Ağinäm häqqidä ikki eğiz sšz

0
192 ret oqıldı

Qerindaşlarni yoqlaş niyitidä yaki iş babi bilän Çeläkkä berip qalsam, şärtlik räviştä, billä šskän dostum Pazilni yoqlimay, qaytmattim. Buniŋ sävävi, biz – Uyğur vä Krasnoarmeyskaya koçiliriniŋ qiyilişida billä çoŋ bolğan balilardin yalğuz Pazilla qalğan edi. Ağinämgä «gezitqa yazimän» däp qoyğinim nävaq… Pazil Kevir oğli Baqiev 1932-jili tuğulğan. Nemişkidu, pasportida «1936-jili» däp yeziliptu. Uniŋ atisi Kevir aka tarihiy Vätinimizdä vapat bolidu. Mahinur ana dukanda hizmät qilğaçqimu, ikki oğul, bir qizini atisiniŋ yoqliğini bilindürmäy, heçkimniŋ qoliğa qaratmay šstüridu. Pazil bizdin alahidä päriqlinätti. Bağlarğa alma oğrilaşqa kirmätti, oşuq oynimatti, läŋgä täpmätti. Bizni häyran qaldurup, eğir taşlarni kštirätti, çoŋlar bilän küräşkä çüşüp, ularni yeŋätti. U sportqa kšp kšŋül bšldi. Һelimu yadimda, Pazilniŋ 1956 — 1957-jilliri yaşlar arisida bokstin ikki qetim Qazaqstanniŋ çempioni atalğinimu alahidä diqqätkä sazavärdur. Һärbiy hizmättä jürgändimu küräş boyiçä aldinqi orunni bärmigän ekän.

Ağinämniŋ bizdin päriqlinidiğan yänä bir yeri – u šz hälqiniŋ tarihiğa bäk qiziqatti. Kitapni kšp oquydiğan. Uniŋ šyidä V.Roborovskiy, N.Prjeval'skiy, P.Semenov-Tya'n-Şan'skiy vä başqilarniŋ kitaplirini kšrüşkä bolatti. U mäktäptin keyin TaşGUda yeŋidin eçilğan hitay tili bšlümigä oquşqa çüşmäkçi bolidu. Uniŋ mähsiti – hitay tilidin uyğur tarihiğa bağliq mänbälärni üginiştin ibarät edi. Amma u oquşqa çüşälmäydu. Keyin KazPİniŋ geografiya fakul'tetida bilim eliş pursitigä egä bolidu. Bilidiğinim, mäzkür bilim därgahida yahşi oqudi. Şuniŋ bilän billä institutniŋ җämiyätlik işliriğimu paal qatnaşti. Fakul'tetniŋ partorgi süpitidä säyasiy-ideologiyalik işlarni täläplär däriҗisidä maŋğuzdi. İnstituttin keyin Pazil Baqiev šz jutiğa qaytip kelip, muällim bolup işläydu. U şundaqla sportqa iştiyaqi bar balilarni tärbiyiläp çiqti.

Pazil Baqiev şäriqşunas bolalmiğini bilän mäzmunluq hayat käçürdi, muällim, mäşiqländürgüçi süpitidä şagirtliriniŋ qälbidä qaldi.

Rabik İSMAYİLOV.

Bälüşüş