Tünlär uzap baridu, künlär qisqirap

0
532 ret oqıldı

Nurähmät ÄHMÄTOV

 Qiyin ekän, qiyin ekän anilarsiz hayatta…

(Anam Ayimpaşa Һosman qiziniŋ hatirisigä beğişlanğan şeirlardin)

 İ

İçimgä därt tolğinida bir tulum,

Yänä kelip qaldiŋmu sän, bulbulum?  Avaziŋğa qulaq tutar anam yoq,

Tuyuq bolup tuyulmaqta käŋ yolum.

«Balam!» dätti mehri bilän alämçä,

Bilinmätti çarçiğinim heç qançä.

«Balam!» dätti siypap äziz beşimni,

Rohim šsüp ketätti käŋ asmançä.

Öy tšridä oltarğini qozğap zoq,

Män yaşattim, ğämdin neri kšŋlüm toq.

Muzlap kirip, muzlap çiqip ketimän,

Öygä kirsäm, çünki bügün anam yoq.

İçimgä därt tolup bu kün bir tulum,

Tuyuq bolup tuyulmaqta käŋ yolum,

Asrap baqqan anilarsiz hayatta,

Qiyin ekän, qiyin ekän, bulbulum!..

İİ

Huşvaq kšŋlüm ğeripsinip, җülmäräp,

Avat šyüm qaldi bu kün çšldäräp.

Küni boyi jürigimni ğäş qildi,

Jitim qoza tohtimastin kšp märäp.

Ata –äziz,

Ana degän äŋ uluq.

Anisi bar adämlärniŋ kšŋli toq.

Qandaq qilay, šygä kirsäm «balam!» däp,

Çay uzatqan mehrivanim anam yoq…

İç-içimdin orğup därdu-älämlär,

Alğa bassam, artqa ketär qädämlär.

Va, häsrättä, başqa çüşti җudaliq,

Eytiŋlara amal barmu adämlär?!

Öy tšridä anaŋ bolsa, älhasil,

Alla bärgän amanät bil, amät bil.

Anaŋ barda Mäkkä izdäp qaŋğima,

Ayiğiğa beşiŋ qoyup säҗdä qil!..

Jiraqlardin didar izdäp

Lazimi yoq siy-iltipat nä keräk?

Kšrüngängä sir açmaydu bu jüräk.

Yoli başqa koçidiki tonuşniŋ,

Bir zağrini bšlüp yegän dost bšläk.

Seğinişniŋ astimda at-uliği,

İzdäp çiqsam bilinmäs yol jiriği.

Yorutidu yolum ämäs, dilimni,

Dostlirimniŋ yandurğan şam-çiriği.

Jiraqlardin didar izdäp tapqili,

Seğiniştin yälkigä ton yapqili.

Män kelimän şatliğiğa şerik bop,

Därtlirini täŋ bšlüşüp tartqili.

Birin sätläp, yänä birin äzizläp,

Dost tutmaydu payda kšzläp, näp kšzläp.

Dost tutidu ikki ämäs, bir märtä,

Mšrti kälsä aççiq sšzläp, häq sšzläp.

Sezip härdäm çin dostluqniŋ täptini,

Sürsäm däymän bu šmürniŋ gäştini.

Dostlar bilän didar quçqan sorunğa,

Täŋ kšrmäymän Sulaymanniŋ tähtini!..

 Dostum qäbri aldida

(Ädliyä sahasiniŋ yetük hadimi Turğan Nasirovniŋ hatirisigä)

Bähit izdäp män šzämçä hayattin,

Bir beşimğa yetip aşar därt taptim.

Çotqa salsam tapqinimniŋ tayni yoq,

Һäs-hästä qep qolda barni yoqattim.

Tirigidä alalmiğaç qädirläp,

Qädirdanlar ketip barar bir-birläp.

Kšç-kšçlärdä taşlap kätkän šy ohşaş,

Kšŋlüm qahşar kündin-küngä җülmäräp.

Jüräk-bağrim kavap bolup piraqtin,

Bu qäbirni yoqlap käldim jiraqtin.

Kškrigimdin şamal esär «uh»desäm,

Taşlalmiğaç yättä kätmän topraqtin.

Män keçikip, sän aldirap Turğanҗan,

Uçraşmasmiz bu panida heçqaçan.

İkkimizgä zoqi bilän Adalät,

Yeyiq qaldi raslap qoyğan dästihan…

Ep kälsäm däp tävärrük jut Ösäkkä,

Oyum bardi püküp jürgän jüräkkä.

Buyrimiğan beşimizni qoşuşqa,

Länät demäy, rähmät däymu päläkkä!..

İşinimän tirik jürüp šlgängä,

İşänmäymän seni kätti degängä.

Bir җan ediŋ diyanätlik, himmätlik,

Qimmitini tegişmigän ärzängä!

Öy tšridä qalğan bilän ornuŋ boş,

Dil tšridä saqlanğusi ismiŋ huş.

Pak tuğulup, pak yaşidiŋ, pak kättiŋ,

Amalim yoq, däymän:

«Dostum häyri-hoş!…».

 Dostlar didari

İlliq bahar täptidäk dostlar didari,

Alämniŋ bar şatliğin beğişlar dilğa.

Jüräklärdin juyulup turmuş izğari,

Bir däqiqä huş külgän ozuq bir jilğa.

Gül süpätlik sänämlär väsli gäp ämäs,

Niyätlärdä ğäräz yoq, kirsiz ğubarsiz.

«Miŋ jil yaşap,šlümgä heylilär qilğan»,

Һärqaysimiz bir-birdin Lohman hakim biz.

Dästihandin tapmaydu mänpiyät kšzläp,

Sinaqlarda tepilar äsli dost degän.

Dost bolmaydu bazarda jürgini yüzläp,

Dost bolmaydu yalğuz baş ğemini yegän.

Däydekän: «Däm ğenimät, didar ğenimät»,

Män dostlarniŋ didarin

härdäm istäymän.

Birimizgä birimiz altundäk qimmät,

Җa yamaqqa tegişip almayli däymän.

Çaŋqiğanda çšldä qep kšŋlüm su içkän,

Äzizligän dostlar bar, demäk, šzäm bar,

Tapiniğa yollarda kirgiçä tikän,

Kirsun däymän kšzümgä bolup heridar.

 Bir dostni rohlanduruş

(Qädinas ağinäm Seyit Välievqa)

Yaş eduq, qiran eduq, bir çağlar, dostum,

Yaşliqniŋ huş käypini sürüp yaşattuq.

Mänzilgah bolup, bizgä gülbağlar dostum,

Җenimiz sšygümizgä edi täsädduq.

Birkimlär yolliriğa täqäzaliqta,

Kšzlirimiz qadilip, telip ketätti.

Bulbullar sayriğanda u gülzarliqta,

Jüräkkä räşq otin selip ketätti.

Tälmürüp, täşvişlinip kütkänlirimiz,

Bir kämdä güllärara çiqip kelätti.

Goyaki tepilğandäk jütkänlirimiz,

Pak sšygü çiriğin yeqip kelätti.

Güllärdin aŋqip tursa bir esil puraq,

Tolun ay kšktä külüp bizni maratti,

Baharniŋ keçiliri bäk qisqa biraq,

Säzmättuq qayaqtin vä qandaq taŋ atti…

…Häyriyat, bu bir şerin çüş bolup qaldi,

Yaşliqtin yaki šçmäs şerin hatirä.

Küz kelip bağlarni šz ilkigä aldi,

Asmanda ayniŋmu häm nurliri hirä…

Häyriyat, altun çağlar kätti kälmäskä,

Vä äziz beşimizğa aq çaçlar qondi.

Һämmidin dähşiti häm…(eytmaq bäk                 \täskän),

Aça yolda bemäzgil harvumiz sundi…

Yazmay däp şeirimni amalsiz yazdim,

Sävirlik saqlap turup oqup kšr, dostum.

Äҗayip äslimilär kanini qazdim,

Adaqqi dämlärgiçä äsläp jür dostum.

Şu ekän ändi bizniŋ başqa çüşkini,

Hudayim štmüş bilän yaşaşni saptu,

Biraq bu ämäs, härgiz šmür šçkini,

Yaldama bolup tatliq hatirä qaptu…

Hatirä, äslimilär šzi bir aram,

Vä yänä ipadisi çin sadaqätniŋ.

Җan bolsa bu šmrimiz ätküsi davam,

Tüvini altun däydu sävir-taqätniŋ!..

Äy , yahşi yoluvçi…

Äy, yahşi yoluvçi, tohtap štkin,

Bizdäk bir yamanni yoqlap štkin.

U başta toq kšŋül bügün yerim,

İltipat äyläp sän toqlap štkin.

Kšz tikip ğärbiy qirğaqlarğa,

Yol apsän şäriqtin jiraqlarğa.

Çarisiz qep qalğan ara yolda,

Biz tšzüp här bala-sinaqlarğa.

Täğdirniŋ tätür u şamalliri,

Çiqqanda, tepilmay amalliri,

Bop qalduq äriksiz bändilärniŋ,

Bebähit, betäläy yamanliri.

Bolmiğaç käçkidäk gunahimiz,

Çiqar däp bizniŋmu kün-ayimiz.

Kün käçtuq ümütni üzivätmäy,

Qolliğay ändi bir Hudayimiz!

Äy, yahşi yoluvçi tohtap štkin,

Bizdäk bir ğeripni yoqlap štkin!..

Sizniŋ nahşiŋiz

(Talantliq nahşiçi Saniyäm İsmayilğa)

Һäҗäp läyzän.

Һäҗäp dilraba,

Nahşiŋizdin alimän aram,

Bahardiki goya taŋ säba,

Jürigimdä oyğitar ilham.

Juğirilğan nahşiŋiz bilän,

Armanlirim,

Nazuk sirlirim.

Kšŋül quşum kezär hiyalän,

Ana jutniŋ idir-qirlirin.

Birdä mäyin,

Birdä җür°ätlik.

Tävritidu meniŋ qälbimni.

Birdä huşhoy,

Birdä häsrätlik,

Äslitidu äziz hälqimni.

Äҗdatlarniŋ arzu-istigi,

Nahşiŋizda bolğaç muҗässäm.

Ävlatlarniŋ täşna jürigi,

Täşnaliqta tapidu mälhäm.

Dilni — dilğa,

Älni äl bilän,

Päyvänt etip nahşa yaŋrisun.

Gepimiz bar tehi štmigän,

Nahşiŋizdin aläm aŋlisun!..

  Toydiki tiläk

Seniŋ yaqqan çiriğiŋ šçmisun, ukam,

Çaqnap turğay yultuzuŋ, kšçmisun ukam.

Meniŋ äziz beşimğa çüşkän sävdalar,

Seniŋ äziz beşiŋğa çüşmisun, ukam.

Äyminip häm tävrinip basisän qädäm,

Qädimiŋgä yar bolğay, kšp yahşi adäm.

Män yahşiğa tap bolmay adaşqinim bar,

Sän yoluŋdin adaşmay, sägäk jür härdäm.

Һär nä bolsun päyvanu-ähdiŋdin azma,

Buyriğan altun ravaq-tähtiŋdin azma,

Bähit quşi bir qonar ärniŋ beşiğa,

Qonidu däp sän ikki bähtiŋdin azma.

Yahşiliqqa – yamanliq qatmay yaşiğin,

Qimmitiŋni ärzängä satmay yaşiğin.

Qahşisammu hayattin, külüp yaşidim,

Sän şatliqtin duniyağa patmay yaşiğin.

Yamini kšp äzäldin, hä, yahşisi kam,

Ömür degän şor šrläp turğan kona tam.

Kona tamni saray qip almiğiŋ üçün,

Saŋa amät tiläymän qälbimdin, ukam!

Seniŋ yaqqan çiriğiŋ šçmisun, ukam,

Çaqnap turğay yultuzuŋ, kšçmisun, ukam.

Çiriğiŋsiz yanğaymu meniŋ çiriğim,

Seniŋ yaqqan çiriğiŋ šçmisun, ukam!

Ağzi yumşaq bu balini…

«Ağzi yumşaq ikkini emär»

                                (häliq maqali)

Ağzi yumşaq: härkim bilän tepişidu,

Kor adämdäk tutqiniğa yepişidu.

Kšrünüştä häҗäp kämtar jürgini bilän,

Ataq desä šlüp-šçüp çepişidu.

Ağzi yumşaq: päriq ätmäy aq-qarini,

Emip šskän padidiki bar kalini.

Qaldurmaptu ärkäk bilän çişisini,

Һäy, qoysaŋçu ağzi yumşaq bu balini!..

Täräp bolup bšlünüp…

Täräp bolup bšlünüp «aq», «qariğa»,

Qoşmaŋlara meni härgiz ariğa.

Yezilmiğan şeirimni oylisam,

Tuz säpkändäk sezilidu yariğa.

Huştum yoq heç bolar-bolmas gäplärgä,

Qetilmasmän kälsä-kälmäs säplärgä.

Säpsatidin miŋ bir äla ämäsmu

Oy ilkidä tälmürginim däptärgä?

Һär halda bir şairimän hälqimniŋ,

Hälqim turar äŋ tšridä qälbimniŋ.

Äsli uzaq yaşimaydu şairlar,

Bolğay bu gäp quliğida härkimniŋ…

Yezilmiğan şeirlirim yezilsun,

Vuҗuttiki kan bayliğim qezilsun.

Tšküp ketäy, tšküp ketäy barimni,

Tšhpäm bolup äl aldida tizilsun!

Män şairmän,

Siğmaymän «aq» häm « qariğa»,

Qoşmaŋlara kälsä-kälmäs ariğa,

Şeir yazay, şeir bilän hälqimniŋ

Һäҗäp ämäs, yarap qalsam kariğa…

 Qeyinana häqqidä şeir

(Rast-yalğini arilaş)

Yaman däptu tünügün äziz qeyinanam,

Ğemim yäptu hä bügün änsiz qeyinanam.

İkki sšzniŋ birigä qoşup qoymisa,

Kün kšrälmäs ohşaydu mänsiz qeyinanam.

Qeyinana — u šz anaŋ,

Şundimu biraq,

Jirağiraq jürgänniŋ šzi yahşiraq.

Ayda-jilda bir qetim kšrünüp qoysaŋ,

Bolmas pursät-imkani qilişqa «çataq».

Rast, han däydu, qädriŋni ubdan bilidu,

Qävät-qävät kšrpä sep, hšrmät qilidu.

Qiyin ana — qeyinana, çüşinip bolmas,

Külüp turup, aççiği birdin kelidu.

Yaz aptivi, qiş soği täyyar üzidä,

Ästiri bar qandaqtu härbir sšzidä.

“Çiviniŋni” “šküz” qip kšrsitidiğan,

Bardur yänä lupisi uniŋ kšzidä.

Һär nä bolsun qädirläp šttüm šzini,

Vä heçqaçan qoymidim yärdä sšzini.

Zähirigä çidiğan yäydu häsilin,

Bäk sšyümän u yaqniŋ altun qizini.

…Ätivaliq anam bar «qeyinana» atliq,

Öz kšridu peqirni,

Qilmaydu yatliq.

Şundaqtimu on bolmay, bir tal bolğini,

Qandaq bähit desäŋçu,

Şükri miŋ qatliq!..

İkki hoşnamniŋ ikki işti bar

İkki hoşnamniŋ ikki işti bar,

Birsi qara vä yänä birsi aq.

Özara şunçä sadiq, vapadar,

Künliri štär billä häm inaq.

Ular täŋ šsüp küçük çeğidin,

Ayrilmaydiğan dostlar bop kätkän.

İҗillişip şu kiçik çeğidin,

Dostluq qädrigä iştlarçä yätkän.

Qizğiniş, häsät ular üçün yat,

Tapqan ozuğin kšridu bähäm.

Quruq süyäkkä šzliriçä şat,

Yoqni däp härgiz škünmäydu häm.

Taŋdin şamğiçä çişlişip, säkräp,

İkki hoylini küzitär bedar.

Biri-birini gah izdişip, iskäp,

Tünni štküzär sägäk, hoşiyar.

Һä hoşnilarçu?

Hoşnilar biraq,

Tätür qarişip, qapaq açmaydu.

Mšşük-çaşqandäk, bop qirğin-piçaq,

Һätta jilda bir salamlaşmaydu…

Kreml'din ügänduqmu?..

Kreml'din ügänduqmu, dahilardin yä,

Zäpmu zoqmän bop kättuq çavak çelişqa.

Çavak bilän izhar qip alqiş, mädhiyä,

Çavak bilän atlanduq җäŋgä, çelişqa.

Minbärlärdin yaŋrisa yäl käbi boş sšz,

Çavak çelip, däs turup, tovliduq şiar.

Qizarsiçu nä kaşki natiqlarda üz,

Nä bizlärdä misqalçä päm-parasät bar?!.

Stalinğa çavak çep balağa qalduq,

Yänä birigä çavak çep “talada” qalduq.

Aq-qariğa yätmästin, çelip çavakni

Ävlatlarniŋ aldida gunağa qalduq…

Az tarttuqmu apätlik jillar därdini,

Tälvilärçä çavak çep, tovlişip şiar?

Berivetip biz käbi hoquq-ärkini,

Barmaq çişläp qalğandin yänä kimlär bar?!.

…Seyit noçi – şir jüräk, mislisiz batur,

Ölüm heti ep barğan šzi җallatqa,

Çavakçilar sepini qilsam täsävvur,

Neçün däymän bolmidi savaq ävlatqa?!.

Tšrt misradiki häzil-çini arilaş gäplär

 Ässalamu äläyküm!

maqliq — äҗdattin miras,

«Ässalamu äläyküm» däp qoyğinim rast,

«Ässalamğa» şu qädär qaplisa mehman,

«Äläykümgä» degäymän: « Ya, äyyuhännas»…

  Һäykäl

Bilip-bolmas bu künniŋ päyli-koyini,

Bilip bolmas adämniŋ mähsät-oyini.

Bir bayväççä šzigä häykäl ornatti,

Kšk teräktin bälänt qip bästi-boyini.

 Sšygü izhari

 

«Män täyyarmän aldiŋğa yayaq yätkili,

Män täyyarmän җenimni pida ätkili»,

Däp sšygüsin izhar qip jürgini bilän,

Bäş ay boptu hotunni qoğlavätkili…

Amraqliq

Başliğiğa bšläkçä amraq bu adäm,

Pursät tapsa yenida täq turar härdäm.

Özi oynap ussulni toy-tškünlärdä,

Başliq üçün šrüydu šzi šrüm häm.

 Dost

Käptu kona bir dostum şähärdin izdäp,

Mehman boldi bäş-tšrt kün rasa içip-yäp.

Yolum çüşüp män yoqlap ketäy däp barsam,

Uçup kätti Kavkazğa däm ep keläy däp…

 Һäsäthor

Yüzgä kälgän momayni äl-jut täbrikläp,

Çoŋ ziyapät štküzdi, kšŋüllük häҗäp.

Bir häsäthor: «Şu momay män bolsamçu» däp,

Saqilini juŋuzlap, kätti tepçäkläp…

Mehmandostluq

Bolmas šyi pat-patla mehmandin hali,

Çaqiratti här küni bolsa amali.

Ayimastin barini tšküvetidu,

Һä, mehmini — başliq häm uniŋ ayali.

 Öydiki hesap

«Kšzi qarğu bazarniŋ bazar-nainsap,

Soda qilip jürgänlär sahtipäräzlär sap»,

— Däp vaysidi bir kişi täŋmu-täŋ payda

Kšrmäk bolğan melidin ziyanğa uçrap…

 Eliq-seliq

Aldirimay qiz täräp seliqni saldi,

Tšgä bilän ilqidin başlandi aldi.

Ahiriğa çiqmastin, käldi «Tez yardäm»,

Ästin ketip älçilär, gäp-sšzdin qaldi.

 Yaŋaq

Qerisaq, bop ketimiz säpra häm tirtäk,

Bir yaŋaqni bir bovay çaqalmay häläk.

Kesip taşlap ahiri, dedi terikip:

«Çeqilmiğan yaŋaqqa mana şu keräk!».

 Tuğulğan kün

Ziyapät rasa qizip, ävҗigä yätti,

Mehmanlar çetidin mäs, šzin bilmätti.

Һä, tävällud egisi hotunin sšyüp,

Tuğulğan küni bilän täbrikläp kätti.

Mehmandarçiliq

«Mehman degän risqisi bilän härqaçan», —

Däydudä, izdäp jürüp bolidu mehman.

Ayda-jilda šzigä novät kälgändä,

Ağrip qalar tosattin hotun şu zaman.

 Täyyar banisi

Düşänbidä ağriydu qeyinanisi,

Seşänbidä — tuyuqsiz kiçik anisi.

Arpa neni yämdekin tävlüktä bäş vaq,

Til uçida härqaçan täyyar banisi…

 8-Mart mäyrimi

«Miŋ yaşiğin, äzizim!» dedi uluqlap,

Sšyüp qoydi mäŋzigä andin qutluqlap.

Restoranğa bir märtä ep barğan edi,

Sšräp käldi ayali šzin qoltuqlap…

***

İkki ämäs jiliğa bir rät kelidu,

Ayallarğa täälluq kün däp bilidu.

İşniŋ kari gül berip pütkini bilän,

Һäptä boyi ärkäklär mäyräm qilidu.

 Mahtaş

Mahtaş deduq, bäs-bästä šzin mahtiduq,

Näqil qilip sorunda sšzin mahtiduq.

Äŋ ahiri: «Jiraqni kšräläydiğan

Hisliti bar», — däp äläs kšzin mahtiduq.

Bügünki künniŋ lätipisi

…Şundaq qilip šz toyida Äpändi,

Bir kapam aş qädrigä bäk yätkändi.

Paylimastin «aş yegänlär kirsun» däp,

Çimildiqqa kirmäy, qeçip kätkändi.

Monu jigit küyoğul bop bir bayğa,

Ham çot soqup, šyländi gül çirayğa.

Neka küni hada qildi quyruqni,

«Ep bärmidi yollanma däp, Dubayğa»..

Toylardiki oylar

 «Toyda jürsämmu oyda jürimän»  (Savutҗan Mämätqulov)

Moşu künlärdä birdin-bir räsmiy gezitimiz bolğan «Uyğur avazi» 15 miŋğa yetär-yätmäs nusha bilän tarilivatidu. Bu Qazaqstandiki umumiy nopusimizğa nisbätän eytqanda, här jigirmä, hätta uniŋdinmu kšp adämgä bir gezittinmu toğra kälmäydu degän sšz. Ändi sepi sanaqliqla şair- yazğuçilirimizniŋ miŋ bir җapa-mäşäqätlär bilän näşir qilinivatqan kitapliri 200 häm 500 nushidin aşmaydu. Amma şuniŋğa qarimastin, tarilip kätmäy, aylap-jillap topa besip yatidu.

Moşu ähvallarni kšz aldimizğa kältürsäk, oquğan, šz päytidä duniya mädäniyitigä sezilärlik hässä qoşqan tšhpikar äҗdatlarniŋ oqumiğan, nadan ävladiniŋ vuҗutqa kelivatqanliğini his qiliveliş ançä bir qiyin bolmisa keräk…

Ata-bovilirimizniŋ şanliq iş-ämällirigä varisliq qiliştin jiraq, maŋqurtlişivatqan ävlatniŋ šsüp kelivatqanliği — millät üçün eğir paҗiälik ähval!

«Җümä küni mal-gürüç, andin üç kün toy».

Yättä künniŋ tšrtini jürimiz toylap,

Һärqançä häm iş bolsa, jiğişturup qoy,

Toy turğanda iş nemä?

Alsaŋçu oynap!

…Çšçäktiki misli bir yeyil dästihan,

Kiçigiräk şähärniŋ ähli tügäl җäm.

Ätä küngä Huda bar, bügün sahiphan

Atisiniŋ oğli bop, jürär hatirҗäm.

«Toyğa barsaŋ, toyup bar» degini bilän,

İkkisigä bir tavaq hämdä botulka,

Kimniŋ kari yemigän, yegini bilän,

Biraq içär çoŋ-kiçik, aka häm uka.

Başlinidu ğorazniŋ qiçqirğinidäk,

Qulaqlarğa yadlinip kätkän kona gäp.

Kona gäplär kšŋülni ğäş qilsimu bäk,

Alqişlaymiz çavak çep,

«Yaşap kätkin!»däp.

Turğun Almas kimligin bilmigän kişi,

Tarihçi bop tarihtin başlaydu sšzin.

«Aççiq sudin» kšzidä pildirlap yeşi,

Sšyüp ketär birliri tutalmay šzin.

Qäşqäriylär, Һaҗiplar qalmaydu çättä,

Yazğanlirin varaqlap kšrmigän bilän.

Çättin çeçän natiqlar biz säyasättä,

Kitap, gezit ep, oqup jürmigän bilän.

Daqa-dumbaq daraŋlap, qaynaydu ussul,

(Ussul ämäs, äslidä qaynaydu šrüm).

Һeçkimdin kam ämässän,

Sänmu bir oğul,

Jut aldida šzgidin qep qalğan šlüm!

«Elipbägä» ahça yoq, balin mäktäpkä,

Ävätälmäy säkparä šydä yäŋgilär.

Örümçilär bäs-bästä urup kškräkkä,

Yopurmaqtäk tškülär munda täŋgilär!

«… Kät demäk yoq».

Näqädär esil bu sšzlär!

Toy-toylişip, toyçilar qizip baridu.

Puttin ketip birliri jumulsa kšzlär,

Baştin ketip bäzisi, ezip baridu…

***

«Җümä küni mal-gürüç, andin

üç kün toy».

Yättä künniŋ tšrtini jürimiz toylap.

Tohta, şair, bir novät toy oynaşni qoy,

Aldiŋğa ep bšküŋni, kšrginä oylap.

Asminida bayriği qerindaşliriŋniŋ,

Ziminiğa sin berip, güldäk yaraşqan.

Öz ilkidä šz ärki qan-qayaşliriŋniŋ,

Şadiyanä külkisi çehrisin açqan.

Kšz-kšz etip bar aläm ähligä šzin,

BMTta kam ämäs häq-hoquqi bar.

Ğärip bilän şäriqqä štküzär sšzin,

Qoli yetär här işqa qilsa ihtiyar.

Komp'yuter dävridin qep qalmay artta,

Kšzläp äqliy upuqlar intilar haman.

Qulaq tutsaq aŋlinar päzadin hätta,

Oğuz haqan sšzligän türkiyçä kälam.

Toy häm näzir ğemida qalğan, äy, hälqim!

Qaysi ihlim, elätkä ohşap barisän?

Qandaşliriŋ kün sanap ruslisa qäddin,

Neçün daҗip, arqiğa boşap barisän?!.

Boyğa siŋgän parasät qudritiŋ qeni?

Nahät untup barisän uyğurliğiŋni?!

Barğu sändä uluğvar äҗdatlar qeni,

Nahät qoyduŋ yoqitip mäğrurluğiŋni?!

Şan-şävkitiŋ namayän etip şäriqqä,

Märipätniŋ ziyasin šzäŋ çaçqanğu!

Ğäplätara ügdigän talay häliqqä,

Ustaz bolup, baş bolup, kšzin açqanğu!!

Varisi sän, täŋdaşsiz käşpiyatlarniŋ,

Varisliqni jütirip almiğin, hälqim.

Käşpiyatlar mülki bop dili yatlarniŋ,

Җahalättä sän šzäŋ qalmiğin, hälqim!

Rast, dästihan namayän uyğur degändä,

Qoyğan җozaŋ sehiliq, märtlikkä guva.

Mehmandostluq, vä lekin, yoli biländä,

Bäthäşlikni Allamu kšrmäydu rava!

İkki nanniŋ birini dap qip çalmiğin,

Toyliriŋğa çümkinip turidu därdiŋ.

Qalaqliqniŋ patqiği içrä qalmiğin,

Därtliriŋniŋ davasi qoluŋda, hälqim!!

 Tünlär uzap baridu…

Uçqur vaqit päsilni päsilgä ulap,

Tünlär uzap baridu, künlär qisqirap.

Qandaq štüp kättekin bahar bilän yaz?

Bir ğäşlik oy kšŋülni alar ugilap.

Һäҗäp edi baharniŋ huşvaq taŋliri,

Nurdin yaşnap ketätti kişi җanliri.

Zär nurlarğa kim, qaçan toyunup štkän?

Qalidekän pütmästin oy-armanliri…

Tškmä yazğa yätmäkniŋ šzi saadät,

Җännät bolsa bolarki, şunçilik päqät.

Nemitigä qandurmay štkinin oylap,

«Qayta nesip bolarmu?» däysän betaqät.

Tünlär uzap barğaçqa, künlär qisqirap,

Ändişilik oylarni ketisän oylap.

Qeni edi bügünki huşvaq künüŋniŋ,

Ätä yänä şatliğin štküzsäŋ toylap!..

Bälüşüş