Çempion tävälludiğa beğişlandi

0
854 ret oqıldı

Sabiräm ÄNVÄROVA, «Uyğur avazi»/ Yeqinda Uyğur nahiyälik balilar vä šsmürlär sport mäktividä nahiyäniŋ Pähriy grajdini, yenik atletika boyiçä Qazaqstan çempioni Armiya Һoşurovniŋ 85 yaşliq tävälludiğa beğişlanğan çoŋ musabiqä uyuşturuldi.

Dšlät rähbiri «Keläçäkkä nişan: mäniviy yeŋiliniş» namliq maqalisida eytip štkinidäk, insan tuğulğan yerigä, hälqigä ämgigi siŋgän, nami büyük jutdaşliri bilän mäğrurlinişi keräk. Şundaq ekän, 1952-jili birinçi duniyayüzlük yaşlar festivaliğa qatnişip, 200 metrliq ariliqqa jügräştä җumhuriyät rekordini yeŋilap, 1954-jili bolup štkän yaşlar bilän studentlarniŋ pütkülittipaqliq spartakiadisida 100, 200, 400, 800 metrliq musabiqilärdä top yerip, talay qetim elimizniŋ şänini qoğdiğan çempioni Armiya Һoşurovniŋ namini yaş ävlat untumasliği lazim.

Däsläp sšz alğan nahiyä hakimi Ş.Nurahunov Tügmän yezisidin çiqqan ataqliq sportçiniŋ yätkän utuqlirini alahidä tilğa elip, sport veteranini tuğulğan küni bilän täbriklidi. Sšzgä çiqqanlarniŋ içidä sport veterani Azat Paltuşev, Qazaqstan Җumhuriyitigä ämgigi siŋgän mäşiqländürgüçi Mahmut İskändärovlarmu boldi.

İzgü-tiläk vä saz-näğmilärdin keyin, novät musabiqigä berildi. Nahiyäniŋ bilim därgahliridin kälgän yaş sportçilar jügräştin musabiqigä çüşti. Qizğin häm juquri däriҗidä štkän musabiqidä qizlar arisida ğalip çiqqan oquğuçilar mukapatlarğa sazavär boldi.

Ahirida sšz alğan sport veterani Armiya Һoşurov uşbu çarä-tädbirni uyuşturğuçilarğa çäksiz minnätdarliğini izhar qilip, musabiqidä ğalip çiqqan oquğuçilarniŋ keläçigidin zor ümüt kütidiğanliğini alahidä täkitlidi.

Bälüşüş