Mäşräptä yahşi gäpmu, alar näpmu boldi

0
779 ret oqıldı

Elimiz Prezidenti Nursultan Äbiş oğli Nazarbaevniŋ «Keläçäkkä nişan: mäniviy yeŋiliniş» maqalisida qazaqstanliqlarniŋ milliy urpi-adätlirini saqlişiğimu alahidä kšŋül bšlgän. «Zaman eqimidin yoqimay kälgän urpi-adätlirimizni tehimu җanlanduruşimiz haҗät. Mäniviy yeŋiliniş kona urpi-adätlirimizdin näp almisa, adişidu»، däp yazidu Dšlät rähbiri šz maqalisida.

Yeqinda Qoram yezisida tunҗa qetim štkän Yaşlar mäşrividä näq moşu mavzu ätrapida ätrapliq gäp boldi. Mäşräp räsim-qaidilärgä riayä qilğan halda başlinip, däsläp Dšlät rähbiriniŋ «Keläçäkkä nişan: mäniviy yeŋiliniş» maqalisi häqqidä qisqiçä doklad oquldi. U küni sšzgä çiqqan Qoram yezisiniŋ jigitbeşi Qurvanҗan İslamov, Ämgäkçiqazaq nahiyälik Uyğur etnomädäniyät märkiziniŋ Qoram yeziliq şšbisiniŋ räisi, mäşräp begi Adilҗan Mäsimov, rässam Dias Qurbanov, şair Äkräm Sadirov Prezidentniŋ maqalisiğa, milliy mäşräpniŋ ähmiyitigä täpsiliy tohtaldi.

Şuniŋdin keyin novät oyun-tamaşiğa berildi. Almutidin alahidä täklip qilinğan riyasätçilär: Suhrab Davutov bilän Daniyar Qunahunov šzliriniŋ štkür häzil-çaqçaqliri arqiliq kšpçilikni külkigä ğäriq qilsa, «Pärvanä» ansambli bilän Mehrat Rähmätҗan orunliğan häliq nahşiliri mäşräpniŋ mäzmunini tehimu beyitti. Şundaqla jut mštiväri İsrayil atiniŋ «Sapay ussuli»، Abdumanap Mahmutҗanniŋ «Dolan ussuli»، häliq talanti Nurähmät İsrayilovniŋ yeqimliq nahşiliri täşna kšŋüllärgä arambähş dämlärni hädiyä qildi.

Ahirida mäşräp iştrakçiliri uşbu sorunni uyuşturğan Şšhrät Äysa rähbärligidiki ottuz oğul ähligä šzliriniŋ minnätdarliğini bildürdi.

Abdulҗan AZNİBAQİEV.

Bälüşüş