gezit oqup, andin täşviqat qilğan toğra

0
652 ret oqıldı

Erşat ÄSMÄTOV, «Uyğur avazi»/ Һazir җay-җaylarda gezit-jurnallarğa, җümlidin «Uyğur avaziğa» muştiri toplaş qizğin ketip baridu. Yärlik hakimiyätlär bilän hämkarliqta bizniŋ җankšyärlirimiz — җämiyätlik işlarniŋ aktivistliri «içivatqan çeyini, yävatqan nenini qoyup», bu işqa beşi bilän kirişip kätti. Muştiri toplaş mäsilisigä munasivätlik jiğinlarmu štküzülüvatidu. Mana şundaq baş qoşuşlarniŋ biri yeqinda Almuta şähiriniŋ Alatav nahiyäsidä štüp, uniŋda näq şu milliy näşirlirimizgä muştiri toplaş mäsilisimu qaraldi. Mäzkür jiğinğa mehman süpitidä täklip qilinğan җänubiy paytähttiki Medev nahiyälik Uyğur etnomädäniyät märkiziniŋ räisi Sabit Yüsüpovniŋ tšvändiki pikri alahidä diqqätkä sazavärdur.

— Män esimni bilgändin buyan «Uyğur avaziğa» yezilip kelivatimän. Uniŋsiz hayatimni täsävvur qilalmaymän, — däp sšzini başlidi Sabit haҗim. — Һätta štkän äsirniŋ 80-jilliri iş babi bilän jiraq Sibir'diki BAM quruluşida işligän päytlirimdä «Kommunizm tuğini» yazduruvalattuq. Şu mäzgildä häptisigä üç qetim çiqidiğan gezitimiz kälgiçä «kšzimiz tšrt» bolatti. Һazirmu näq şundaq, päyşänbä küni ätigändin başlap poçtal'onniŋ yoliğa qaraymiz. Bu yärdä meniŋ demäkçi bolğinim, rast, jigitbaşlirimiz muştiri toplaş mävsümi başlanğanda, put-qolini yärgä täkküzmäy, paal härikät qilidu. Һärbir šygä kirip, gezitqa yeziş işini ämälgä aşuridu. Buni heçkim inkar qilalmaydu. Amma äynä şundaq җankšyärlirimiz içidä šzliri muştiri bolmaydiğanlarniŋ, gezitqa yezilip qoyğini bilän, uni oqumaydiğanlarniŋ barliği eçinarliq. Buni bayqiğinim, bäzidä koçida ketip berip, gezitlirimizniŋ 3-4 kündin keyinmu därvazilarda qisturuqluq turğinini kšrimän. Bu toğra ämäs. Ular aldi bilän gezit betidä yoruq kšrüvatqan maqalilarni yahşilap oqup çiqip, andin täşviqat işliri bilän şuğullanğini äqilgä muvapiq bolar edi…

Milliy mädäniyitimizniŋ җankšyäri bolğan akimizniŋ gepidä җan bar. Һäqiqätänmu biz birär mähsulatniŋ tämini tetimay, süpitini bilmäy turup, uni qandaq täşviqat qilişimiz mümkin? Uni štküzüş üçün heridarğa barliq ävzälliklirini çoŋqur çüşändürüp, kšzini yätküzgändin keyinla, tävsiyä qilişimiz keräkku!

Bügünki kündä hälqimiz arisida ğäyri dinğa kirip ketivatqanlarniŋ kün sanap kšpiyivatqanliği hämmimizgä mälum. Äynä şuniŋ asasiy säväpliriniŋ biri — missionerlar täşviqatiniŋ küçlüklügi. Ular tärğibat-täşviqat işlirini eniq faktlar, misallar asasida maŋğuzup, šz pikrini meyäŋgä qoğuşundäk quyuvetişni bilidu. Öz sahasi boyiçä puhta bilimi, natiqliq qabiliyiti tüpäyli ammini šzigä birdin җälip qilivalidu. Һä, bizgimu bu җähättin ulardin ülgä elişimiz keräk. Yäni gezitni täşviq qilğanda, uniŋ sähipiliridä yoruq kšrüvatqan ähmiyiti zor, qiziqarliq, millät mänpiyitigä ait maqalilarni yaki ulardin muhim üzündilärni misalğa kältürüp gäp qilğandila, ammini šzimizgä җälip qilalaymiz. Säviyäsidä millätkä nisbätän muhäbbät, milliy roh tuyğulirini oyğitalaymiz.

Bähitkä yarişa, gezitimiz keyinki vaqitlarda 12 bät bolup çiqivatidu. Jurnalistlirimiz bilän ayrim muälliplirimiz ularniŋ qiziq, mäzmunluq maqalilar bilän tolturuşqa tirişivatidu. Şuni pähirliniş bilän eytalaymizki, näşrimiz sähipiliridä qiziqarliq materiallar turaqliq berilip kelivatidu. Şuniŋ bilän billä gezithanlirimizniŋ kündilik hayatimizdiki yeŋiliqlar, җümlidin Qazaqstandiki häm çät ällärdiki uyğurlarniŋ näpäsi bilän tonuşuş imkaniyitimu bar. Şuŋlaşqimu, hšrmätlik oqurmän, «Uyğur avaziğa» kelär jilğa muştiri boluşni yadiŋizdin çiqirip qoymaŋ.

Sšyümlük gezitiŋlarğa muştiri toplaş mävsümi davamlişivatidu, äziz oqurmän.

Bälüşüş