Mustäqillik künigä beğişlandi

0
820 ret oqıldı

Mäşür SASİQOV, «Uyğur avazi»/ Yeqinda Talğir nahiyäsiniŋ Besağaş yezisidiki 29-ottura mäktäpniŋ sport zalida «Nur» sport kopleksiniŋ mäşiqländürgüçiliri Rinat Avakriev vä Suhrab Һaşimҗanovniŋ uyuşturuşi bilän Qazaqstan Җumhuriyitiniŋ Mustäqillik künigä beğişlanğan Şäriqniŋ yäkmu-yäk küräş türliriniŋ biri – uşu-san'da boyiçä şähärlik çempionat bolup štti. Uniŋğa Җänubiy Qazaqstan vä Almuta vilayitidin, şundaqla җänubiy paytähttin җämi 200din oşuq sportçi qatnaşti.

Çempionatniŋ eçiliş täntänisidä uyuşturğuçilar uşbu sport musabiqisini maddiy häm mäniviy җähättin qollap-quvätligän bir top şähslärni, җümlidin Qazaqstan Җumhuriyitiniŋ uşu-san'da federatsiyasiniŋ vitse-prezidenti Alik Җälilovni, «Nur» soda märkiziniŋ räisi Ğilaҗdin Ähmätovni, çimkäntlik mäşiqländürgüçi Berik Sarıbaevni, musabiqä štüvatqan bilim därgahiniŋ mudiri Janna Sağındıqovani vä hamiylardin «Tehnograd» җavapkärligi çäklängän yoldaşliğiniŋ mudiri Bilal Һoşurovni, Muratҗan Zubarşaevni Pähriy yarliqlar vä kubok bilän mukapatlisa, Zäynidin Ğoҗalimovqa Almuta şähärlik uşu-san'da federatsiyasiniŋ vitse-prezidentiniŋ guvanamisini tapşurdi. Buniŋdin taşqiri, uyuşturğuçilar bälgülük säväplär tüpäyli bügünki märasimğa mälum säväplär tüpäyli qatnişalmiğan Zakir vä Dilşat Kuziev ohşaş sahavätlik insanlarğa täşäkkür izhar qildi.

İkki küngä sozulğan çempionatta kimniŋ nemigä qabil ekänligi eniqlinip, küçlüklär aldinqi orunlardin kšründi häm bahaliq soğilar bilän täğdirländi.

Şundaq qilip, «Batırhan», «Almatıuşu», «İmperiya», «Niet», «Almaznaya voda», «Mangust» vä başqa sport klubliriniŋ äzaliri qatnaşqan çempionat utuqluq ayaqlişip, bäzilärgä hoşalliq hädiyä qilsa, ayrimliriğa kälgüsidä tehimu җiddiy mäşiqliniş lazimliğini çüşändürgändäk boldi.

Bälüşüş