Milliyligimizni sinaydiğan bir päyt

0
166 ret oqıldı

 

Gšhärbüvi İSMAYİLҖANOVA, «Uyğur avazi»/ Panfilov nahiyäsiniŋ uyğurlar ziç yaşaydiğan yezilirida 80din oşuq jigitbeşi paaliyät elip berivatidu. Ularniŋ 40tin oşuği Yarkänt şähiridiki yeŋi mähällilär bilän koçilarniŋ jigitbaşliri. Yarkäntniŋ juqarqi qismidiki «Yeŋi hayat» däp atilip kätkän mähälliniŋ šzidila altä koça bar ekän. Demäk, uniŋğa altä jigitbeşi rähbärlik qilidu.

Yeqinda şu mähällidä Yarkänt şähiriniŋ jigitbaşliri, hanim-qizlar keŋäşliriniŋ äzaliri baş qoşti. uni kirişmä sšz bilän açqan jutniŋ baş jigitbeşi Taşmähämät Mämläkov ilgiri «Novostroyka» däp atalğan mäzkür mähällini jut aktivistliri bilän mäslihätlişip, buniŋdin keyin «Yeŋi hayat» däp ataşni durus kšrgänligini hävärlidi. Andin mehmanlar — şair Arupҗan Җumahunov, uzun jillar җumhuriyätlik «Uyğur avazi» gezitiniŋ Panfilov nahiyäsi boyiçä šz muhbiri bolup işligän jurnalist, şair Nurähmät Ähmätov vä gezitimizniŋ җankšyäri, fotomuhbir Tursunmähämät Mäşürovni tonuşturup, bu jiğilişniŋ mäyrämlik sänä — Yarkänt şähiriniŋ qurulğininiŋ 135 jilliğiğa beğişlinivatqanliğini täkitlidi. Baş jigitbeşi Yeŋi hayattiki jutniŋ šmlügini, milliy urpi-adät, räsim-qaidilärni saqlap, ularni rivaҗlandurup, toy-tškün, näzir-çiraqlarni artuq israpçiliqqa yol qoymay štküzülüvatqanliğini tilğa aldi.

Mäzkür baş qoşuşqa iştrak qilğan Panfilov nahiyälik Uyğur etnomädäniyät märkizi räisiniŋ orunbasari Abdusalam Äliev jiğilğanlarni mädäniyät märkiziniŋ ahirqi ikki jilda ämälgä aşurğan işliridin hävärdar qildi.

— Һazir җay-җaylarda gezit-jurnallarğa muştiri toplaş kampaniyasi qizğin ketip baridu, — däp sšzini davam qildi A.Äliev. — Mustäqil elimizdä ana tilimizdiki birdin-bir җumhuriyätlik җämiyätlik-säyasiy «Uyğur avazi» geziti bügünki kündä on bäş miŋ nusha bilän çiqivatidu. Ötkän jili yarkäntlik jigitbaşliri toy seliğiğa bäş «Uyğur avazini» kirgüzgän edi. Bu başlanmini, jigitbeşiniŋ sšzini yärdä qoymay, moşu mähällä turğunliri däsläpkilärdin bolup qollap-quvätlidi vä mäzkür näşirgä Panfilov nahiyäsidin 3400 adäm muştiri boldi. Ägär nahiyädä millitimiz väkilliriniŋ sani 40 miŋdin oşuq ekänligini äskä alsaq, bu helila tšvän kšrsätküç. Buni iqrar qilişimiz keräk. Şuŋlaşqimu biyil muştiri toplaş işlirini tehimu җanlandurup, bu kšrsätküçni tšrt miŋğa yätküzüşkä tirişivatimiz.

Şuniŋdin keyin Arupҗan Җumahunov šzi jigitbeşi bolup işligän jilliri muştiri toplaş işlirini qandaq elip barğanliğini, hazirqi şaraitta uni qandaq jürgüzüş lazimliğini eytip, başqilarnimu şuniŋğa dävät qildi. Arupҗan aka bolupmu yaşlirimizniŋ kšpçiliginiŋ gezit oqumaydiğanliğini alahidä eçiniş bilän täkitläp, härbir ailidä ata-anilarniŋ, mäktäplärdä muällimlärniŋ gezit bätliridä yorutuluvatqan maqalilarni muhakimä qiliş işlirini qolğa eliş täklivini bärdi. Ahirida u «Uyğur avaziğa» — 60 jil» şeirini oqup bärdi.

Bu küni peşqädäm jurnalist Nurähmät Ähmätov ilgiri “Novostroyka” däp atalğan mähällidiki yaş ailä egiliriniŋ kšpçiligi pärzäntlirini taza uyğurtilliq ikki mäktäpkä ävätiştin kšrä, šzgä tilliq mäktäplärgä berivatqanliğini qoşumçä qildi.

— Һämmä närsä äynä şu mäktäp bosuğisidin başlinidu, ana tilini bilgän bala gezitmu oquydu. Şuni ästin çiqarmayli. Eytmasqa bolmaydiğan yänä bir pikir. Muştiri toplaş – milliyligimizni sinaydiğan bir päyt. Moşuniŋğa qarap kimniŋ kim ekänligini biliveliş täs ämäs, — dedi şair.

Şundaqla baş qoşuşta jigitbaşliri Mähämätҗan İminov, Tilivaldi Baratov bilän Bilal Nazim namidiki ottura mäktäpniŋ muällimliri Oğläm Samirova, Zäytünäm Häyrullaeva bala tärbiyisi, mähällilärdiki turğunlarniŋ inaqliğini häqqidä šz pikir-täklipliri bilän ortaqlaşti.

— Rast, bizniŋ jut turğunlirini asasän yaş aililär täşkil qilidu, — däp  qoşumçä qildi Taşmähämät Mämläkov. — Mana şu yaşlirimiz zamaniviylişip, pärzäntlirigä šzliri bilgän isimlarni qoyuvatidu. Pärzändini qandaq ataş – härkimniŋ šz ärkidä, älvättä. Şundimu ahirqi päytlärdä bizniŋ tilimiz kälmäydiğan isimlarniŋ kšpiyip ketivatqanliği җanğa patidu. Bu çät äl kinoliriniŋ täsiri däp oylaymän. Şuniŋ üçünmu gezit bätliridä bu mäsilini kštiriş keräk. Şu çağdila biz šzimizniŋ millitigä täälluq isimlarni äsligä kältürimiz däp oylaymän.

Baş qoşuşniŋ ahirida baş jigitbeşi här qädämdä qol-qanat bolup, pikir-mäslihätlirini berip, mähällilärdiki yalğuz yaşanğanlarğa, täminati naçar, kšpbaliliq aililärgä halisanä yardimini kšrsitivatqan sahavätlik insanlar – Nurmähämät Ramzan, Ğäyrät Tohtaev, Mähämätҗan İminov vä Alimҗan Turdievqa jut namidin minnätdarliğini izhar qildi.

Panfilov nahiyäsi.

SÜRÄTTÄ: “Yeŋi hayat” mähällisidiki gezitimizniŋ bir top җankšyärliri şairlar Arupҗan Җumahunov vä Nurähmät Ähmätov bilän.

Tursunmähämät MÄŞÜROV çüşärgän sürät.

Täşäbbuskarlar — nuraniy anilar

Oylap kšrsäm, biyil meniŋ җamaätçilik işliriğa arilişip kelivatqinimğa jigirmä jil toluptu. Äynä şu jutdarçiliq işliriniŋ beşida jürgän jigitbaşliri bilän hanim-qizlarniŋ izgü paaliyitini dayim yorutup kelivatqan җämiyätlik-säyasiy «Uyğur avazi» gezitiğa dayim minnätdarmän.

Män här jili millitimniŋ namida atilidiğan bu gezitqa muştiri toplaş mävsümigä paal qatnişimän. Şundaqla šymu-šy kirip, härbir ailiniŋ ana tilimizdiki gezitimizğa yezilişiniŋ zšrürlügi häqqidä eytimän. Maŋa äŋ aldi bilän mähällimizdiki nuraniy anilar — Asiyäm Kebirova, Aminäm Һapizova, İzzät Yüsüpova vä Päridäm Rozieva telefon qilip, gezitimizğa šz ihtiyari bilän yezilidu. Män ularniŋ pensiyasi az, kšzliriniŋ gšhiri šçüp, yaşinip qalsimu, mäniviy ozuq üçün pulini ayimaydiğanliğiğa qayil bolumän. Şundaq qilip, biyil 60 uyğur ailisi istiqamät qilidiğan Sultanqorğandiki Çinar mähällisidä 50 ailä «Uyğur avazi» gezitiğa muştiri boldi.

Ana tilimizda yoruq kšrüvatqan häm dšlät täripidin qollap-quvätlävatqan bu gezitimizğa muştiri boluş härbirimizniŋ pärzi. Şähsän šzäm muştiri toplaş mävsümidä qolumdin kälgän yardimimni ayimaymän, däp eniq eytalaymän.

Nuralähan ҺEVULLAEVA, Çinar mähällisi Hanim-qizlar keŋişiniŋ räisi.

Almuta şähiri.