İsimlar yezilğan avtomobil' nomerlirini setiş täklip qilindi

0
234 ret oqıldı

BUNİҢĞA NEMÄ DÄYSİZ?/ Yoldaş MOLOTOV, “Uyğur avazi”/ Qazaqstanliq avtoişqivazlarda 2018-jildin başlap maşina nomerinila ämäs, şundaqla isimliriniŋ häriplirinimu tallaş vä setiveliş mümkinçiligi päyda boluvatidu. Äynä şundaq täklipni Mäҗlis deputatliri bärdi. Mälumki, Qazaqstanda 2015-jildin başlap «ätivaliq» nomerlarni setiş başlanğan edi. Mäҗlis deputati Omarhan Öksikbaevniŋ täkitlişiçä, bu qanun layihisi on jil davamida muhakimä qilinğan ekän. Qanunni qobul qiliştin ilgiri Evropa älliriniŋ, Gruziyaniŋ, Äräp Ämirlikliriniŋ vä Gonkongniŋ täҗribisini ügängän.

— İlgiri şundaq «ätivaliq» nomerlar «yäŋ içidiki soda» bilän setilatti. Yäni ahça ayrim şähslärniŋ yançuğida qalatti. Biz qanun qobul qilğandin keyin hämmä iş aşkarä ämälgä aşurulidu. Bu yärdä korruptsiya tohtitildi», — dedi deputat.

Uniŋ eytişiçä, ändi qazaqstanliqlar šz isimliri bilän nomerlarni setivalalaydu häm bu nomerlarniŋ bahasimu juquri bolidu.

Täkitläş lazimki, başqa dšlätlärdä äynä şundaq «ätivaliq» nomerlarni setiveliş üçün ayrim baylar millionliğan dollar häşläydekän. Mäsilän, bir äräp tiҗarätçisi 2008-jili avtomobil' nomerini 14 million dollarğa setivalğan. Angliyalik bir bay bolsa, šziniŋ ismiğa muvapiq nomer üçün 2014-jili 10 million dollar bärgän. 2016-jili Qirğizstanda auktsionda seriyasi «AAA» vä räqämliri «777» nomeri 25 miŋ dollarğa setilğan.

Bizniŋ elimizdä «ätivaliq» nomerlar auktsionlarda setilmaydu. Päqät bälgülängän bahağa setilidu. Şundaqla avtoişqivazlarniŋ nomerniŋ räqämini häm seriyasini tallaveliş imkaniyiti päyda boldi.

— Bizdä ehtiyaҗi juquri nomerlar bälgülängän bahada setilidu häm ular ikki kategoriyagä bšlünidu. Birinçi kategoriya — «001din» — «009ğiçä» vä «777» nomerliri. İkkinçi kategoriya — «100», «200», «300»…  vä «111», «222», «333»… vä başqilar. Birinçi kategoriyadiki nomerlar 517 miŋ täŋgä, ikkinçi kategoriya boyiçä nomerlar 300 miŋ täŋgä ätrapida turidu. Ändi seriyasidä šziŋiz haliğan häriplärniŋ boluşi üçün qoşumçä 130 miŋ täŋgä tšläş haҗät bolidu. Adättiki nomerlar šzgärmidi, ularniŋ bahasi 6537 täŋgä», — däp täkitlidi İçki işlar ministrligi Mämuriy politsiya komitetiniŋ räsmiy väkili Ernar Bazarov.

Politsiya väkilliriniŋ täkitlişiçä, «ätivaliq» nomerliri bar maşinilarniŋ başqa avtoişqivazlar aldida heçqandaq artuqçiliği yoq. Ularmu qanun täläplirigä muvapiq yol qaidilirigä riayä qilişi şärt.

Räsmiy mälumatlar boyiçä, üç jilda «ätivaliq» nomerlarni setiş arqiliq byudjetqa 5 milliard täŋgä çüşkän. Statistika boyiçä «çirayliq» nomerlar Almuta, Astana şähärliridä, Qarağanda, Almuta vä Şärqiy Qazaqstan vilayätliridä kšp setilidekän.

Bälüşüş

Javap qalduruŋ