Avatta «Altun küz»

0
162 ret oqıldı

Sabiräm ÄNVÄROVA, «Uyğur avazi»/ «Sehi küz», «Bärikätlik küz», «Altun küz» — bu uqumlarniŋ barliği, bir sšz bilän eytqanda, küzniŋ molçiliq mäzgili ekänligidin dalalät beridu. Ana täbiät räŋmu-räŋ kimhap kiyip, anilirimiz säyniŋ tür-türini hazirlisa, atilirimiz qişqa otun-kšmür täyyarlaydiğan päyt. Ata-bovilirimiz äzäldin küzlügi jutniŋ beşini qoşup toqçiliqni nişanliğan. Buni «Samantoy» däp atiğan.

Avat yezisidiki «Altun küz» däp atalğan mävsümlük bu çarä-tädbirgä iştrak qilip, şu zamanlardiki «Samantoyniŋ» šz äksini yoqatmiğanliğiğa kšzüm yätti. U küni yättä yaştin yätmiş yaşqiçä bolğanniŋ hämmisi yeziliq istirahät beğiğa jiğildi. Bärikätlik aq dästihinimizda tonur nenimizdin başlap, hilmu-hil milliy taamlirimiz, mevä-çevä, kšktat, säylärniŋ barliq türliri degidäk boldi.

«Altun küz» märasimida Avat yeza okruginiŋ hakimi Ravil' Anadullaev sšzgä çiqip, bügünkidäk märasimni uyuşturğan yeziliq Hanim-qizlar keŋişiniŋ räisi Zoräm Sattarovağa minnätdarliğini izhar qildi vä buniŋdin keyinmu moşundaq çarilärniŋ izçil davamlişişiğa tiläkdaşliğini bildürdi. Һakimniŋ bu izgü-tiläklirigä yeza imami İminҗan Rozibaqiev, jigitbeşi Abdusattar Zäynidinov, yeziliq Aqsaqallar keŋişiniŋ räisi İsmayil Aqmollaev bir eğizdin qoşuldi. Keyin yeza turğunliri koça-koçilar boyiçä nahşa-ussul musabiqisigä çüşti.

Qazilar yäkünini çiqarğiçä, Zoräm Sattarova jut turğunlirini mol dästihanğa täklip qildi. Yeza imami qur°an oqup, jutniŋ hatirҗämligi, birligi üçün dua qildi. Keyin kšpçilik taqätsizlik bilän kütkän mukapatlaş täntänisimu başlandi. Şundaq qilip, musabiqidä ğalip çiqqan R.Ğäniev koçisi bilän «Quduq» uçastkisiniŋ turğunliri Baş mukapatqa erişti. T.Sopiev, Һ.İskändärov koçiliri – birinçi, H.Amet vä S.Palvan koçiliri – ikkinçi, R.Baqieva, Beybitşilik, Rahat, H.Setiev, Һ.Zäynavdinova, İ.Rozahunov, A.Rozibaqiev koçiliriniŋ turğunliri bolsa, üçinçi orunğa muyässär boldi.