“Tirişçanliğim arqiliq arminimğa yättim”

0
534 ret oqıldı

İsmi: Veneräm Familiyasi: Nurahunova Tuğulğan jili: 1989 Käspi: oftal'molog/ Bügünki kündä qandaqla sahada bolmisun, šzliriniŋ pidakaranä ämgigi bilän utuq qazinivatqan uyğur yaşliri yetärlik. İşäşlik eytalaymizki, ularniŋ hämmisi degidäk aliy bilim elip, җumhuriyitimizniŋ ihtisadiy-iҗtimaiy täräqqiyatiğa salmaqliq hässisini qoşuvatidu. Bolupmu äŋ qiyin vä juquri җavapkärlikni täläp qilidiğan meditsina sahasidimu başqilardin qalmay, talliğan käspi boyiçä ilmiy işlar bilän şuğullinivatqan qarakšzlirimizni kšrginiŋdä, mäğrurliniş ilkidä hoşalliqqa bšlinisän.

Biz bügün yaşlar betidä äynä şundaq utuqlarğa qol yätküzgän häm hazirmu ilmiy işlar üstidä qizğin paaliyät jürgüzüvatqan zamandişimiz Veneräm Nurahunovani gezithanlarğa tonuşturuşni toğra kšrduq.

U Almuta şähiridiki 65-mäktäpni vä җumhuriyätlik meditsina kolledjini qizil diplomğa tamamliğan. Kiçigidin aqhalatliq käsip egisi atilişni arman qilğan Veneräm kolledjdin keyin oylanmayla hšҗҗätlirini S.Asfendiyarov namidiki Qazaq milliy meditsina universitetiğa tapşurup, şu jilila «Kšz ağriqliri vä uni davalaş» fakul'tetiğa oquşqa çüşidu. Qabiliyätlik yaş qiz bilim eliş җäriyanida universitet dairisidä vä uniŋ sirtida uyuşturulğan konferentsiyalärgä iştrak qilip, bilimini tehimu mukämmälläştüridu. Qisqisi, 2013 – 2016-jillar ariliğida Rossiyaniŋ Saratov şähiridä, җumhuriyitimizniŋ җay-җaylirida štkän meditsina sahasiğa munasivätlik, şuniŋ içidä hirurgiya, mikrohirurgiya vä imunologiya boyiçä konferentsiya-seminarlarğa qatnişip, dokladlar oquydu. Buniŋdin taşqiri, 2015-jili ilmiy ämgäklär konkursida Baş mukapatqa muyässär boluşi — uniŋ häqiqätänmu šz käspini sšyidiğan vä bu sahada çoqum egiz davanlardin aşidiğanliğiniŋ yarqin ipadisidur.

Kšz ağriqliri Qazaq ilmiy-tätqiqat institutiniŋ rezidenti Veneräm Nurahunova yaş boluşiğa qarimay, helikäm kšz ağriğiğa muptila bolup, hayatniŋ läzzitini sürüş imkaniyitidin mährum bolğan kšpligän bemarlarniŋ kšzini eçip, hoşalliq äta qilivatidu. Şuniŋ bilän billä, u Qazaqstan meditsinisiniŋ täräqqiyatiğa birkişilik hässisini qoşuvatidu. Ötkändä uniŋ bilän sšhbätlişip qaldim.

– Veneräm Asimҗan qizi, siz meditsina sahasiğa qandaq kelip qaldiŋiz?

– Bu yärdä heç qandaq sir yoq. Dohtur boluşni kiçigimdin arman qilattim. Älvättä, şu arminimğa yätkiçä, nurğun oquşqa, izdinişkä häm ämgäk qilişqa toğra käldi. Şundaq bolsimu, män buniŋğa härgizmu puşayman qilmaymän.

— Siz nemä üçün näq oftal'mologiya sahasini tallavaldiŋiz?

– Kolledjdin keyin hirurgiya fakul'tetiğa hšҗҗätlirimni tapşuraymekin degän oyum bar edi. Amma bir küni dadam bilän paraŋlişip oltarğanda, u tuyuqsiz «Nemişkä oftal'mologiya ämäs?» degän soalni qoydi. Män oylinip qaldim. Uniŋdin aval män kšrgän, andin oftal'mologiya sahasi boyiçä 240 käşpiyatniŋ muällipi S.V. Fedorov häqqidä fil'mmu meniŋ bu sahani tallişimğa säväp boldi, däp eytalaymän. Keyiniräk, boş vaqit tapsamla, şu kinoni kšrüp, uniŋdin bolğusi käspimgä ait kšp närsilärni ügändim. Özäŋlarğa mälumki, kšz insan hayatida muhim rol' atquridu. Ändi gšzäl täbiät mänzirilirini vä alämniŋ başqimu karamätlirini kšridiğan kšzdin ayrilsaq — hayatimizniŋ mäzmuniniŋ tügigini. Bizniŋ mähsitimiz — kšz ağriğiniŋ därdini tartivatqanlarniŋ därdigä därman boluştin ibarät.

– Siz yaş boluşiŋizğa qarimay, kšpligän utuqlarğa qol yätküzüpsiz. Buniŋ siri nemidä?

– Sir degidäk sirim yoq. Meni arman-mähsätlirim alğa yetäklidi. Män şu yolda tinmay ämgäk qilivatimän, halas.

– Yaşlarğa qandaq mäslihät bärgän bolattiŋiz?

– Һazirqi zamanda oquymän desäŋ, barliq şarait moҗut. Buniŋğa ata-anilarmu hoşal bolidu. Şuŋlaşqimu ularniŋ eqidisini aqlap, bügünki kün tälivigä layiq ilim elip, eliŋniŋ, hälqiŋniŋ sšyümlük pärzändi bolğanğa nemä yätsun.

Bähtinur SİDİQOVA.

Bälüşüş