Häliqniŋ «Hoşalliği»

0
626 ret oqıldı

 Sabiräm ÄNVÄROVA, «Uyğur avazi»/ Çonҗa — Ğalҗat yoli boyida bääyni kiçik bir şähärçä hasil qilip, biridin-biri çirayliq selinğan däm eliş orunlirida qiş-yaz turistlarniŋ ayiği üzülmäydu. Jiraq-yeqindin kälgän turistlarniŋ kšpçiligi aldi bilän Qaradalaniŋ qoyniğa orunlaşqan Çarin çatqilini, eränlikni ziyarät qilip, yättä qävät yärniŋ astidin çiqqan şipaliq arişaŋ sulirida çšmülüp, tağniŋ salqin havasidin näpäs elip qaytidu.

Äynä şundaq häliqniŋ kšŋlidin çiqivatqan vä «Hoşalliq» däp nam alğan däm eliş orni heridarlarniŋ juquri bahasiğa erişip kälmäktä.

Mulazimiti juquri, bahasiniŋ ärzänligi üçünmu häptiniŋ qaysi künila barmaŋ, bu yär adämlärdin hali ämäs. Bolupmu, şänbä-yäkşänbä künliri boş orun tepiş täs. Uniŋ ğoҗayini Halmurat aka İbdiminov 33 adämni turaqliq iş bilän täminläp kälmäktä. Ularniŋ ottura ayliq maaşi häqqi 50 miŋdin 120 miŋ täŋgä ätrapida ekän.

«Hoşalliqniŋ» 4 basseyni bolup, ularniŋ ikkisi sirtqa, ikkisi benaniŋ içigä orunlaşqan. Tšrt basseyndiki şipaliq suniŋ hararitimu härhil. Salqini — 35, äŋ issiği 42 gradus. Basseynlardiki su vaqti-vaqtida yeŋilinip, tazilinip turidu. Juqurida eytip štkinimizdäk, iştrak qilğuçilarniŋ yahşi däm elip qaytişi üçün kšpligän şaraitlar yaritilğan. Balilar üçün oyun mäydançisi, büglüklär vä hakazilar ularniŋ hizmitidä. Şundaqla härhil sänälärgä bağliq ziyapät štküzgüçilärgä 200 orunluq kafe hizmät qilidu. Qisqisi, «Hoşalliqniŋ» zaman tälivigä muvapiq җabduqlanğan bšlmiliri, milliy taamliri heridarlarğa hoşalliq hädiyä qilmaqta.

Biz, yeza hälqi, tirikçilikniŋ ğemida däm eliş toğriliq kšp oylap kätmäymiz, — däydu Halmurat aka. — Män bu däm eliş ornini jutdaşlirim, nahiyä turğunliri üçün açqan edim. Җapakäş hälqimniŋ däm alğini maŋa hšzür beğişlaydu. Amma bizniŋkilär däm alidiğanğa vaqit tapalmaydu. Baliliri tätilgä çiqqanda yaki mäyräm künliri paydilinip qalmisa, boş vaqti yoq. Şuŋlaşqa bizgä kšpiräk jiraq-yeqindin kälgän mehmanlarniŋ hizmitidä boluşqa toğra kelivatidu. Hoşal bolidiğinim, jutdaşlirimğa iş bar.

Älvättä, härqandaq işqa baha beridiğan — häliq. «Hoşalliqta» däm elivatqanlarniŋ käypiyati qandaq? Mäzkür soalğa җavap eliş üçün birnäççä adämgä muraҗiät qilduq.

 Beybitgül JUMADİLOVA, Çonҗa yezisi:— Biz ailimiz bilän «Hoşalliq» däm eliş orniğa pat-pat kelimiz. Bu yär pärzäntlirimizgimu bäk yaqidu. Süyi taza, mulazimiti yahşi. Yänä kelip, taamlirimu bäk meyizlik. Uzun sšzniŋ qisqisi, bu märkäz zamanğa layiq hizmät kšrsitip kälmäktä. Öz oyum, «Hoşalliqni» mäyräm, tuğulğan kün, tätil künlirini ästä qalarliq štküzüşkä äŋ qolayliq җay däp hesaplaymän.

Gülrüz NURUMOVA, Dardamtu yezisi:Yär astidin çiqqan issiq suni häliq bekar «şipaliq arişaŋ» däp atimaydudä. Һäptisigä bolmisimu, eyiğa bir qetim vaqtimizni bšlüp, «Hoşalliq» däm eliş ornida issiq suniŋ karamiti bilän tenimiznimu, җenimiznimu aram aldurup qaytimiz. Yaş ulğayğansiri put-qolniŋ ağrip turidiğanliği täbiiy ähval. Bu yeqidin arişaŋ suliri yahşi şipa bolmaqta. Meniŋ «Hoşalliq» däm eliş ornini tallavelişimdiki asasiy säväp, bu yärdä däm eliş üçün barliq şarait yaritilğan.

Qabulҗan RÄҺMANOV, Almuta şähiri: — Äpsus, yol jiraq bolğaçqa, arişaŋ suliriğa pat-pat kelip, däm elip qaytişqa vaqit yar bärmäydu. Şundaq bolsimu, balilar tätilgä çiqqanda därhal Uyğur nahiyäsigä säpär çekimiz. Tonuş-bilişlirimniŋ mäslihiti, yol-yoruği bilän moşu «Hoşalliq» däm eliş orniğa käldim. Bšlmiliri, basseynliri täläpkä muvapiq yasalğan, hoyla-aramimu azadä. Gšdäklärgä beğişlanğan oyun mäydançiliri bar. Bahasimu ärzän.

Bälüşüş