Yeŋi jilni nişanlaşqa bolamdu?

0
358 ret oqıldı

Keyinki jillarda җämiyitimizdä «Yeŋi jilni nişanlaşqa bolamdu?» degän soal ätrapida talaş-tartişlar tohtimayvatidu. Qazaqstanliqlarniŋ ayrim qismi päqät Noruzni nişanlaş lazim däydu häm diniy etiqat turğusidin jilniŋ almişişini çoŋ nişanlaş äqilgä muvapiq ämäs degän pikirni alğa sürmäktä. Ayrimliriniŋ pikriçä, yeŋi jilni bäzi çäklimilär bilän nişanlaşqa bolidu. Äynä şu soallarğa yeŋi jil harpisida Almuta şähiriniŋ imami Nurbek Esmağambet җavap bärdi.

Һazir kšpligän kişilär diniy mäsililär boyiçä mäslihät berişkä intilmaqta. Ular muqäddäs kitaplardin misallar kältürüp, šzliriniŋ pikirliriniŋ toğra ekänligini dälillimäkçi boluvatidu. Musulman ähli yeŋi jilni nişanlaydiğanlar vä nişanlimaydiğanlar bolup ikkigä bšlünüşkä başlidi. Demäk, җämiyitimizniŋ, hälqimizniŋ ikkigä bšlünüş hovupi päyda boldi. Yeŋi jil harpisida jilniŋ yäkünliri çiqirilidu, bu on ikki ayniŋ iş yäkünliri. Män moşu päyttä mäyräm oynap, dinğa işänmäydiğanlarniŋ qiyamät künidiki ähvalini oylaymän. Nemişkidu, kšpçiligimiz «Allaniŋ raziliğiğa erişiş üçün štkän jili nemä qildim?» degän soalni qoymaydu. Uniŋ orniğa qimmät vaqtimizni boş närsilärgä, yäni ğevätkä, quruq sšzlärgä särip qilivatimiz, — däp täkitlidi imam.

Nurbek Esmağambetniŋ pikriçä, härkim šziniŋ 365 kündiki şähsiy yäkünini çiqirişi lazim.

— Qoluŋlarğa qäläm elip, štkän jili ämälgä aşmiğan işlar vä yeŋi jilğa qoyğan mähsätlärni yeziŋlar. Yeŋi jilda Allaniŋ raziliğiğa egä boluş üçün nemä qiliş keräk? Mana şundaq soallar ätrapida oylanğan durus. Äynä şularni šz yolida ämälgä aşuruşqa tirişiŋlar, — dedi Nurbek Esmağamet.

İmam şundaqla härbir kişiniŋ җämiyät, ailä, işbärgüçi aldidiki җavapkärlikni toğra çüşinişi haҗät häm yeŋi jilni nişanlaşniŋ yaki nişanlimasliqniŋ toğra yaki natoğra ekänligigä ait quruq, äqilgä muvapiq ämäs sšzlärni tohtitiş vaqti kälgänligini eytti. Bu talaş-tartişlar 130 millät yaşavatqan dšlitimizniŋ birligini yoqitişi mümkin.

— İslam razimänlikni, teçliqni tärğibat qilidu. Biz šz dinimizğa işinip, başqa dindiki vätändaşlirimizniŋ diniy kšzqaraşlirini, mäyrämlirini hšrmät qilişimiz keräk. Mana bu İslam diniğa bolğan işänçini aşuridu, musulmanlar sanini kšpäytidu. Elimiz mustäqilliginiŋ mustähkäm huli — razimänlik, teçliq, birlik. Һärqaysimiz šz pikrimizni umumiy pikirdin bšlsäk, toplarğa bšlünsäk keläçigimizniŋ nemä bolidiğinini hämmimiz yahşi his qilişimiz haҗät, — dedi imam.

Bälüşüş

Javap qalduruŋ