Täsadipi uçrişiş

0
646 ret oqıldı

Raşidäm RÄҺMANOVA, «Uyğur avazi»/ Ämgäkçiqazaq nahiyäsigä birnäççä qetim qädäm täşrip qilğan Mäҗlis deputati Şahimärdan Nurumovniŋ armini yezidiki addiy dehan yaki qoyçi bilän uçrişiş edi. — Dehan yaki qoyçiniŋ deputat bilän uçrişişqa kelidiğanğa vaqti yoq ekänligini yahşi bilimän. Ular melini yaki suğirivatqan yerini taşlap ketälmäydu. Amma ular üçünmu Parlamentta kšpligän yeŋiliqlar, eniğiraq eytqanda, yeŋi qanunlar bar, — degän edi Şahimärdan Üsäyin oğli bir kälginidä.
Monu sürätni deputatniŋ Ämgäkçiqazaq nahiyäsigä bolğan moşu qetimqi säpiridin çüşirivaldim. Bu heçbir stsenariysiz, kütülmigän uçrişiş boldi. Özini «Timur» däp tonuşturğan malçi jigitniŋ «Mäҗlis deputati» degän sšzni aŋlap, hoşal bolğini çirayidin bayqilip turidu. Yeza balisi ämäsmu, addiy saddä jigit ekän.
«Qarimiğimda 700 qoy, 50 qara mal bar» däp «sayrapla» kätti u. Şuniŋ bilän billä Timur җumhuriyitimizdä yüz berivatqan yeŋiliqlardin hävärdar ekän. Prezident täripidin yezidiki tirikçilikni җanlanduruş mähsitidä ämälgä aşuruluvatqan işlardinmu toluq ähbaratqa egä bolup çiqti. Yeza egiligini, җümlidin çarviçiliq sahasini täräqqiy ätküzüş, «Aqbulaq» programmisi boyiçä ahalini içidiğan taza su bilän täminläş. Moşularniŋ hämmisidin razi ekänligini eytip, Dšlät rähbiri Nursultan Nazarbaevqa minnätdarliğini izhar qildi. «Amma äynä şundaq yahşiliqlarniŋ tehi bäzibir yezilarğa yetip kelälmäyvatqanliğiğa «häp» däymän», dedi sšhbätdişimiz ahirida.
Öz novitidä, Şahimärdan Üsäyin oğli Timurni çarviçiliq sahasi boyiçä küçigä kirgän qanunlardin vaqip qildi. Umu deputatqa šziniŋ rähmitini eytti. Qiziq yeri, u gäpni u yaq-bu yaqqa «elip-qeçip», šziniŋ qaysi yezidin ekänligini demidi. Mümkin, buniŋmu šzigä çüşluq sävävi bardu. Amma män uniŋğa monu sürätniŋ gezitqa çiqidiğanliğini äskärttim.

Bälüşüş

Javap qalduruŋ