Ömlügimizgä til tägmisun!

0
760 ret oqıldı

Biz, uyğurlar, äzäldin uyuşçan, tirişçan häliqqu. Meniŋçä, äynä şu šmlügimiz helimu hayatimizda šz äksini tapmaqta. Mäsilän, çoŋlarniŋ beşini qoşuvatqan nurğunliğan birläşmä, fond, täşkilatlarni eytmiğanniŋ šzidä, yaşlirimiz zaman tälivigä muvapiq, İnternetta däsläpkilärdin bolup, uygurlar.biz namliq yaşlar saytini eçip, milliy mädäniyitimiz bilän sän°itimizni tärğip qilişni qolğa alğan edi. Ular şu torbätliridä härhil mädäniy uçrişişlarni, sport musabiqilirini štküzüş bilän birqatarda käspiy mutähässislärni täklip qilip, milliy taamlarni täyyarlaş vä uyğurniŋ urpi-adätlirini tonuşturuş boyiçä konkurslarnimu uyuşturdi. Täkitläş keräkki, mana moşu uyğur yaşliriniŋ beşi qoşulğan märasimlar nätiҗisidä kšpligän uyğur aililiri qurulğan edi.

Buniŋdin kšp štmäy, җumhuriyätlik Uyğur etnomädäniyät märkizi yenidiki Yaşlar keŋişi täripidin «Didar ğenimät» uyuşmisi qurulup, almutiliq vä bişkekliq yaşlar arisida kšpligän paydiliq çarä-tädbirlär štküzüldi. Şu päytlärdä yaşlarniŋ bu paaliyätçanliğiğa millitimiz arisidin çiqqan ataqliq şähslär juquri bahasini bärgän. Mäzkür uyuşminiŋmu asasiy mähsiti – mädäniyitimizni rivaҗlanduruş, qerindaşlirimizni ana tilimizda sšzläşkä çaqiriş vä җumhuriyitimizniŋ härtäräplimä güllinişigä birkişilik tšhpisini qoşuş bolğanliqtin, yaşlirimiz bu yšniliştä birqatar tilğa alarliq işlarni ämälgä aşurdi. Hazir ularniŋ kšpçiligi talliğan käsipliri boyiçä utuq-muvappäqiyätlär qazinip, bizni hoşal qilmaqta.

Ändi Lazdjan Production kampaniyasi toğrisida eytidiğan bolsaq, bu bir täşkilat ämäs, bälki ular yeŋi zamanniŋ yaş kelinlirigä vaqtida yardämgä kelidiğan vä sän°äthumar kšpçilikniŋ kšŋlidin çiqidiğan kšrsitişlär arqiliq ammibapliqqa aylanğan birnäççä iҗadiy yaşlardin tärkip tapqan top edi. Ularniŋmu atqurğan işliri bizgä paydisi tägsä tägdekin, ziyini bolmidi.

Uygurum radiosi. Bu 24 saat onlayn rejimda ana tilimizda muzıka tiŋşaş, šzara munazirä qiliş vä şundaqla muzıkiğa buyrutma beriş imkaniyiti bar radiokanal edi. Uniŋda jürgüzülgän muzıkiliq hit-paradlar, mädäniy yeŋiliqlar vä «Bir çinä çay üstidiki sšhbät» mavzusidiki programmilar tiŋşiğuçilar täripidin illiq qarşi elindi. İnternetta bolsimu ana tilimizda radiopikir vä muzakirä jürgüzüş mümkinçilligigä egä bolğinimiz kšpçiligimizni hoşalliqqa bšläp, bu radioaŋlitişlar programmisini täşnaliq bilän kütidiğan däriҗigä yättuq.

Män juqurida yaşlarniŋ beşini qoşup kelivatqan birqatar iҗadiy uyuşmilarni atap šttüm. Keläçäktä bu šmlügi yaraşqan yaşlirimizniŋ šz işlirini yerim yolda tohtitip qoymaydiğanliğiğa ümüt qilimän.

Ändi bügünki kündä zaman täläplirigä muvapiq iş elip berivatqan yaşlirimiz häqqidä eytsam, bu yärdä därhal җumhuriyätlik Uyğur etnomädäniyät märkizi yenidiki Qazaqstan Uyğur Yaşliri Birligini (QUYaB) tilğa alğan bolar edim. Ularniŋ atquruvatqan işliridin hälqimizniŋ razi ekänligini sšyümlük gezitimiz «Uyğur avazidin» oqup, bilivatimiz. İşäşlik eytalaymänki, bügünki QUYaB äzaliri hälqimizniŋ ätiki ziyali ähli bolup hesaplinidu. Şuŋlaşqa ularni härtäräplimä qollap-quvätläş lazim.

Moşu yärdä yaş sän°ätkarlirimizniŋ beşini qoşup, ularniŋ käspiy җähättin šsüp-yetilişigä hämdäm bolup kelivatqan Parvaz birläşmisiniŋmu ämgigini tilğa almay mümkin ämäs. Täҗribilik akilirimiz rähbärlik qilivatqan birläşmä yaş talant egiliriniŋ çoŋ sähnilärdä hünär kšrsitip, hälqimizgä tonuluşiğimu ülüşini qoşuvatidu. Şuniŋ bilän billä birläşmä sän°ät duniyasida yol qoyuluvatqan kamçiliqlarni tüzigän halda, sän°ätkarlar bilän tamaşibin arisidiki munasivätni tehimu yeqinlaşturuş yolida kšp küç çiqirip kelivatidu. Bu, älvättä, päqät käspiylärniŋ qolidin kelidiğan işlar bolsa keräk.

Ahirida eytarim, biz, uyğur yaşlirini, dayim moşundaq šm vä täräqqiypärvär bolsaq, tilimizmu, sän°itimizmu härgiz yoqalmaydu.

Muhäbbät SEMÄTOVA.

Bälüşüş