Hizmitigä yarişa izziti bar

0
537 ret oqıldı

Almutidiki uyğurlar ziç orulaşqan “Qalqaman-2” mikrorayonini şähärliklär «yeŋi mähällä» däpmu ataydu. Lekin şundaq atap jürüp, uniŋ qurulğiniğa biyil top-toğra 20 jil boptu. Biz, uyğurlar, äzäldinla kšçüp barğan yerimizdä asasän jut bolup yaşaşni oylaymiz. Bu mähälliniŋ däsläpki turğunliri asasän Panfilov, Uyğur, Ämgäkçiqazaq nahiyäliridin kšçüp kälgänlär . Äynä şular jutniŋ däsläpki qozuğini qaqqanlar bolup hesaplinidu. Jutta däsläp ikki koça päyda boldi. Äynä şu koçilarniŋ turğunliri šz içidin milliy ğururi üstün Alimjan Davutovni koça jigitbeşi qilip saylaydu. Mana 17 jil boyi šzigä jüklängän işni çoŋ javapkärlik bilän ada qilip kelivatqan akimiz bügünki kündä 60 yaşliğini qarşi almaqta.

Alimjan Turğan oğli Davutov Vätinimizniŋ Qorğas nahiyäsigä qaraşliq Daşigür yezisida duniyağa kälgän. 1959-jili, täğdir täqäzasi tüpäyli, ata-anisi bilän Yarkänt täväsidiki Pänҗim yezisiğa kšçüp kelidu. Mähällidiki ottura mäktäpni utuqluq tamamlap, Taşkänt şähiridiki yeza egiligi tehnikumiğa oquşqa çüşidu. Ariliqta, yäni 1976 — 1978-jilliri, härbiy hizmitini ada qilip qaytidu. 1980-jili oquşini muvappäqiyätlik tamamlap, Yarkänt şähiridiki yeza egiligi tehnikilirini remontlaş stantsiyasigä mehanik bolup işqa orunlişidu. Bu yärdä Alimҗan Davutov šzini işini puhta bilidiğan yetük mutähässis süpitidä kšrsitidu.

Ötkän äsirniŋ 90-jilliriniŋ başlirida elimizdä ovҗ alğan ihtisadiy bohran dävridä Alimҗan aka ailisi bilän Almutiğa kšçüp kelidu. Bu yärdä ular şu päyttä şähärniŋ ätrapiğa җaylaşqan Qalqaman mähällisigä orunlişidu. Yeŋi mähällidiki jutdaşliri arisida oçuq vä durus pikir qilip kšzgä çüşkän Alimҗan Davutovni däsläp päyda bolğan Jetısu vä Qosınov koçiliriniŋ jigitbeşi qilip saylaydu. Alimҗan aka az vaqit içidila helä tilğa alarliq işlarni ämälgä aşuridu. Bu koçilardiki toy-tškün, näzir-çiraq işliri birdin rätkä çüşidu. Jigitbeşiniŋ uyuşturuşi bilän moşu märasimlar üçün koçiniŋ šz aldiğa orunduq-üställiri yasaldi, qaça-qomuçliri setivelindi. Yaşlarni sportqa җälip qiliş mähsitidä, juttiki җankšyärlär bilän birlişip, sport mäydançisini bärpa qildi. Şundaqla yaşlarniŋ futbol komandisi quruldi. Ularğa ohşaş sport kiyimi elinip, balilar şähär miqiyasidiki ayrim musabiqilärgä iştrak qildi. Bu eytişqa asan bolğini bilän, ämäliyatta päqät jut ğemida pärvanä bolup jüridiğan iradilik insanlarniŋ qolidinla kelidiğan iş.

– Bizniŋ mähällimizdä başqa koça jigitbaşliri päqätla bir koçini başqursa, Alimҗan aka baştinla ikki koçiğa mäs°ul bolup kelivatidu. Bularniŋ başqa koçilardin šzgiçiligi, ular šz aldiğa fond qurğan. Öz koçiliridila ämäs, bälki pütkül mähällimizdiki yardämgä muhtaҗ, turmuşi tšvän aililärgä mana moşu fondtiki mäbläğ hesaviğa maddiy yardäm kšrsitip käldi. Şundaqla koçiliriğa svet, su kirgüzüş häm «Uyğur avazi» gezitigä yeziliş, teatr abonementlirini setiş ohşaş işlarğa Alimҗan aka kšp küç çiqardi, – däydu sšzara «Qalqaman-2» mikrorayoniniŋ çoŋ jigitbeşi Yüsüpҗan Turdimämätov.

– Yoşuruşniŋ haҗiti yoqki, yeŋidin bärpa bolup, ändila «putiğa turuvatqan» jutta iş elip barmaq başta yenik bolmidi, – däydu Alimҗan aka. – Şu jilliri yeŋi mähällidä svet, su, yol mäsililirini häl qiliş üçün biraz jügräşkä toğra käldi. Hoşna Dostluq mähällisi bilän bizni qoşup turidiğan kšrüknimu dayim su elip ketidiğan. Rämätlik Äbäydullam haҗim Bosaqov aqsaqilimiz bilän birliktä turğunlardin pul jiğip, kšrükni, andin çoŋ koçimizni җšndättuq. Päqät mähällimizdä šylär ziç selinğandin keyinla, nahiyälik hakimiyät kšrük bilän yollarni җšndäş väzipisini šz zimmisigä aldi.

Һazir jutimiz toniğusiz däriҗidä šzgirip kälmäktä. Telefon, svet, gaz bilän toluq täminlängän här koçiğa asfal't selinip, taŋ atqiçä çiraqlar yenip turidu. Kšp jillar mabaynida içimlik su çoŋ muämma bolğan bolsa, bügünki kündä turğunlar uniŋğimu qol yätküzdi. Millätpärvär insan Alimҗan Davutov šz koçiliridiki 70 ailini sšyümlük gezitimiz «Uyğur avaziğa» yezilişqa dävät qildi.

Qalqamanda Davutovlar ailisi jutdaşlar arisida çoŋ hšrmät-ehtiramğa egä. Räpiqisi Rizvangül hädä Alimҗan akiniŋ barliq işlirida birinçi qollap-quvätligüçisi häm yardämçisi. Yeqinda u mähällä Hanim-qizlar keŋişi räisiniŋ orunbasari bolup saylandi.

Alimҗan aka Davutov biyil jigitbeşi hizmitidiki hämmä işni rätkä selip, jut tizgigini yaşlarğa tapşurup bärdi. Uni jut-җamaätçilik moşu mikrorayondiki «Noruz» mäşriviniŋ jigitbeşi qilip saylidi. Öziniŋ ämgäkçanliği, millätpärvärligi bilän jut hšrmitigä sazavär bolğan akimizni 60 yaşliq tavälludi bilän jutdaşliri namidin qizğin täbrikläp, ailisigä hatirҗämlik, teniğa mustähkäm salamätlik tiläymiz.

Zuliyar SABİROV.

Bälüşüş