Jutumniŋ beşiğa qonmiğan,  Bähitniŋ yoq maŋa kerigi!

0
660 ret oqıldı

  İminҗan TOHTİYaROV.

  Bäldiŋ

Esiŋdimu äşu bäldiŋ,

İşigiŋlar aldiğa.

Yasap qoyğan ättäy ataŋ,Tal boyiğa – daldiğa.

Şu bäldiŋdä uzaqqiçä,

Sšzgä çevär momaylar.

Ötmüşlärdin sšhbät qurup,

Zerikmätti bovaylar.

 

Zogal vaqti bolğan çağda,

Amalsizdin tarqatti.

– Һäy, nävrilär, qeni silär?

– Däp šy taman başlatti.

Moşu päytni, däqiqini,

Kšptin kütkän ohşaş biz.

Aldirattuq şu bäldiŋgä,

Uçraşqili käçtä biz.

Ätrap çšmgän qaraŋğuğa,

Yultuz kšktin kšz qisip.

Sayrişatti quşlar bağda,

Novätlişip, bäslişip.

Bilsäŋ, äşu bäldiŋ edi,

Baliliqni uzatqan.

Öçmäs qilip ot‑sezimni,

Tunҗa qetim oyğatqan.

Bilsäŋ äşu bäldiŋ edi,

Jigitlikkä yol açqan.

Saŋa bolğan pak sšygümni,

Tunҗa qetim oyğatqan.

Şundin keyin kimlärniŋdu,

Çüşti aŋa yolliri…

Çüşängängä sirliq bäldiŋ,

Muhäbbätniŋ simvoli!

***

Oltiridu tayliq yänä,

Aşiq җanlar bu ahşam.

Keläçäkkä şu bäldiŋdä,

Muhäbbättin yeqip şam!

  Razimän      

 Ötkän künni, gül yaşliqni,

Bäzän äsläp qalimän.

Şunda hoşnaŋ balisini,

Därru äskä alimän.

Çeçäk atqan sšygümizgä,

Däsläp bolup u älçi.

Qanat pütüp seğinişqa,

Boluvedi dävätçi.

Tal boyida turğinimda,

Yoşurunup daldida.

Hoşnaŋlarniŋ şu balisi,

Jügräp kelip aldimğa.

Sšz qatmastin mähsitimni,

Çüşinätti, bilätti.

Amal tepip seni šydin,

Asta başlap kelätti.

Künlär şundaq štüvärdi,

Hoşnaŋlarniŋ balisi.

Älçi bolup jürüvärdi,

Һäm muhäbbät җarçisi!

Aylar štüp, jillar keyin…

Mähsätkä qol yätküzduq.

Armanlarniŋ quçiğida,

Bir yastuqqa baş qoyduq.

…Ötkän künni, gül yaşliqni,

Bäzän äsläp qalimän.

Şunda hoşnaŋ balisini,

Därru äskä alimän.

Һul sep bärgän sšygümizgä,

Bähtimizgä.

Һazir män.

Şu hoşnaŋniŋ balisiğa,

Qärizdarmän, razimän!..

Sirliq sšygü

Jürigimni meniŋ tävrätkän,

Bšşügigä selip tävätkän.

Bovaq käbi quçaqqa elip,

Päpiligän vä ärkilätkän,

Sirliq sšygü,

Sehirliq sšygü!

Atqan çağda yaşliğim teŋi,

Kšz açqanda arzular yeŋi.

Sezimlarğa qanatlar pütüp,

Salğan işqi otiğa meni,

Sirliq sšygü,

Sehirliq sšygü!

Aliqinimğa pütkül җahanni,

Alğinimda yäru‑asmanni.

Tšzümimni siniğan talay,

Otqa‑suğa selip bu җanni,

Sirliq sšygü,

Sehirliq sšygü!

Sšydürgänmu, kšydürgänmu häm,

Qädimimni püktürgänmu häm.

Һayat atliq bu uzun yolda,

Qan jiğlitip, küldürgänmu häm,

Sirliq sšygü,

Sehirliq sšygü!

Gšzällikkä pürkäp alämni,

Quçqan päyttä şatliq dämlärni.

Büyük qudrät küçi aldida,

Baş ägdürgän җimi alämni,

Sirliq sšygü,

Sehirliq sšygü!

Qädimimni tšrgä başliğan,

Mähsitimni šrgä başliğan.

Yamanlarniŋ kšzidin asrap,

Tilsim küçi bilän aşliğan.

Sirliq sšygü,

Sehirliq sšygü!

Җanğa rahät beğişliğanmu,

Pütmäs azap beğişliğanmu.

Yapraq misal sarğaytip bäzän,

Çoğ gülini beğişliğanmu,

Sirliq sšygü,

Sehirliq sšygü!

Sšygü‑bulaq ilhamim meniŋ,

Şoh yaŋriğan navarim meniŋ.

Aşiq qilğan šmürgä çäksiz,

Dil aramiŋ Seniŋ vä Meniŋ,

Sirliq sšygü,

Sehirliq sšygü!

Tiligim

Tšhmät‑yala,

Adämlärdin

Bala‑qaza,

Şat dämlärdin,

Neri bolğin härqaçan.

Qayğu‑häsrät adämlärgä,

Elip kälgän şat dämlärdä,

Jiraq bo      lğin härqaçan.

Һayatliqta qançisini,

Oqqa tutup yahşisini,

Qan jiğlattiŋ, qahşattiŋ.

Yarilanğan җan bağriğa,

Qarimastin yaş‑qeriğa,

Gül‑šmrigä taş attiŋ.

Ünüp çiqqan ohşaş buya,

Uniŋsizmu qiya‑җiya,

Meniŋ nazuk jürigim.

Päyli buzuq,

Qarilardin,

Quruq‑tšhmät,

Yalilardin

Saqla Huda…

Saqla Huda, tiligim!..

Şu yaman

İşängän adimiŋ daq yärgä,

Qaldurup kätsä – şu yaman.

Toyuŋda ämäs qayğuda,

Saldurup kätsä – şu yaman.

Zähärlik ilan mabada,

İçiŋdin çiqsa – şu yaman.

Uştumtut kirip qoynuŋğa,

Säzdürmäy çaqsa şu yaman.

Temiŋda miltiq bätläklik,

Esiqliq tursa – şu yaman.

Arqaŋdin kimdu säväpsiz,

Ğevät‑sšz qursa – şu yaman.

Tenigän käbi kšklämdä,

Tuyuqsiz qar yağsa – şu yaman.

Kšz açmay mähsät‑çeçäklär,

Bemäzgil solsa – şu yaman.

Bäygigä salmay tulpariŋ,

Sürünüp kätsä – şu yaman.

Balağa qoyup šz balaŋ,

Beşiŋğa yätsä – şu yaman.

Ana til qädrini çüşirip,

Yat tilni sšygän – şu yaman.

Millätniŋ setip kškini,

Mähsätkä yätkän – şu yaman.

Niyätlär aşmay ämälgä,

İçiŋdä šlsä – şu yaman.

Qamqaqtäk tenäp çšllärdä,

Vätänsiz štkän – şu yaman!

Bilgändila

Deŋizliriŋ bäzän kšzgä,

Tamça bolup kšrünär.

Tamçiliriŋ bäzän kšzgä,

Deŋiz bolup kšrünär.

Çoqqiliriŋ bäzän kšzgä,

Paka dšŋdäk kšrünär.

Paka dšŋlär bäzän kšzgä,

Çoqqilardäk kšrünär.

Jiraq mänzil bäzän kšzgä,

Yeqin bolup kšrünär.

Yeqin mänzil bäzän kšzgä,

Bäk jiraqtäk kšrünär.

Uçqur degän tulpar etiŋ,

Bäzän osal kšrünär.

Aҗiz degän osal etiŋ,

Tulpar bolup kšrünär.

Zimistan qiş bäzän kšzgä,

Bahar bolup kšrünär.

Kšrkäm kškläm bäzän kšzgä,

Zimistan qiş kšrünär.

Düşmänliriŋ bäzän kšzgä,

Yeqin dosttäk kšrünär.

Yeqin dostlar bäzän kšzgä,

Düşminiŋdäk kšrünär.

Aççiq degän šmür bäzän,

Qiziq! Tatliq kšrünär.

Tatliq degän šmür bäzän,

Sirliq! Aççiq kšrünär.

Hoşalliğiŋ bäzän kšzgä,

Därt‑qayğudäk kšrünär.

Qayğuliriŋ bäzän kšzgä,

Hoşalliqtäk kšrünär.

Yalğuz šskän däräq bäzän,

Җaŋgalliqtäk kšrünär.

Baraqsanliq jaŋgalliğin,

Qahşal däräq kšrünär.

Җa paraŋlar, yalğan sšzlär,

Bäzän rasttäk bilinär.

Tatliq, yağliq häqiqätlär,

Bäzän yalğan bilinär.

Moşularni ayrip, sezip,

Bilgändila yaşaşni!

Qädimiŋni sän işäşlik

Çšçümäysän taşlaşni!

Moşumu zamaniŋ…

Moşumu zamaniŋ

Mahtiğan, dostum.

Bayliq däp hoşuŋni

Yoqatqan dostum.

Kšzlärdä, üzlärdä,

Külkä yoq qaçqan.

Adämlär oyunda –

Mšşük vä çaşqan.

Öylärdin, küylärdin

Bärikät qaçqan.

Dananiŋ sšzini

Nadan ep qaçqan.

Ählätkä taşlanğan

Һäqiqät-vijdan.

Yalaqçi häläktä

Qolida qapqan.

Moşumu zamaniŋ

Mahtiğan, dostum.

Siğmiğan җahaniŋ,

Һäy, nadan dostum.

Eriqta aqar su

Çiqmay qinida.

Gadayçu kün-tüni

Qosaq ğemida.

Balilar kiyimdä

Jirtiq vä yamaq.

Qälbini miskinlik

Äzgini nävaq.

Moşumu zamaniŋ

Mahtiğan, dostum.

Җahanğa siğmiğan,

Һäy, nadan dostum.

…Bayväççä hšrmättä

Puli kšp üçün.

Mehmanda — u tšrdä

Yoli «çoŋ» üçün.

Aditi hotun ep,

Hotunni qoyuş.

Mäşuği quçaqta

Goyaki ho quş.

Baylarğa bağliqtäk

Älniŋ täğdiri.

Tšvänläp baridu

Çin ärlär qädri.

Moşumu zamaniŋ

Mahtanğan, dostum.

Rayiğa jahanniŋ

Baqmiğan dostum.

…Һämmisi vaqitliq,

Ötüp ketidu.

Tağlarmu silkinip,

Kšçüp ketidu.

Äҗdatlar izini

Öçärmigän kim?

Qolidin tuğini

Çüşärmigän kim?

Ävlatlar ğemida

Yaşap štkän kim?

Atilar beğiğa,

Başlap kirgän kim?

Tilini, dilini

Yoqatmiğan kim?

Ana yär çeqini

Tohtatmiğan kim?

Muqäddäs elini

Sšyüp štkän kim?

Äzizläp yerini,

Kšyüp štkän kim?

Һämmini täŋşäydu,

Bar adil-qazi.

Orniğa qoyidu

Vaqit-tarazi!

Sän şuni bilip qal,

Bayliqniŋ, dostum,

Quliğa aylinip,

Bolğan buruqtum.

Daŋliq jut

(Qädinas akam Tohtasun Täväkälovqa)

Açinoqa štmüşi dastan yeza,

Tarihi bay, qedimiy arman yeza.

Kšk bilän boy talaşqan,

Kšz tolaşqan,

Maysilärni tumar qip asqan yeza.

 

Açinoqa say‑ğolluq, qutluq yeza,

Daŋqi kätkän häşlärgä uluq yeza.

Äҗdatlarniŋ duasi bilän kškläp,

Qoyni bostan, avatliq nurluq yeza.

Baraŋliq vä gülzarliq bağliriğa,

Qarap kšzüŋ toymaydu tağliriğa.

Bšşüktiki bovaqlar külkisidä,

Atilarniŋ arami‑armini bar.

Baraŋliq vä çimänlik bağliriğa,

Qarap kšzüŋ toymaydu tağliriğa.

Mšldür bulaq süyimu däp qalisän.

Jut ähliniŋ qälbi aq‑pakliğiğa.

Nädä bolsun jutini oylaydiğan,

Başqa eğir kün çüşsä, qollaydiğan.

Pärzäntliri az ämäs,

Seğiniştin,

Salimini jutqa däp yollaydiğan.

Җahanim däp jutini sšyidiğan,

Pärvanidäk otida kšyidiğan.

Oğlanliri az ämäs,

Qälbi däriya!..

Dästihanğa barini tškidiğan.

Ana jutni äzizläp, sšyidiğan,

Nädä bolsun ğemida jüridiğan.

Qäysär җanlar az ämäs,

Äziz җanlar,

Jutini däp, deŋizğa çškidiğan.

Һäligidä jutiniŋ jüridiğan,

Kškrigini qalqan qip turidiğan.

Qiz‑oğullar az ämäs,

Qiz‑oğullar!

Җandin artuq jutini kšridiğan.

Qazaq‑uyğur dostluği yaraşqan jut,

Aşiq bolup šzgilär qaraşqan jut.

Hoşalliği‑qayğusi ortaq üçün,

Һärbir šygä dariğan bärikät‑qut.

Bäkmu mšmün, mehrivan adämliri,

Çoqqilardin başlanğan qädämliri.

Aşiqliqni šmürgä yoqatmastin,

Az bolmidi tartqan därt, şat dämliri.

Mšrdün Teyip, İliya Bähtiyani,

Bähniyazni vä Muŋluq Baqilarni.

Aliqinida kštärgän uluq jut bu,

İzgülükkä dävät qip ävlatlarni.

Açinoqa äzäldin kšrkäm yeza,

Yahşi bilän yamanni kšrgän yeza.

Abdumeҗit Dšlättäk şairini,

Mehman qilip tšridä kütkän yeza.

Çeqir üҗmä…

Äsirlär tumari u,

Quçiğida kšz açqan bahari u.

Yeqip ümüt otini keläçäkkä,

Ötmüş bolup yaŋriğan dutari u.

Bağlirida tümän quş näğmä çalğan,

Alma‑šrük, näşpüti tilni yarğan.

Molçiliqniŋ bälgüsi toqçiliqniŋ,

Qoraliri tšrt tülük malğa tolğan.

Qiz‑oğliniŋ domilap šrgä teşi,

Hoşalliqta qoşulğan sayda beşi.Açinoqa beyiş jut, bärikät jut,

Çoŋ‑kiçikniŋ pir tutqan mahtinişi.

Açinoqa qedimiy arman yeza,

Tarihi bay štmüşi dastan yeza.

Kšk bilän boy talaşqan,

Kšz tolaşqan…

Yultuzlarni tumar qip asqan yeza.

Därvişlär

Muhäbbätni küyläp štkän därvişlär,

Qälblärni mäshuş ätkän därvişlär.

Sšyüp, kšyüp otlirida atäşniŋ,

Җahan kezip, daŋqi kätkän därvişlär.

Bähti çolta, kšŋli yerim demäŋlar,

Namin yadlap, amançiliq tiläŋlar.

Yaŋriğanda därvişlärniŋ nahşisi,

Quşlar sayrap atqan ohşaş aq taŋlar.

 

Tšrt päsilni qarşi elip saz bilän,

Tağ‑dalalar qalmiğandu käzmigän.

Yätmäs tayliq därvişlärniŋ qädrigä,

Җanlar šmür rahitini säzmigän.

Därvişlär u štkän ämäs kšz yaşlap,

Tiligi şu yahşiliqtin sšz başlap.

Näççä zaman boldi çarlap alämni,

Adämlärgä şat dämlärni beğişlap.

Üstidiki kiyimliri ğäliti,

Kšrünsimu…

Nahşisi gül‑qamiti.

Esil җanlar, šlmäs җanlar  – därvişlär,

Boranlarda sunmiğan heç qaniti.

Muhäbbätni küyläp štkän därvişlär,

Dilğa aram bähş ätkän därvişlär.

Nädä bolsun, aman bolsun,   bar bolsun,

Җahan kezip, daŋqi kätkän därvişlär.

Sän yaqqan gülhan

(Talantliq kompozitor, nahşiçi Dilmurat Baharovqa)

Sän riştiŋni bağlap uluq iҗatqa,

Pütüp sansiz armanlarni qanatqa.

Qaçan bolsun, nädä bolsun bir dämmu,

Yoqatmastin aşiqliqni hayatqa.

Sšydüŋ җandin gšzällikni, baharni,

Sšygän ohşaş ärkilitip җananni.

Dilğa aram beğişlidiŋ nahşaŋda,

Nahşaŋ bilän tävätkändäk җahanni.

Arzu‑mähsät bolğan üçün šridä,

Orniŋ seniŋ dayim sähnä tšridä.

Qul‑beçarä bolğan ämäs heçqaçan,

Sän°itini sšygän millät šmridä!

Başlap seni oy‑mähsätlär šrigä,

Elip çiqti büyük sähnä tšrigä.

Qaraŋğuda qalğan ämäs täntiräp,

Sän°itini sšygän millät šmridä!

Sän eytqanda vuҗudiŋlän nahşini,

Quyaş yärgä nurlirini çaçqini.

Aram elip bšşüktiki bovaqniŋ,

Sähär‑taŋda uyqidin kšz açqini.

Sän eytqanda tävrinip şoh nahşini,

Untup tamam şu nahşidin başqini.

Pärilärniŋ sšyüp çoğdäk levidin,

Bağ arilap jürgändäkmän ahşimi.

Sän eytqanda җan diliŋdin nahşini,

Tškülgändäk yärgä aläm şatliği.

«Toynamidin» mštivärlär hšzür ep,

Käçti halni qaytqan ohşaş yaşliği.

Sän şagirti Mansur Sağat akiniŋ,

Män qaniti Abdumeҗit akiniŋ.

Şu җanlarniŋ rohi yšläp turğanda,

Üni šçmäs biz yaratqan nahşiniŋ!

Davam qilip Amannisa sazini,

Jütärmästin sän°ättiki izini.

Nahşaŋ bilän hoşal qilip kelisän,

Uyğurumniŋ oğul bilän qizini!

Nahşa bilän äsli adäm qoş qanat.

Yultuz bolup sän qalisän dillarda,

Basmiğandäk, bolmiğandäk altun dat!

Çarçimisun sän bäygigä qoşqan at.

Ölmäs nahşa, šçmäs nahşa gül‑hayat.

Äl oğlini bop qalisän äbätkä,

Turğan çağda nahşaŋ yaŋrap, Dilmurat!

Millät uluq!

Keläçäkni oylisa,

Hälqim degän pärzäntlärni qollisa.

Ataq‑nami çiqattimu uyğurniŋ,

Saŋa ohşaş talantliri bolmisa!

Tškülmästin yärgä nomus‑vijdaniŋ,

Uzaq yansun, lavlap yansun gülhaniŋ.

Äҗdat rohi qollap seni här vaqit,

Yoruq bolğay sän°ättiki җahaniŋ!..

 

 

Zerikmidiŋmu?!

Kšŋül eçip moşu kämgiçä,

Sorun yasap zerikmidiŋmu?..

Mänziligä tulpar çağliğan,

Yätkini yoq, çapqan etiŋmu.

Jürgän yeriŋ oyun-tamaşä,

Örümlärniŋ dostum, sän quli.

Äҗdatlarniŋ qaldurğan bizgä,

Äŋ muqäddäs şumedi yoli.

Atilarniŋ qurğan äsirläp,

Bağliriğa kirip baqtiŋmu?

Maysilärdä yetip, eğinap,

Çimänlärgä bağriŋ yaqtiŋmu?

Arimizda ğodur ävlatniŋ,

Kšpäygini bilän kariŋ yoq.

Müräŋdiki quruq tağarni,

Kštirişkä hätta taviŋ yoq.

Ussuliğa oynap yatlarniŋ,

Tärlisäŋmu, harmidiŋ tehi.

Orun tutup yatqan balaŋniŋ,

Һalin sorap, barmidiŋ tehi.

Һoylaŋdiki qalğan anaŋdin,

Buzulğini oçaqniŋ nävaq.

Mahtişiğa kšmülüp yatniŋ,

Aylanğiniŋ qoçaqqa nävaq.

Һoylaŋdiki üҗmä-baraŋniŋ,

Gšzäl kšrki kätkini nävaq.

Җšndälmästin uni ataŋniŋ,

Qayğu-häsrät çäkkini nävaq.

Bulbul ämäs, beğiŋni seniŋ,

Ugiliğan quzğun ğoralday.

Toqumsizla minivalğiniŋ,

Astiŋdiki tulpar ämäs, tay.

Quruq dasni qoluŋğa elip,

Dumbaq qilip çalğiniŋ qaçan.

Bosuğida har-vijdan qelip,

Yetäklärdä maŋğiniŋ qaçan.

Çatqallarda mähsätlär tenäp,

Yol tapalmay qalğiniŋ qaçan.

Özgilärçu…

Yahşiliq kšzläp,

Öz bähtini tapqini qaçan.

Sorunlarda arzular tenäp,

Älämdä därt çäkkini qaçan.

Özgilärniŋ ğemida millät,

Mähsitigä yätkini qaçan.

Ana tiliŋ bar turup uluq,

Tilim bar, däp tän alalmaysän.

Öz Vätiniŋ bar täräp qutluq,

Qorqup namin yä, atalmaysän.

Uyğur turup, uyğurliğiŋdin,

Tšrgä çiqip sšz açalmaysän.

Җahan şunçä bolsimu yoruq,

Çapaqlardin kšz açalmaysän.

Kšŋül eçip moşu kämgiçä,

Dostum toydin zerikmidiŋmu?..

Yätkini yoq mänzilgä tehi,

Bäygilärgä qoşqan etiŋmu.

Hiyaliŋda oyun-tamaşä,

Özgilärniŋ büyüktä oyi.

Nadanliqniŋ štimizmu yä,

Quli bolup biz šmür boyi.

Oyna dostum, qurup sorunni,

İşigiŋgä tolğiçä ählät.

Bu šmürdä baru-yoquŋni,

Bälgüläpla bärsä – şu mäşräp!

Tarihtin bälgülük

-Devidim šmürdin uyğur bop štäy,

Bähittä, amättä yolum bolmidi.

Birdämlik şatliqqa razi bop ketäy,

Degändim, uniŋğa kšŋlüm tolmidi.

Qayaqqa qarima «aka millätlär»,

Sir ämäs, därdi yoq şat yaşavatqan.

Çiraqtäk yanğandin ümüt‑mähsätlär,

Qädimin işäşlik çiŋ taşlavatqan.

Yultuzğa yetidu sozsa qolini,

Çiqqidäk hali bar agiz asmanğa.

Bizgiçu?

Ay‑quyaş külüştin qaldi,

Nä, payda ümüttä baqqandin taŋğa.

Qoluŋda tutqidäk tuğuŋ bolmisa,

Gülhandäk yanğidäk otuŋ bolmisa.

Uniŋdin bäk eğir närsä yoq ekän,

Beşiŋni silar bir jutuŋ bolmisa.

Şu säväp millätni šzgärttim qara,

Ğäm‑därtsiz yaşay däp šzgilär ohşaş.

Eytqan sšzlirimni qobul al, alma,

İçiŋ šrtänmisun män üçün qayaş.

Däp şundaq til qatti millättin käçkän,

Uyğurum, deyişkä tilim barmidi.

Şu çağda šzidin başqini bilmäs,

Aldimda goyaki mähluq turğandi.

Sšzüm bar saŋimu meniŋ häm eytar,

Aŋlap qal, sän şuni, puştidin   käçkän.

Saŋa ohşaşlarğa bolmas mähsät yar,

Tirik jürgän bilän dillardin šçkän.

Täşna bolsaŋ ägär gšzäl baharğa,

Şärtmidi qorquşuŋ qähritan  qiştin.

Kelip turğin mäyli tüvi yoq yarğa,

Bu šmür turmamdu küräş‑çeliştin.

Uyğur, däp duniyadin štmidi kimlär,

Qan jutup tursimu, därtliri toşup.

Millätniŋ sazini çalmidi kimlär,

Namini uluqlap, ğäzälgä qoşup.

Lutpulla, Ötkürlär štkän šmürdä,

Küylidimu bekar Vätän, hälqim däp.

Yär dässäp jürginiŋ bilän jüräktä,

Säzmästin štüpsän sän şuni häjäp.

Tarihtin bir närsä bälgülük maŋa,

Ğururni yoqitip, satqan vijdanni.

Һättaki yatlarmu almas quçaqqa,

Seniŋdäk millättin käçkän insanni!

…yoq maŋa kerigi

Qol yätkän utuğum bar bolsa,

Utuği däp çüşän jutumniŋ.

Jürigim jutni däp soqmisa,

Ävzäldur baridin-yoqumniŋ.

Amanliq, yahşiliq tiläymän,

Qäyärdä bolay, män jutumğa.

Öçmästin gülhandäk lavliğan,

Jüräktä jut yaqqan otum bar.

Koyida, oyida yaşiğan,

Jutumniŋ mänmu bir pärzändi.

Pärzini štäşkä qadir män,

Boynumğa artqan jük, qärzini.

Ğäm-därtni täŋ kšräy jut bilän,

Şatliqni täŋ bšläy jut bilän.

Qol yätkän utuğum bar bolsa,

Täŋ toylap, täŋ küläy jut bilän.

Jut degän adämniŋ tüvrügi,

Qerimas yaşliği — kšrügi.

Jutumniŋ beşiğa qonmiğan,

Bähitniŋ yoq maŋa kerigi!

Äziz diyar – Çeligim

Qutluq makan — ana jutum, Çeligim,

Sän šzäŋğu meniŋ büyük tiligim.

Bu hayatniŋ bolattimu qiziği,

Sän bolmisaŋ, kimgä meniŋ kerigim.

Qaçan bolsun vä qäyärdä jüräy män,

Şeirimda bir šzäŋni küyläymän.

Juti barlar, oti barlar bähitlik,

Sän bar, demäk, män heçqaçan šlmäymän.

Boynumdiki sän til tägmäs tumarim,

Qolumdin heç çüşärmigän dutarim.

Aq taŋlarğa aşiq qilğan, başliğan,

Sän arminim,

Sän aramim,

Baharim!

 

Qaşiy bovam yaşap štkän jut šzäŋ,

İlhamimğa qanat pütkän jut šzäŋ.

Nahşisida mädhiyiligän, alqişlap,

Bärikätlik vä amätlik jut šzäŋ.

Ömürdiki tayinarim, yšligim,

Bir šzäŋsän äziz diyar — Çeligim.

Sän bolmisaŋ, män bolmisam hayatta,

Seniŋ kimgä, meniŋ kimgä kerigim!..

Bälüşüş