Keläçäk ustazlar baş qoşti

0
558 ret oqıldı

Yarkänt gumanitarliq tehnikiliq kolledjiniŋ tarihi 1929-jildin başlinidu. Almutidiki Sopi Zärvat mäktivi Yarkänt şähirigä kšçirilip, pedagogikiliq tehnikum bolup täşkillängändin buyan šz paaliyitini tohtatqini yoq. Kolledj asasän başlanğuç sinip muällimlirini täyyarlaydu. Oqutuş järiyanliri bügünki künniŋ täläplirigä toluq җavap beräläydiğan kolledjda mäşğulatlar komp'yuter vä interaktivliq tahtilar bilän täminlängän kabinetlarlarda, zamaniviy auditoriyalärdä štidu. Kitaphana ilmiy metodikiliq, tarihiy vä bädiiy ädäbiyatlar bilän toluqturulğan. Studentlar haliğan ädäbiyatlirini elip, paydilinalaydu. Kolledjdin här jili yüzligän şagirtlar uçum bolup, ular җay-җaylardiki mäktäplärdä ämgäk qilivatidu. Ularniŋ qol yätküzüvatqan utuqliri bilän biz, ustazliri, häqliq yosunda pähirlinimiz.

Yarkänt gumanitarliq tehnikiliq kolledjida filologiya vä başlanğuç sinip muällimlirini täyyarlaydiğan fakul'tetta qazaq, uyğur, rus, ingliz tilliri bšlümliridä miŋğa yeqin keläçäk ustaz tärbiyilinivatidu. Һär jili başlanğuç sinip muällimlirini täyyarlaydiğan uyğur topi bilän uyğur tili vä ädäbiyati topliriğa studentlar qobul qilinivatidu. Uyğur topliridiki oğul-qizlirimizniŋ oquştiki ülgirimi bilän intizami başqilarğa ülgä bolarliq däriҗidä. Ändi başlanğuç sinip muällimliri bilän qazaq, uyğur filologiyasi fakul'teti studentliri oquşqa qobul qilinğan däsläpki künlärdin başlapla näzäriyäviy bilim eliş bilän billä ottura bilim beridiğan mäktäplärdä ämäliy iş-täҗribilärgä ävätilidu. Tšrt jil bilim eliş җäriyanida nahiyädiki ottura mäktäplärdiki täҗribilik muällimlärdin täҗribä alidu.

Biyilmu yeŋi oquş jili başlanğan däsläpki künlärdinla vilayät dairisidä däsläpkilärdin bolup qolğa elinğan bilim mäzmunini yeŋilaş boyiçä 2015 — 2016-oquş jilidin başlap aprobatsiyadin štüvatqan Helil Һämraev namidiki mäktäp mämuriyiti bilän kelişilip, ämäliy iş täҗribä işliriğa kolledjniŋ uyğur bšlüminiŋ üçinçi kurs studentliri ävitilgän edi. Täkitläş keräkki, studentlar Astanadiki «Nazarbaev äqliy mäktivi» pedagogikiliq maharät märkizidä yeŋi formatta — däriҗilik kurs programmisi boyiçä bilim alğan täҗribilik muällimlär siniplirida ikki ay davamida ämäliy iş-täҗribisini muvappäqiyätlik štküzüp käldi.

Yeqinda mäzkür top studentliri ämäliy iş-täҗribisi boyiçä «Yeŋilanğan bilim beriş — yarqin keläçäkniŋ kapaliti» mavzusida štkän änҗumanda baş qoşti. Änҗuman peşqädäm märipätçi Ayimbüvi Hizmätova namidiki auditoriyadä štüp, uniŋda studentlar, oqutquçilar qiziqarliq mäşğulatlarğa qatnişiş pursitigä egä boldi. Keläçäk ustazlar matematika, ana tili, bädiiy ämgäk, duniyatonuş pänliri boyiçä toplarğa bšlünüp, däris üzündilirini kšrsitip, musabiqilärni uyuşturdi. Һärkimdä qiziqiş hasil qilivatqan bu programminiŋ mahiyitini çüşändürüp berişkä tirişti. Änҗumanğa qatnaşqan kolledj mudiriniŋ oquş vä tärbiyä işliri boyiçä orunbasari Aygül Jünüsova, top rähbiri, filologiya pänliriniŋ namziti, oqutquçi Һakimҗan Һämraev, uyğur tili vä ädäbiyati pänliriniŋ muällimi Ränagül Vaҗitova däsläpki täҗribä işlirini utuqluq štküzgän studentlarni täbrikläp, šzliriniŋ pikir-täklipliri bilän ortaqlaşti.

Şakuräm QURBANOVA,Yarkänt gumanitarliq-tehnikiliq kolledjiniŋ oqutquçisi.

Bälüşüş