Tağdiki qatilliq

0
622 ret oqıldı

Moşu häptä  hämmini täşviş-ändişigä salğan şum hävär bilän başlandi: štkän däm eliş künliridä Almutidin ikki qädäm neri — İli-Alitağ milliy istrahät beğiniŋ territoriyasidä ammiviy qatilliqniŋ orun alğanliği eniqlandi.

Däsläp är vä ayal kişiniŋ җäsätliri tepilğanliği toğriliq hävär käldi. Җäsätlärni düşänbä küni ätigänligi istrahät beğiniŋ hadimliri 4-kordonda tepivalğan. U yärdä 76 yaşliq Panayot Zaharopulo eger' bolup işlätti.

Eger'niŋ räpiqisi, 53 yaşliq İrina Karpenko bilän milliy istrahät beğiniŋ hadimi 60 yaşliq Vitaliy Sinyakovniŋ җäsätliri eger'niŋ šyidä tepildi. Eger' Panayot Zaharopuloniŋ vä uniŋda mehmanda bolğan 43 yaşliq Andrey Gusev bilän 74 yaşliq Antonina Karpızinaniŋ җäsätlirini politsiya hadimliri ätrapni tintiş vaqtida tapti. Eger'niŋ šyidin 300 metr neri baş-panasi yoq 42 yaşliq Dmitriy Musahranovniŋ җäsidi tepildi.

Orman hadimliri yänä helä içkiriläp, 3-kordondiki eger' šyiniŋ kšyüp tügävatqanliğini kšrdi. Uniŋdin yänä bäş adämniŋ җäsidi tepildi. Keyin eniqlinişiçä, ular şu yärdiki eger'niŋ mehmanliri bolup, eger' ağrip qalğanda, uni almaşturup turuşqa kälgän ekän.

Şundaq qilip, halak bolğanlarniŋ umumiy sani 11 adämgä yätti. Һazirçä moşu vähşilik җinayätkä neminiŋ asas-säväp bolğanliğini eniqlaş üstidä tärgäv jürgüzülüvatidu.     

Bälüşüş

Javap qalduruŋ