Anilarniŋ alqişini alğan

0
420 ret oqıldı

Konilarniŋ eytişiçä, “kindik ana” boluş, päqät Alla taalaniŋ şapaitigä erişkän, alahidä hislätkä egä anilarğa täälluq ekän. Şuŋlaşqa kšp җähättin duniyağa kšz açqan pärzäntniŋ müҗäz-hulqi, täğdir-qismiti äşu baliniŋ kindigini käskän aniğa ohşap kätkidäk. Ägär moşu tähminlär häqiqätkä uyğun bolsa, Kamilämniŋ kindik ana boluşi süpiti bilän yahşilarniŋ qatarini kšpäytkini sšzsiz. Kamiläm Velimova Qaraturuqtiki jutidiki Kalinin namidiki mäktäpni 1961-jili äla bahalarğa tamamlap, şu jili Talğir şähiridiki meditsina uçiliöesiğa oquşqa çüşidu. Kiçigidin zeräk bolup šskän qiz uşbu bilim därgahidimu tirişip oqup, uni 1965-jili muvappäqiyätlik tügitidu. Qoliğa diplom alğan yaş mutähässis, ana jutidiki ismi jumhuriyätkä tonulğan vraç Qasim Qadirov rähbärlik qilivatqan ağriqhaniğa işqa orunlişidu. Bu yärdä šz işiniŋ mahirliri, yäni jutdaşliriniŋ yardimi bilän salamätlik saqlaş sahasiniŋ qir-sirlirini erinmäy üginidu vä şu җäriyanda bemarlarniŋ illiq inkasliriğa sazavär bolidu.

Ariliqta biraz vaqit štüp, yaş mutähässiskä çoŋ җavapkärlikni täläp qilidiğan akuşerliq väzipisi jüklinidu. U tinimsiz ämgäkni toğra kelidiğan bu işiniŋmu hšddisidin bemalal çiqti. Uniŋğa hätta hamildar ayallarni bäzidä ilaҗisiz šydä yaki yol üstidä boşanduruşqa toğra käldi. Äynä şu vaqittin başlapla uniŋğa «kindik ana» degän şäräplik nam siŋişkä başlidi.

— Biz işligän jilliri «Tez yardäm» maşinisi päqät nahiyä märkizidiki ağriqhanilardila bolidiğan — däydu Kamiläm štkän künlärni äsläp. — Özäŋlarğa mälumki, u çağlarda bügünkidäk yenik maşinilar härbirimizniŋ hoylisida yoq edi. Şuŋlaşqa hamildar anilarni kšpinçä šydä boşanduruşqa toğra käldi. Uniŋ üstigä tuğutniŋ vaqit-saati bolmaydiğu. Bäzi çağlarda tatliq uyqaŋni buzup, yerim keçidä ay-küni tolup qalğan ayalniŋ šyigä qarap jügräysän. Yoşuruşniŋ haҗiti yoqki, hätta bu җapaliq iştin vaz käçkän künlirimmu boldi. Amma yeŋi tuğulğan bovaqniŋ «iŋäsini» aŋliğanda, hoşalliqtin külümsirigän bähitlik aniniŋ çirayini kšrgändä, barliq qiyinçiliqlarni untuymändä, käspimgä bolğan muhäbbitim tehimu aşidu.

Kamiläm Velämova 1973-jili ğäyrätlik Nurähmät isimliq jigit bilän ailä quridu. U bu juttimu yezidiki ağriqhanida ämgäk paaliyitini davamlaşturidu. U çağlarda Asi yeza okrugiğa Ğäyrättin başqa Asısağa, Jaŋa-şarva vä Asi yayliği bilän märkäzdin jiraq orunlaşqan birnäççä ahaliliq punktlar kirgäçkä, yaş mutähässisniŋ hizmät kšrsitiş dairisi tehimu käŋiyidu. Jilniŋ här päslidä Kamiläm äynä şu tävälärdiki mal qişlaqliriğa berip, hamildar ayallarniŋ sanini eniqlaş, salamätligini nazarät qiliş, haҗät bolğanda tegişlik çarilärni kšrüş qatarliq väzipilär bilän şuğullinatti.

— Künlärniŋ biridä Asısağa yezisidin Äsel isimliq yaş ayalni šyidä boşanduruşqa toğra käldi. Biz bu ailä bilän yeqin arilişattuq. Öyigä barsam, Äselniŋ yoldişi Ädil meni kšrüp, atisi tirilip kälgändäk, hoşal bolup kätti, — däp äsläydu Kamiläm. “Sadiğaŋ ketäy Kamilla, asmandin çüştüŋmu, yärdin çiqtiŋmu? Qarimamsän, Äsel tünügünla bir ubdan jürätti. Mana ikki saattin beri qiynilip, šzini qoyarğa җay tapalmayvatidu» degän sšzlärni eytip, vaysapla kätti. Ähvalni därhal çüşändimdä, Äselniŋ yeniğa kirip, väzipämni şu yärdila ada qilişqa başlidim… Mälum vaqit štkändin keyin aman-esän duniyağa kšz açqan balini yšgäkkä orap elip çiqip, «mubaräk bolsun!» dedimdä, uni Ädilniŋ qoliğa tutquzdum. Ädil hoşalliğidin: “Qiz bolsa, çoqum ismini «Kamiläm» däp qoyattim. Ändi uniŋ ismi «Nurähmät» bolidiğan boldidä” däp yayrapla kätti.

— Ändi monu bir vaqiä yolda yüz bärdi, — dedi Kamiläm sšhbitimizni davamlaşturup. — 1976-jili ailäm bilän Moskva şähirigä däm elişqa maŋğan edim. Biz oltarğan poezd Qizilorda şähiridin štkändä, kütülmigän yärdin hoşna kupediki hamildar ayalniŋ tolğiği tutup kätti. Ähvalni därhal çüşändimdä, ağriq yatqan kupeğa kirdim vä yenimdikilärgä maŋa keräklik närsilärni hazirlaşni iltimas qildim. Qisqisi, qolda bar mümkinçiliklärdin paydiilinip, heliqi ayalni teç-aman boşanduruvaldim. Meniŋ hayatimda äynä şundaq vaqiälär kšp boldi. Şularniŋ nätiҗisidä bügüngä qädär yüzdin oşuq baliniŋ «kindik anisi» atiliptimän.

Kamiläm Velämova 30 jilliq hayatini meditsina sahasiğa beğişlap, käspiy mahariti vä aliy insaniy hislätliri tüpäyli äl-jut arisida alahidä abroy-inavätkä sazavär boldi. Bu künlärdä bähitlik ana vä moma qataridin orun alğan 70 yaşliq tävälludini nişanlavatidu. Şu munasivät bilän biz uni sämimiy täbrikläp, mustähkäm salamätlik vä ailäviy bähit tiläymiz.

Mähämätҗan ҺAPİZOV.

Ämgäkçiqazaq nahiyäsi.

Bälüşüş