Başqilarniŋ mänpiyitini oylaş — aliyҗanapliqtur

0
899 ret oqıldı

Päzilätlik kişilär başqilarniŋ mänpiyitini oylaydu, ğemini yäydu. Yäni moşundaq niyättiki, yäni qälbidä qilçilik şähsiyätçilik uruği bolmiğan kişi hämmidin kšŋüllük, hatirҗäm yaşaydu. Sizdä şähsiyätsiz, šzgilärni oylaydiğan jüräk bolsa, bähtiyarliq tuyğusi vuҗudiŋizda muҗässäm bolup, sizni pütmäs-tügimäs bähitkä, hayatiy küçkä egä qilidu. Bu häqqidä danişmänlärniŋ: «Birävniŋ hoşalliğiğimu, qayğusiğimu ortaq bolsaŋ, yahşi namiŋ çiqidu. Һämmä kişi seniŋ bilän arilişişqa aldiraydu. Kişilärgä mänpiyät yätküzgän adäm ahiri muradiğa yetidu» degän dana pikirliri moҗut. Demäk, äҗdatlirimiz kişilärni äzäldin insanpärvär, rähimdil, sehi, märt-märdanä boluşqa, šz mänpiyiti üçün başqilarni ziyanğa uçratmasliqqa ündigän.

Başqilarniŋ mänpiyitigä kšz alaytiş, ziyan kältürüş –ählaqsizliqtur. Aliy päzilätlik adämlär qiyinçiliqqa uçriğanlarğa çaminiŋ yetişiçä yardäm qolini sunidu. Tiŋirqap qalğanlarğa toğra yol kšrsitip, paydiliq mäslihitini beridu. Һayatida mänilik iz qalduruşni, qilğan işida nätiҗä yaritip, izzät-hšrmät vä şan-şäräpkä nail boluşni oylaydu.

Ägär adäm җimiki yahşi işlarniŋ šzigila has däp oylap, başqilarniŋ ähvali bilän kari bolmisa, u çağda uniŋ ählaq däriği mevä bärmäyla qurup ketidu, işliri haman väyrançiliqqa uçraydu. Biz bir-birimizniŋ mänpiyitini oylisaq, arimizda mehir-muhäbbät, inaqliq-ittipaqliq ovҗ alidu, boyimizda gšzäl ählaq vä esil hislätlär şäkillinidu.

Umumän, kişilik turmuş bizdin hämmä җähättin täläpçan, näpsigä beriliştin qol üzüp, halis niyätlik boluşni täläp qilidu degän sšz. Şuŋlaşqimu hämmimiz qälbimizdiki şähsiyätlik, mänpiyätpäräslik ählätlirini süpirip taşlayli, niyitimizni durus, halis qilayli, imkaniyitimizniŋ bariçä häm çamimizniŋ yetişiçä başqilarniŋ mänpiyitini oylayli.

  «Şiŋҗaŋ geziti».

Bälüşüş