Qiz tärbiyisi – millät keläçigi

0
388 ret oqıldı

Vilayätlik forum/ Raşidäm RÄҺMANOVA, «Uyğur avazi»/ Һärqandaq ailiniŋ uyutqisi – ayal, ana. Şundaq ekän, keläçigini oyliğan härqandaq millät qiz tärbiyisigä alahidä kšŋül bšlüşi keräk. Yeqinda İşiktä gumanitarliq-ihtisadiy kolledjida «Mädäniy yeŋiliniş» mavzusida vilayätlik forum bolup štti. Uniŋğa Almuta vilayätlik Qazaqstan hälqi Assambleyasi yenida, şundaqla Talğir, Uyğur, Panfilov, Җambul, İli nahiyäliridä paaliyät elip berivatqan Anilar keŋäşliriniŋ väkilliri vä nahiyälik etnomädäniyät märkäzliriniŋ räisliri, kolledj studentliri qatnaşti.

Forum iştrakçiliri kolledj mirasgahi bilän «Saq» dizayn-studiyasini ziyarät qilğandin keyin nahiyä hakiminiŋ orunbasari Aybek Bidaev mäzkür çarä-tädbirni eçip, uniŋ ähmiyitigä täpsiliy tohtaldi. Andin İşiktä gumanitarliq-ihtisadiy kolledjiniŋ mudiri, Ämgäkçiqazaq nahiyälik Anilar keŋişiniŋ räisi Gülnar Joşıbaeva keŋäşniŋ paaliyiti häqqidä sšzläp bärdi.

Andin İşiktä gumanitarliq-ihtisadiy kolledjiniŋ studentliri, nahiyälik uyğur, türk, kurd, slavyan, çeçen-inguş etnomädäniyät märkäzliriniŋ väkilliri «Qiz tärbiyisi – millät keläçigi» mavzusida täyyarliğan layihilirini kšpçilikniŋ diqqitigä havalä qildi.

«Uyğur ailisidiki qiz tärbiyisi qandaq boluşi keräk?» degän soalğa җavap izdigän Avat yezisi Ömär Muhämmädiy namidiki ottura mäktiviniŋ muällimliri bilän oquğuçiliriniŋ qoyulumi tamaşibinlar täripidin juquri bahağa egä boldi.

Almuta vilayätlik Qazaqstan hälqi assambleyasi yenidiki Anilar keŋişiniŋ räisi Jamal Baymadieva forumğa šziniŋ juquri bahasini berip, uyuşturğuçilarğa minnätdarliğini bildürdi. Andin bir türküm paaliyätçan anilarni Almuta vilayätlik Qazaqstan hälqi assambleyasiniŋ Pähriy yarliqliri vä maddiy soğilar bilän täğdirlidi.

Һä, «Ana bir qolida bšşükni tävrätsä, yänä bir qolida alämni tävritidu» däymiz.  Millät vä ailä qädriyätlirini saqlap qelişta ayalniŋ, aniniŋ orni bšläk. Şuŋlaşqimu Dšlät rähbiri šz nutuqliriniŋ biridä Qazaqstan hälqi Assambleyasi yenida Anilar keŋişini quruş haҗätligini alahidä qäyt qilğan edi. Statistikiliq mälumatlarğa asaslansaq, dšlät hizmitidiki qazaqstanliqlarniŋ täŋdin-tolisini ayallar täşkil qilidekän. Bu – yaman kšrsätküç ämäs. «Qizlirimiz päqät bilimlikla ämäs, şundaqla tärbiyilik bolup šssun. Qiz tärbiyisi – millät keläçigi». Forumniŋ şiari äynä şundaq boldi.

Ämgäkçiqazaq nahiyäsi.

Bälüşüş

Javap qalduruŋ