«İҗatkarğa» bir jil

0
402 ret oqıldı

«…İҗatkar» – bir kündila täsadipi barliqqa kälmidi. Biz, bir top pikirdaşlar, uzaq vaqit bäs-munazirilärdin keyin, hälqimizgä äynä şundaq qärällik ädäbiy-bädiiy, ilmiy-ammibap näşirniŋ haҗätligigä kšz yätküzduq. Barğansiri ana tilni untuşqa başliğan ävladimizni uşbu millätniŋ jütüp ketişigä apiridiğan hätärlik yoldin saqlap qelişqa qilçä bolsimu hässä qoşuşni niyät qilduq…». «Ügdigän qälblärni yorutuşni» nişan qilğan «İҗatkar» jurnaliniŋ tšrtinçi sani yoruq kšrüp, oqurmänlär bilän didarlişivatqiniğa bir jil toluptu.

Büyük namayändimiz Abdurehim Ötkür täripidin qoyulğan «Biz päqät näy-näygila yaralğan häliqmu? Qeni bizniŋ ädäbiyatqa, tarihqa, mädäniyätkä varisliğimiz?» degän soallarniŋ helikäm kün tärtividin çüşmigänligini, mäniviy duniyağa bolğan kšzqaraşni šzgärtmigiçä, riqabät duniyasidiki ornimizniŋ mahiyiti bolmaydiğanliği häqqidä mulahiziliridin tährirat täripidin çelinğan täşviş qoŋğuriğiniŋ avazini aŋlaysiz.

Bu sanda dšlät vä җämiyät ärbabi Abdulla Rozibaqievniŋ vä büyük yazğuçi, mäşhur alim Muhtar Ävezovniŋ tuğulğiniğa 120 jil toluşi munasiviti bilän berilgän maqalilarni, İsmayil Sattarovniŋ şeirlirini, Qurvan Tohtämovniŋ hekayisini oqup, bizgä mäniviy bayliq qaldurğan äҗdatlarğa apirin äyläysiz.

Duniyadin ätigän kätkän, šlümgä qiymas hälqimiz oğlanliri Kommunar Talipov, Änvär Һaҗiev hatirisigä beğişlanğan Yoldaş Azamatov bilän Şämşidin Ayupovniŋ maqaliliri qälbimizni yaşlaydu.

«Saadät terigi» namliq hekayisini näzärimizgä sunğan aqsaqilimiz Yähiya Tayirov kamdidar bolup kätsimu, härgiz oqurmänlirini untumaydiğanliğidin beşarät beridu.

Peşqädäm jurnalist Yoldaş Azamatovniŋ şair Җämşit Rozahunov bilän bolğan sšhbitini oqup, iҗadiyät duniyasidila ämäs, dšlät, maarip, egilik işliridimu qoltamğisi qalğan iҗatkarniŋ şähs süpitidä şäkilliniş җäriyaniniŋ bizgä namälum täräpliridin hävärdar bolimiz.

Abduhaliq Mahmudovniŋ povesti yazğuçiniŋ šzigä has stilini, maharitini namayiş qilidu

Mäzkür sanda Şinҗaŋ-Uyğur Avtonom Rayonluq yazğuçilar җämiyitiniŋ äzasi Sidiq Tursunniŋ häҗviyisi, qazaq yazğuçisi, märhum Didahmet Äşimhanniŋ hekayisi bilän billä Rähmätҗan Ğoҗambärdiev, Һakimҗan Güliev vä Molutҗan Tohtahunovniŋ maqaliliri berilgän.

Bügünki kündä yeziniŋ milliylikniŋ bšşügi bolup qalğanliği heçkim üçün sir ämäs. «İҗatkarda» bärikätlik jutlarda istiqamät qilivatqan, iҗatqa muhäbbät bağliğan, ismi kšpçilikkä hazirçä namälum iҗatkarlarniŋ äsärlirigimu orun berilgän.

Aznat TALİPOV.

Bälüşüş

Javap qalduruŋ