«Yaşlarğa bilim vä sävir-taqät tiläymän»

0
474 ret oqıldı

 Yaş tiҗarätçi Şahmurat Mutällip 1990-jili Almuta vilayiti İli nahiyäsiniŋ KazTsİK yezisida duniyağa kälgän. Mäzkür yezidiki Anuar Moldabekov namidiki mäktäpni «Altun bälgügä» tamamlap, Almutidiki Turan universitetiniŋ ihtisat fakul'tetiğa oquşqa çüşidu.

Şahmurat bilimini tehimu mukämmälläştürüş niyitidä magistraturida vä Malayziyaniŋ Kualo Lumpur şähiridä bilim alidu. Һazir u «AGKnvest» җavapkärligi çäklängän yoldaşliğiniŋ baş mudiri. Yeqinda biz uniŋ bilän uçrişip, tšvändiki soallar bilän muraҗiät qilğan eduq.

— Şahmurat, siz baliliq çeğiŋizda kim boluşni arman qilğan ediŋiz?

— Män momam bilän bovamniŋ qolida šstüm. Turmuşniŋ azdu-tola qiyinçiliqliriğa duç kälginimnimu yoşurmaymän. Şuŋlaşqa bolsa keräk, baliliqtiki arminim — çoŋ tiҗarätçi bolup, häyrihahliq paaliyät bilän şuğulliniş edi.

— Ämgäk paaliyitiŋizni qäyärdä başlidiŋiz?

— Däsläp tonulğan metsenat Dilmurat Kuziev rähbärligidiki «BeNT» aktsionerliq җämiyitigä addiy işçi bolup işqa orunlaştim. U yärdä säkkiz jilğa yeqin vaqit işlidim. Rastini eytsam, Dilmurat akidin nurğun närsilärni ügändim. Säkkiz jilniŋ içidä vitse-prezident lavazimiğiçä kštirildim. Pursättin paydilinip, ämgäk paaliyitimdä päqät yol-yoruq kšrsitipla qoymay, atidarçiliq qilğan Dilmurat Pirmuhämmät oğliğa çäksiz minätdarliğimni izhar qilimän.

2016-jildin başlap, šz aldimizğa billä oquğan balilar bilän Maŋğistav vilayitiniŋ Aqtav şähiridä çoŋ beton zavodini eçip, quruluş şirkätlirini haҗätlik materiallar bilän täminlävatimiz.

— Sizçä tiҗarätçi boluş qiyinmu?

— Tiҗarätçi — sšziniŋ mänasi nahayiti käŋ. Uni asan yaki qiyin däp kesip eytiş täs. Mäsilän, bizniŋ işimizni män, «bir tirikçilik» degän bolar edim. Һärqandaq tirikçilik tavakälçiliktin başlinidu. Tavakälçilikkä bäl bağliğan adäm tirikçilik qilalaydu. Andin adäm balisi eniq bir mähsätni kšzligän halda, iş başlişi keräk. Şundaq qilğandila u arminiğa yetäläydu.

— Keläçäktiki iş-reҗiliriŋiz häqqidä eytip štsiŋiz.

— Reҗilär nahayiti kšp. Quruluş sahasida çoŋ bir korporatsiyani täşkil qiliş oyum bar. Uniŋ arqiliq elimizniŋ ihtisadiy täräqqiyatiğa birkişilik ülüşümni qoşsam däymän. Turmuşi naçar aililärgä yardäm qiliş, işsiz jürgän yaşlarniŋ sanini azaytiş, bäzi yaşlarniŋ vätänpärvärlik his-tuyğusini oyğitiş niyitimizmu yoq ämäs.

— Eytmaqçi, yaşlarğa eytar qandaq tiligiŋiz bar?

— Män yaşlarniŋ äŋ aldi bilän šziniŋ küçigä işinişini, aldiğa bälgülük bir mähsät qoyup, tinmay ämgäk qilişini haliğan bolar edim. Duç kälgän qiyinçiliqlarni bilim, sävir-taqät bilän yeŋip çiqişini tiläymän.

— Sšhbitiŋizgä rähmät!

Sšhbätläşkän

Adiläm MÄSİMҖAN.

Bälüşüş