Jigitbaşliri dayim aldinqi säptä

0
2 220 ret oqıldı

Yoldaş MOLOTOV, “Uyğur avazi”/ Ötkän yäkşänbä küni Zarya Vostoka mähälisidiki «Alatau» kafesida Almuta şähiri Alatav nahiyäsidiki uyğur jutliriniŋ jigitbaşliriniŋ baş qoşuşi štti. Uniŋğa ziyalilar, jurnalistlar, җamaätçilik väkilliri iştrak qildi. Baş qoşuşni җumhuriyätlik Uyğur etnomädäniyät märkizi yenidiki Jigitbaşliri keŋişi räisiniŋ orunbasari, Alatav nahiyäsiniŋ baş jigitbeşi Yarmuhämät Kebirov kirişmä sšz bilän açti.

— Һämmiŋlarğa mälum, biz här jili oktyabr' eyiniŋ ahirqi şänbisidä Uyğur jutliriniŋ jigitbaşliri künini nişanlaş än°änimiz bar,— dedi Yarmuhämät Kebirov. — Biyil, äpsus, ayrim säväplärgä bola, bu künni käŋ dairidä štküzüş mümkin bolmidi. Şuŋlaşqa bügün uni bizniŋ nahiyämiz dairisidä bolsimu atap štüş mähsitidä jiğilivatimiz.

Alatav nahiyäsidä uyğurlar ziç yaşavatqan toqquz çoŋ jut bar. Ularniŋ hämmisi bir yaqidin baş, bir yäŋdin qol çiqirip, millitimizgä ait härqandaq mäsililärdä dayim aldinqi säptin kšrünüp kelivatidu. Bu, älvättä, jutlardiki jigitbaşliriniŋ ämgigi. Bügünki baş qoşuşimizniŋ kün tärtivi Prezidentimiz Nursultan Nazarbaevniŋ «Keläçäkkä nişan: mäniviy yeŋiliniş» maqalisida sšz bolğan muhim mäsililärni muhakimä qiliştin, jigitbaşliriniŋ jut aldidiki җavapkärligini tehimu aşuruştin, milliy näşirlirimizgä muştiri toplaştin ibarät. Pursättin paydilinip, moşu baş qoşuşqa imkaniyät yaritip, bizgä dayim yardäm berip kelivatqan sahavätlik inimiz Tursunmähämät Musaevqa täşäkkür izhar qilmaqçimän.

Şuniŋdin keyin sšz alğan ҖUEMniŋ iҗraiy mudiri Zihrullam Qurvanbaqiev җämiyätlik işlarda jigitbaşliriniŋ roliğa täpsiliy tohtaldi. Şundaqla barliq jigitbaşliriğa ҖUEM räisi, Parlament Mäjlisiniŋ deputati Şahimärdan Nurumovniŋ salimini yollidi. Ändi Almuta şähärlik jigitbaşliri keŋişiniŋ räisi İnämҗan Hudaybärdiev säpdaşilirini mäyrimi bilän täbrikläp, ularniŋ ämgigi üçün täşäkkür izhar qildi. Şuniŋdin keyin «Uyğur avazi» gezitiniŋ baş muhärriri, ҖUEM räisiniŋ orunbasari Erşat Äsmätov sšz aldi.

— Bügünki baş qoşuşniŋ kün tärtividiki mäsililärniŋ biri — Dšlät rähbiriniŋ «Keläçäkkä nişan: mäniviy yeŋiliniş» maqalisidiki muhim mäsililärni muhakimä qiliş, — dedi Erşat Mollahun oğli. — Mäzkür maqalida җämiyitimiz aldidiki barliq muhim mäsililär šz äksini tapqan. Şu mäsililärni häliqqä çüşändürsäk, tärğibat qilsaq, nur üstigä nur bolidu. Mäsilän, «Tuğan jer» programmisi. Һärqandaq insan üçün šz ana jutiniŋ qädri bšläkçä. Moşu yärdä oltarğanlarniŋ kšpisi yezilarda çoŋ bolğanlar. Hudağa şükri, tirikçiligimiz yahşi. Äynä şu tuğulğan jutuŋlarğa, yezaŋlarğa berip tursaŋlar, şu yärdiki iҗtimaiy täminati naçar aililärgä, jitim-yesirlarğa, mäktäplärgä azdu-tola yardäm qilsaŋlar, jutuŋlar üçün ämgäk qilğan jutdaşliriŋlarniŋ isimlirini äbädiyläştürüş işlirini qolğa alsaŋlar, moşuniŋ hämmisi silärniŋ hšrmitiŋlarni tehimu juquri kštiridu.

Yänä bir muhim programma – «100 yeŋi isim». Silär bevasitä häliq içidä jürgäçkä, jutuŋlardiki häliq üçün hizmät qilivatqan, ämgigi siŋgän adämlärni yahşi bilisilär. Һazir äynä şundaq şähslärni tävsiyä qiliş başlandi. Bizniŋ millitimiz arisida şundaq adämlärniŋ bar ekänligigä işänçim kamil. Bizmu şularni tävsiyä qilayli. Älvättä, «Uyğur avazi» gezitiniŋ jigitbaşliri bilän dostluğiniŋ uzun jilliq än°änisi qeliplaşqan. Biz bu än°änini nahayiti qädirläymiz. Muştiri toplaş vä başqimu mäsililärdä uyğur jutliriniŋ jigitbaşliri bizgä dayim qol-qanat bolğan, boluvatidu häm buniŋdin keyinmu şundaq bolidu, däp işäşlik eytalaymän. Mana hazir hämmimiz üçün muhim bolğan muştiri toplaş mävsümi başlandi. Silärniŋ qollap-quvätlişiŋlar tüpäyli bu işnimu kšŋüldikidäk ämälgä aşurimiz degän ümütim bar.

Şuniŋdin keyin sšz alğan Almuta şähärlik Uyğur mädäniyät märkizi räisiniŋ orunbasari İsaq Lohmänov jigitbaşliriniŋ ämgigini bahalap, täşäkkür izhar qildi. Ändi «Täŋritağ» telekaniliniŋ paaliyiti häqqidä telekanalniŋ baş prodyuseri Adilҗan Sadiqov täpsiliy tohtaldi.

— Hälqimiz šz jutiğa kšyünidiğan, millitini sšyidiğan, jutdaşliri içidä abroyi bar adämlärni jigitbeşi qilip saylaydu, — dedi šz novitidä sšz alğan jut mštiväri Sabirҗan Ğapparov. — Qazaqstanda hämmä häliq üçün ohşaş şarait moҗut. Elimizdä milliy mäktäplirimiz, milliy teatrimiz bar, gezitlirimiz çiqivatidu. Uyğurlar kšp yaşavatqan hoşna dšlätlärdä moşuniŋ birimu yoq. Biz, qazaqstanliq uyğurlar, häqiqätänmu bähitlik uyğurlar. Ändi äynä şu bayliğimizni saqlap, ävlatqa tapşuruş — bizniŋ muqäddäs väzipimiz. Bu yärdä silärniŋ, yäni jigitbaşliriniŋ, roliŋlar alahidä. Esiŋlarda bolsa, štkän äsirdä tonulğan ayrim sän°ätkarlirimiz şagirt tärbiyiläş işiğa tamamän kšŋül bšlmidi. Şu säväptin barliq qir-sirini šzi bilän elip kätti. Bu eçinişliq ähval. Bayqisam, bügün bu yärgä jiğilğan jigitbaşliriniŋ nurğuni maŋa ohşaş yaşanğanlar ekän. Meniŋ iltimasim, şagirt täyyarlaşni qolğa alsaŋlar. Şularğa barliq işlarni ügätsäŋlar, yaşlarni җälip qilsaŋlar, nur üstigä nur bolidu.

Jiğilğanlarniŋ diqqitini җälip qilğan «Turan duniyasi» җämiyätlik fondiniŋ räisi Karlin Mähpirovniŋ nutqi boldi.

— Män iş babida nurğun türkiytilliq dšlätlärdä boldum, ularniŋ urpi-adätlirini ügändim, — dedi Karlin Mähpirov. — Päqät Özbäkstanniŋ Änҗan vilayitidila “jigitbeşi” degän çüşänçä bar ekän. Qalğan heçbir türkiytilliq häliqlärdä moşundaq җämiyätlik institut yoq. Uyğurlarniŋ, ular duniyaniŋ qaysi dšlitidä yaşişidin qät°iy näzär, jigitbaşliri bar. Mäsilän, Türkiyani alayli. Tilimiz yeqin bolğaçqa, moşu dšlättä yaşavatqan qandaşlirimiz kšp җähättin ana tilini untuşqa yüzländi. Amma milliy än°änilärni untumaydu. Jigitbaşliri bar. Evropa älliridimu şundaq. Şvetsiyadiki uyğurlarniŋ eytişiçä, moşu yärgä kšçüp kälgänlär däsläptä šlüm-jitim işlarda türk yaki äräp mollilirini täklip qilişqa mäҗbur bolğan. Şundaqla toy-tškün vä başqimu muhimlarda işni başqurup, hälqimiz än°änilirigä muvapiq štküzüşni qolğa alidiğan adämlär bolmaptu. Ahiri ular ätraptiki barliq uyğurlarni jiğip, jigitbeşini saylap, işlirini rätkä kältürgän ekän. AQŞtimu şundaq bolğan. Demäk, «jigitbeşi» çüşänçisi härbir uyğurniŋ qenida bar. Şuŋlaşqa jigitbaşliriniŋ işlirini täşviq qiliş, ularğa bolğan hšrmätni aşuruş lazim.

Mäzkür baş qoşuş ahirida «Uyğur avazi» gezitiniŋ baş muhärriri Erşat Äsmätov Almuta şähärlik Uyğur etnomädäniyät märkizi räisiniŋ orunbasari İsaq Loqmänov vä Alatav nahiyälik Uyğur mädäniyät märkiziniŋ räisi Turğanҗan Yüsüpov bir top җämiyätlik işlarniŋ aktivistliriğa Pähriy yarliqlarni tapşurdi.

Bälüşüş