Ümüt bilän yaşaymän

0
537 ret oqıldı

Җämşit ROZAHUNOV

Yeqinda kšrnäklik şair Җämşit Rozahunovniŋ «Ümüt bilän yaşaymän» namliq yeŋi şeirlar toplimi yoruq kšrdi. Tšvändä äynä şu toplamdin elinğan bir türküm şeirlarni gezithanlar diqqitigä täğdim qilişni muvapiq kšrduq.

İzdiginim

Sarğaytmidi täğdirim ahçiliqqa,

Yan basmidim šzämmu sahtiliqqa.

Şšhrät, ataq izdimäy šstüm, dostlar,

Siğinğinim bar päqät yahşiliqqa!

Çüşärmäskä tiriştim qimmitimni,

Minnät qilğan yerim yoq  himmitimni.

Mahtişiğa erişäy demidim män,

Beğişlisam äl-jutqa hizmitimni!

Tatlimidim heçkimniŋ yarisini…

Yeqinlattim adämlär arisini…

Altun toşqan tapqandäk  hoşal boldum,

Tapalisam dost qiliş çarisini!

Һeçkimdin kam bolmidi hal-oqitim,

Çüşkini yoq birsigä hiҗalitim.

Mänsiviŋniŋ haҗiti qançä maŋa,

Jürsä äl-jut lävzidä yahşi etim.

Ayrilsammu baliliq, saddiliqtin,

Neri boldum šr-kškräk hadiliqtin.

Şarapiti tegişi mümkin ämäs,

Kasapiti kšpiräk yat qiliqtin?!

Birkişilik ädäptin aşqinim yoq,

Qayniğinim bar, lekin taşqinim yoq.

Yenik yaşaş yolini tallimidim,

Eğiridin biraqta qaçqinim yoq!

Kšp närsigä kšzüni açti hayat,

Tälvilikni boydiki basti hayat.

Kam yerimni – toluqlap,

Artuğumni,

Täkşilidi siliqlap rasti, hayat!

Barğansiri yaş šsüp,

Äqil eşip,

Täğdir bilän jürimän teqimlişip,

…Birkişilik bähitti – izdiginim,

Şükri, aŋa kelimän yeqinlişip!!!

Yaz yamğuri

Kayimay, yärgä täkkän «qamçisini»,

Küzät yaz yamğuriniŋ tamçisini.

Kštirip käypiyatni,

Başni sägit,

Qiniŋdin çiqarmasqa ançä seni.

Zärär yoq kelidiğan taşqinidin,

Yol tepip šrdin päskä qaçqinidin.

Yumşitip yazniŋ issiq havasini,

Tomuzniŋ tinҗiğini basqinidin.

Gilimi pakizlinip qir-qiyaniŋ,

Juyulsun çaŋ-topisi gül-giyaniŋ.

Talaşqan kšzlär aram elip qalsun.

Aldamçi särapidin nur – ziyaniŋ.

Kškärtsun çopanlarniŋ yayliğini,

Aşursun dehanlarniŋ bayliğini.

Soğulğan bulaqlarni җanlandurup,

Kšrsätsun däriyalarniŋ sayliğini!

Kškräklär, däm-näpäslär  yeniklişip,

Boyiği yeşilliqniŋ qeniqlişip,

Sezilär başqiçä tüs elip aläm,

Qalğandäk ätrap goya tiniqlişip…

Aylanğan bar moҗutluq ğämhoriğa,

Tiriklik bšläk täşna kün nuriğa.

Bar lekin täbiätniŋ muhtaҗi häm,

Qişniŋ – qar, yazniŋ yaqqan yamğuriğa.

Bolmas bir häqiqätni qilip inkar,

Һeç nemä šzlügidin bolmas zinhar.

Duniyada hämmä närsä, hadisiniŋ,

Adämgä, yärgä himmät, kerigi bar!

Siri kšp bolsimu sän, män bilmigän,

Һeç nemä yoq duniyada täŋşälmigän.

Bar äyip šzimizdä… himmitini,

Säzmigän, sezinişkä män bärmigän!?

Yahşisi çšk şu hayat hekmitigä,

Qulaq sal, yär vä kškniŋ sšhbitigä…

…Hursän bol, minniti yoq täbiätniŋ,

Kšrüşkä nesip bolğan tšhpisigä!..

Tağ süyi

Beşiğa aq malhay qirliğan,

Tağ qaridin erip aqisän.

Şuŋğiğandäk olҗiğa qiran,

Päskä qarap qanat qaqisän.

Asav attäk jügänlänmigän,

Julqinisän, çapçip här yaqqa.

Mänziliŋgä kim «tez yät» degän,

Barmaqçisän şunçä qayaqqa?!

Aldiraysän şunçila nägä,

Çoqqilarniŋ süŋgüçimediŋ?!

Yä päläkni bağliğan yärgä,

Seğinişniŋ bir uçimediŋ?!

Şohşup aqqan šrkäşliriŋdä,

Kšvügi bar kšrigän sütniŋ.

Җilğilarni quçqan küyiŋdä,

Nahşa-sazi bärikät-qutniŋ!

Yaralğaçqa miŋ bir bulaqtin,

Şavquniŋda miŋ hil sada bar.

Qiş salqini sändä bir yaqtin,

Moҗut sändä – bir yaqtin bahar!

Mäyli tez yät etiz-eriqqa,

Kšŋlini huş qilğin dehanniŋ.

Adämlärni bšligin zoqqa,

Bolmisun heç ğerivi nanniŋ…

Yeşilliqqa beğişla hayat,

Avat bolsun dala, çšlimiz.

Şat-bayaşät yaşisun ävlat,

Yaşnap tursun bağda gülimiz!

Sän soğulmay aqivär haman,

Qandur älniŋ qanaitini….

…Ana yärgä yätküzgin aman,

Bulaqlarniŋ amanitini!!!

Qäpäzdiki bürküt

Qaniti yeyilip uçqan asmanğa,

Qadar u ot yenip turğan kšzini.

Qäpäzgä solandi qilğan imkanğa,

Eçinip, här yanğa atar šzini.

Qaldim män şu haza bürküttin sorap:

«Eytqidäk bar nemä tiligiŋ maŋa?»

U asta til qatti:

«Һalim bäk harap,

Arman bar… kepillik qilsaŋ sän aŋa.

Azat qil az vaqqa,

Bolsun himmitiŋ,

Andin at… šlümgä tiktim beşimni.

Ayriliş aldida ahirqi qetim,

Bir kšrüp alaymän çoqqa   – teşimni?!».

Ümüt bilän yaşaymän

Risqa sanap, yär dässäp jürginimni,

Täğdirim däp, šmürdä kšrginimni,

Mäyli – şatliq,

Mäyli – därt äta qilsun,

Ümüt bilän yaşidim här künümni!..

Dälälmäymän yolumni yenik boldi,

Amma mähsät mänzilim eniq boldi.

Һayatim bar-yoqqa täŋ qeniq boldi.

Ümüt bilän yaşidim här künümni.

Käŋ yol açti bu duniya çüşänçimgä,

Mädät boldi yahşilar işänçimgä.

Yolatmidim yamanni šz änçimgä,

Ümüt bilän yaşidim här künümni.

Oylimiğan sävdalar çüşti başqa,

Kam bolmidim qerindaş, dost-qayaşqa,

Tolğandimu kšksüm – därt,kšzüm – yaşqa,

Ümüt bilän yaşidim här künümni.

İnsan bähti maŋlayğa yezilmaydu,

Özlügidin siy-qädriŋ sšz bolmaydu.

Altun – äҗir qilmisaŋ qezilmaydu,

Ümüt bilän yaşidim här künümni.

Yamanliqqa oyumni ulimidim,

Orisini šzginiŋ kolimidim.

Hoşamätu-häsätkä yolimidim,

Ümüt bilän yaşidim här künümni!

Adil işläp, tär tšktüm… bay bolmidim,

Käynimgä heç škünüp qayrilmidim.

Özlügümni saqlidim, ayrilmidim,

Ümüt bilän yaşidim här künümni.

Äl işiğa bäl bağlap kiriştim män,

İnavätsiz bolmasqa tiriştim män,

Neri boldum kšksümni keriştin män,

Ümüt bilän yaşidim här künümni.

Adämlärni ätiva tutqinim rast,

Uyğurumğa siğinip štkinim rast,

Һurluğimni täqäza kütkinim rast,

Ümüt bilän yaşidim här künümni.

Öskän juttin jiraqqa kätkinim yoq,

Bar oyumni aŋa paş ätkinim yoq.

Tehi talay armanğa yätkinim yoq,

Ümüt bilän yaşidim här künümni.

Ümütlirim här küni aqlinidu,

Aläm gšzäl petiçä saqlinidu,

İnsanniŋ oy-niyiti paklinidu.

Ümüt bilän yaşaymän här künümni.

Bolğan bilän šzgiçä dil alimim,

Yetip, aşar bügünmu täşviş-ğemim.

Tohtiğiçä adaqqi aŋliq demim,

Ümüt bilän yaşidim här künümni!

İnsan armini

Tohtiğiçä šmür karvini,

Üzülgiçä quvät-därmini.

Ölmäydekän insanda–ümüt,

Pütmäydekän arzu-armini.

Yaşaş asan ämäs, oylisaŋ,

Aldiŋğa bir mähsät qoymisaŋ.

Qoluŋ yetär armanliriŋğa,

Toğra yoldin ägär taymisaŋ.

Pak bolmisa niyitiŋ-oyuŋ,

Tškülsä yaş turup abroyuŋ.

Äl içidä qädriŋ bolmisa,

Orunlinar nädin arzuyuŋ?

Kam šzini soraydiğanlar,

Kšp aldiŋni toraydiğanlar.

Utuğuŋğa şatlinar päqät,

Һämkarliqqa yaraydiğanlar.

Dost-düşmänni ayrimay baştin,

Bärikitiŋ qaçar talaştin.

Ümütliriŋ bolmas iҗavät,

Yan-yeniŋğa üzä qaraştin.

Bolalmisaŋ җür°ätlik, dadil,

Nomus-vijdan aldida adil.

Armanliriŋ ämälgä aşmas,

Bolmay ğalip çiqişqa qadir!

İşängängä bolma gumanliq,

Çüşängängä qilma yamanliq.

Äsqatmaydu äsät-adavät,

Özäŋgä häm tilä amanliq.

Tohtiğiçä šmür karviniŋ,

Üzülgiçä mağdir-därminiŋ.

Pütmisun äl kšŋlidin çiqar,

Aliyҗanap arzu-arminiŋ!

Äy, yüksäk oy, äziz zamandaş,

Şundaq arzu-armanğa yandaş.

…İzgülükkä siğinğan bizgä

Ärzär ümüt üzmästin yaşaş!!!

Jutdaşlar vä män

Kšrälmäslär zärdisidin šlmidim,

Beşämliktin bolmidim  häm şärmändä,

Jut aldida šskäçkimu, bilmidim,

Jutdaşlardin yoq yoşurar  sir mändä.

Ayan meniŋ basqan härbir qädimim,

Goya ustaz bahaliğan inşadäk.

Tilär ular, tägmisimu yardimim,

Bähit quşi beşimğa kep qonsa däp…

Juttin çiqsam – dil ularğa intizar,

Jutqa yansam – qaytmaq adät aldirap.

Һayatimğa yaş qoşqandäk tuyular,

Qoyğini bir mürä qeqip, hal sorap…

Yoli kälsä, başni egip, jiqilip,

Mšrti kälsä, ärkiläymän balidäk.

Jürgän şular män botini  – nar qilip,

Ömür yolum kamçiliqtin halidäk…

Yaq, mänmu bir has süt ämgänbändimän,

Bir kişigä mänsüp müҗäz-hulqum  bar…

Adämlärdäk ränҗitip häm ränҗigän,

Yahşi-yaman işqa bšlgän etivar!

Tegişmisä tegişmäymän bekardin,

Bar yaşliqniŋ qiziqliği qenimda.

Halimaymän gäp aŋlaşni bezardin,

Sağlam mävqä moҗut äs-hoş, eŋimda!

Rast, bir yärdin çiqmas bäzän oyimiz,

Qalğanda bir-birimizni çüşänmäy.

Orniğa tez kelär kšŋül küyimiz,

Til tepişip… qädrimizni çüşärmäy…

Rast, oyimiz çiqmas bäzän bir yärdin,

Ayriğiçä täl-tšküz aq-qarini.

Biz ämäsmiz, bir-biridin keçärdin,

Yoq närsigä jiraqlitip arini…

Jürmäymiz häm här küni җaq selişip,

Kšŋül izdäp, inaq yaşap kelimiz.

Tiläp päqät amançiliq, yahşiliq,

Һämkarliqta çiŋ bağlanğan belimiz.

Kirälmäydu şuŋa heçkim ariğa,

Ketälmäydu bizni heçkim yat qilip.

Jutdaşlarniŋ yarisam bir kariğa,

Jürgänligim män šzämni şat qilip!

Qilğan äҗir, eqidimiz bedava,

Äzäldin bir bizniŋ tegi-täktimiz.

…Käçürümçan bolğan üçün šzara,

Pütünmekin bälkim, täğdir, bähtimiz?!

Nägä ketip baridu yaşlirimiz? yaki Yaşanğan kişiniŋ änsiräşliri

Aq bulutqa aylinip çaçlirimiz,

Siŋdi jillar qoyniğa yaşliğimiz.

Aram bärmäs bir täşviş maŋa   kün-tün,

Nägä ketip baridu yaşlirimiz?!

Bu hayatta bolmiğan däysän yaş kim,

U qiniğa päydin-päy çüşär taşqin,

Yoşurmay oy-sirimni käldi açqim,

Nägä ketip baridu yaşlirimiz?!

Rast, burunqi zamanniŋ šzgärgini,

Biz kšrmigän işlarniŋ yüz bärgini,

Alğan bilän qoliğa šz ärkini,

Nägä ketip baridu yaşlirimiz?!

Һärqaysi bir armanğa intilidu,

Yätkänlärniŋ җapasi untulidu,

Yätmigänniŋ qälbini hun qilidu,

Nägä ketip baridu yaşlirimiz?!

Yeŋip, utuq qazinip riqabätsiz,

Yaşiğusi kelidu hiҗalätsiz,

Barğa – bäthäş, aziğa – qanaätsiz,

Nägä ketip baridu yaşlirimiz?!

Bar oqumay, tär tškmäy bay bolğusi,

Açmay bulaq kšzini say bolğusi,

İnavättä qol yätmäs ay bolğusi,

Nägä ketip baridu yaşlirimiz?!

Aldiraydu elişqa tšrdin orun,

Zoqmän äqil eytişqa çoŋdin burun,

Ulişidu җedälgä bäzi sorun,

Nägä ketip baridu yaşlirimiz?!

Beğämliktin šz tili şalğutlişip,

Qaşşaqliqtin qutulmay maŋqurtlişip,

İçip-çekiş, buzuluş çäktin eşip,

Nägä ketip baridu yaşlirimiz?!

Ayralmaysän oğul, yä qizliğini,

Beğäm tikläş oyidin šzligini,

Oylap qoymas šmürniŋ tezligini,

Nägä ketip baridu yaşlirimiz?!

Sinğa alsaŋ işiniŋ çalisini,

Qobul qilmas oyuŋniŋ halisini,

Gäp qilar bar alämniŋ nalisini,

Nägä ketip baridu yaşlirimiz?!

Yoqap müҗäz-hulqidin täbiiylik,

Adimiylik, šzara sämimiylik,

Gah salimiŋ, sšzüŋni almay ilik,

Nägä ketip baridu yaşlirimiz?!

Yetidiğan mänzili tehi jiraq,

Äqil-oy, küç-ğäyriti besimiraq,

Yeŋiliqqa bizlärdin yeqiniraq,

Nägä ketip baridu yaşlirimiz?!

Gah çäk qoymay kamçiliq, illitigä,

Yätmäy ata-aniniŋ himmitigä,

Bšlänmäy äl-jutiniŋ izzitigä,

Nägä ketip baridu yaşlirimiz?!

Artuqmu yä tälivi imkanidin,

Kelär küngä işänçä gumanidin,

Bälkim qanmay täşnasi zamanidin,

Nägä ketip baridu yaşlirimiz?!

Tirikçilik koyida beşi qatqan,

Һayat, dävir jükini šrgä tartqan.

İşänç qilip çoŋ ävlat işänç artqan,

Nägä ketip baridu yaşlirimiz?!

Ağriğandin keyin yezilğan şeir

Qaldi bügün saqliğim säl sir berip,

Tirik җanmän,

Yaralmidim tšmürdin.

Yaşmu yätti…

Çaçmu pütti aqirip,

Kätmigini bilän yaşliq kšŋüldin.

Yaşaş üçün qalğinim yoq ayinip,

Örlük, ärlik nomusumğa tiriştim.

Kün kšrmidim – başqilarğa tayinip,

Neri boldum, җanni asrap qeriştin.

Kam bolmidim…

Kamsitmidim heçkimni,

Naähligä baş egip, tiz pükmidim.

Kšrsätmidim bir aҗizğa küçümni,

Kämtarliğim, äqlim bilän kšklidim.

Otqa kirip,

Bar qaynamğa çüşkinim,

Aman elip qaldi täğdir, ilahi.

Äsäbimni tozdurdi häq, müşkülüm,

Yahşi-yaman işniŋ boldum guvahi…

Ötkür, uzun qildi hayat tilimni,

Ötti säl qol qisqiliği beşimdin…

Az bolmidi toriğanlar yolumni,

Dost sanilip, qaqqanlarmu  bisimdin…

Şatliq-qayğu almişip tšrt päsildäk,

İz qaldurup kätti jüräk, kšŋülgä.

Asarätkä çüşüp qalğan äsirdäk,

Kayip, lekin nalimidim Ömürgä!

Ayan bolğan bilän artuq-kam yerim,

Qalmidim äl-jut aldida uyatqa.

Miŋ hil koyğa salğandimu täğdirim,

Hiyanätsiz, sağlam baqtim hayatqa.

Җapa tartmay,

Maŋlay tärim tškülmäy,

Kälgän ämäs šzlügidin amitim.

Jürgän edim bu küngiçä çekilmäy,

Nemä boptu, talğan bolsa qanitim?!

Esäŋgiräp qaldim başta män biraz,

Särasimğa saldi җansiz oy-hiyal.

Bärgän bolar egäm imkan, imtiyaz,

Sağlamlişip barğandekin, ehtimal?!

Özi bälkim yoluqturdi hizirğa,

Şipaliği boldi qilğan davaniŋ.

Kšrär künüm bar ohşaydu hazirğa,

Eytar rähmät, täşäkkürüm saŋa miŋ!

Tän saqliğim barar asta tüzülüp,

(Tehi ançä kätkinim yoq qerip män).

Buliğimniŋ süyi kelär süzülüp,

Araŋlarda barmän, dostlar,

Tirikmän!

Män – adämmän,

Yaralğan ät-süyäktin,

Ömrüm risqa-näsivimgä qaraqliq…

…Öçmäy turup ümüt-çiraq jüräktin,

Män šzämni sezäy qandaq u yaqliq?!

Sonetlar

1.

Yahşiniŋ işini qollap dayima,

Yšläşkä tiriştim, kälsä qolumdin.

İn°amiŋ bolsa, dost, sänmu ayima,

Rapavät adämni paklar zulumdin…

Niyiti hünükkä käldim yan basmay,

Oyidin äymänmäy, bärdim räddiyä.

Җür°itiŋ yätsä, dost, sänmu bär, qaçmay,

U kimgä yahşiliq qilar hädiyä?!

Yahşiğa munasip – yahşi sšz qilip,

Özini qädirläp, layiq bahalaş.

Yamanni ärziydu taqabil kelip,

Päyligä yarişa adil җazalaş.

Ularğa turmay şu qät°iy mävqädä,

Bolar šz qälbimiz napak häm zedä…

2.

Mabada oyuŋdin çiqmisam, ilpät,

Yoq eytar heç dava-dästürüm saŋa.

Һämmigä yaqmaq şärt ämäs, aqivät,

Täliviŋ rayiçä boluş täs maŋa.

Ohşimas täbiät, müҗäz-hulqimiz,

Özgiçä kšŋülniŋ tiläk, hahişi.

Bir yärdin başlanmas oyun-külkimiz,

Bir yärdin çiqmas häm  gäp-sšzniŋ beşi.

Orni yoq uniŋğa ränҗişniŋ, bälkim,

Qilişniŋ arini yeqin, yä jiraq.

Adavät saqlimay yaşiğay härkim,

U – düşmän boluştin miŋ  rät yahşiraq?!

Dost boluş qoluŋdin kälmisä ägär,

Yat, düşmän boluştin äyligin häzär!

3.

Män barğan yerimdin qaytimän hoşal,

Yeqinlar bilän üz kšrüşkän üçün.

Özara muŋdişip, sorap hal-ähval,

Ğenimät dämlärni sürüşkän üçün.

Amma şu käypimni bäzidä buzar,

Tetiqsiz hoşamät,

Mäntiqisiz – gäp.

Ün qatmay oltirip çidamim tozar,

Amalsiz mäҗburmän saqlaşqa ädäp.

Bir yaqtin sahiphan qädrini qilip,

Bir yaqtin – šzämgä tiläymän sävir.

Ditsizlar naqolay ähvalğa selip,

Biz neçün tartimiz җapayu-җävir?!

Ehtiyat qilsa här sšzgä adämlär,

Kšŋüllük štätti ğenimät dämlär…

4.

Һär җayda šzäŋni tutisän mäğrur,

Yarişar ärgä şu munasip hislät.

Gär sändä bolmisa kişilik ğurur,

Gäjgäŋgä minidu bozäklik qismät.

Amma u çekidin aşsa ziyadä,

Märtivä, şäniŋgä yetär malalliq.

Örligiŋ aldida – zäyip iradä,

Män-män šz beşiğa tapar zavalliq.

Ädäptin aşmiğan – aliy päzilät,

Qinidin taşmiğan – taşqin behätär.

Һätta zor, mäğrurğa çaplişar illät,

Boluşni bilmisä sämimiy, kämtar!

Qoyisän šzäŋni uyat, horluqqa,

Mäğrurluq aylansa täkäbburluqqa…

5.

Adämdä oy-niyät šzgärgän bügün,

Zamanğa ehtiyaҗ, tälivi šzgä.

Qetişqa intilar aŋa härkim ün,

Çüşkisi kelidu härkimniŋ kšzgä.

Qalğusi kälmäydu birsidin-biri,

Yaşaşni istäydu ärkin, bädšlät.

Äҗrigä kšpiräk bağliq täğdiri,

Qilar šz ğemini šzila päqät.

Mänsäp, pul-bayliqqa siğiniş besim,

Һäsättin betaptur sağlam riqabät.

Bäzibir işlardin qaytidu bisiŋ,

Җalişip barğandäk sämimiy hislät…

İlğasiz šmlükkä intilsaŋ burun,

Zor yäkkä boluşqa yüzliniş bügün…

6.

Sağlam oy-pikriŋni eytqina, inim,

Zehnimni oyğitip,

Kšŋlümgä qonar.

Bolsa çin, sämimiy mahtişiŋ, siniŋ,

Sezinäy šzämni kšrkäm bir çinar!

Näzimniŋ şäydasi bolup jürgänlär,

Şairliq pärqiŋni qilişmas ilğa.

Rohiŋniŋ zorliğin bälänt kšrgänlär,

Bäk halap kätmäydu elişni tilğa…

Äҗrimniŋ häqqaniy bahasini bär,

Män baştin dälliŋ oy-pikirgä muhtaҗ.

Oŋ kšzi bilän äl taşliğay näzär,

Şu bügün mändiki hahiş, ehtiyaҗ!

Ayan qil zeräk oy, aqilliğiŋni,

Qoğlisun kšŋüldin ğapilliğimni.

7.

Yaşap bolduq šmrimizniŋ kšpini,

Ötti baştin issiq-soği turmuşniŋ.

Saqlisaqmu kšŋlümizniŋ kškini,

Amali yoq, amma yap-yaş turuşniŋ.

Qalmay barar çeçimizniŋ qarisi,

Küz yapriği käbi šŋi üzlärniŋ.

Kündüz bilän keçimizniŋ arisi,

Öçüp barğan nuri ohşaş kšzlärniŋ…

Biraqta dil täşnaliği hayatqa,

Qiş-yaz süyi soğulmiğan bulaqtäk.

Tartip turar bizni arman-muratqa,

Jiraq yärdin tündä yanğan çiraqtäk…

Şu täşnaliq oti barda kšŋülniŋ,

Keçiş yoqkän qiziğidin šmürniŋ?!

8.

Pärzäntlärdin ümütimiz zor dayim,

Ular bilän – šmrimizniŋ davami.

Kütkinimiz aldimizğa, ilahim,

Bizdin yüksäk bolğay çiqqan davani!

Tallavalğan yoli qandaq bolarkin,

Kütär nemä sävdaliri hayatniŋ?!

Putlişip, yä taysa yšläp alar kim,

Däşnimini yäp qalarmu uyatniŋ?!

İşänçimiz kamil lekin ävlatniŋ,

Amanätkä qilmişiğa hiyanät.

Aqlanmisa ümüt-oyi äҗdatniŋ,

Bolmattimu duniya qizil-qiyamät?!

İzgülükkä bolmaydu şäk kältürüp,

Ävlat üçün bar bolğusi – äl kšrük!

Oy tamçiliri

Yaşar bolsaŋ šzäŋni bozäk qilip,

Zorlar seni oynaydu tezäk qilip.

Näzärini salmas häm monu duniya,

Bir qirini kätmisäŋ bezäk qilip.

***

Kim bolmisun, äytävir, aman bolsun,

Yär-kšktiki hayatliq davam bolsun.

Bar yahşiliq başlinip bizdin keyin,

Bar yamanliq biz bilän tamam bolsun.

***

Ränҗimä, sšküp qurbi-qatariŋni,

Kšrsitip, tüzär bolsa hatariŋni.

Äyipmu aldin-ala yeniklätkän,

Keyin җan qiynar azap, җapariŋni?!

***

Sunğandimu häsili, oğisini,

Qobul qildim täğdirniŋ «soğisini».

Һeli yaşap kelimän basalmastin,

Ömür bilän kšŋülniŋ ğoğisini…

***

Qutulmidim heli ğäm-ändişidin,

Ärzimäsniŋ orunsiz ränҗişidin.

Eğir kšrmä, kšŋlüŋniŋ qalğinini,

Qiyilmisa gär šmrüŋ bändisidin…

***

Çäklimäk qiyin adäm hahişini,

İlğasiz qollimaq oy, bar işini…

Pärqini bilmäsliktin aq-qariniŋ,

Alisän alqişi, yä qarğişini.

***

Yetiş üçün işniŋ aq-qarisiğa,

Talay kirdim adämlär arisiğa.

Tüz oyuŋni bar ekän çüşänmäslär,

Tuz säpküçi šzäŋniŋ yarisiğa…

***

Sän qeşimğa yollima, erinçäklik,

İmkan – çağliq uniŋsiz, šmür – çäklik.

Aldalmaysän yenimni yärgä tartip,

Boyumda yoq burunqi kšŋülçäklik…

Bälüşüş