Mäҗlis deputati Yarkänttä boldi

0
282 ret oqıldı

Gšhärbüvi İSMAYİLҖANOVA “Uyğur avazi”/ Yeqinda Qazaqstan Җumhuriyiti Parlamenti Mäҗlisiniŋ deputati Şahimärdan Nurumov Panfilov nahiyäsigä qädäm täşrip qilip, җamaätçilik väkilliri bilän uçraşti. Mäzkür uçrişişqa deputat bilän billä Qazaqstan hälqi Assambleyasi Almuta vilayätlik kativatiniŋ baş mutähässisi Äbilqayır Oralov, җumhuriyätlik «Uyğur avazi» gezitiniŋ baş muhärriri Erşat Äsmätov, deputatniŋ yardämçisi Nurmähämät Paltahunov, җumhuriyätlik Uyğur etnomädäniyät märkizi yenidiki Nuraniy anilar keŋişiniŋ räisi Gülҗahan Muratova, Hanim-qizlar keŋişiniŋ räisi Sänäm Beşirova vä uniŋ orunbasari Taҗinisa Tohtieva qatnaşti.
Deputat başliğan topni Panfilov nahiyäsiniŋ hakimi Temirlan Bektasov, nahiyä hakiminiŋ orunbasarliri Roza Mağrupova bilän Şšhrät Qurbanov kütüvaldi.
Däsläp mehmanlarni Uyğur etnomädäniyät märkizi räisiniŋ orunbasari Abdusalam Äliev vä җämiyätlik işlarniŋ aktivistliri, jigitbaşliri, hanim-qizlar keŋäşliriniŋ räisliri qarşi aldi. Abdusalam Äliev etnomädäniyät märkiziniŋ iş-paaliyiti vä keläçäktä elip baridiğan işliri häqqidä täpsiliy eytip bärdi. Çüştin keyin Panfilov nahiyälik hakimiyätniŋ mäҗlislär zalida štkän uçrişişqa nahiyä hakimi Temirlan Bektasov riyasätçilik qildi vä däsläpki sšzni Mäҗlis deputatiğa bärdi.
— Qädirlik yarkäntliklär, — däp sšzini başlidi Şahimärdan Üsäyin oğli. — Barçiŋlarni qädäm täşrip qilğan Yeŋi jil mäyrimi bilän täbrikläymän. Uluq İpäk yoli boyidiki asasliq tügünlärdin hesaplinidiğan Yarkänt täväsi — dostluqniŋ makani. Män deputat bolup saylanğandin buyan Qazaqstanniŋ barliq şähärliridä, avul-yezilirida boldum desäm hatalaşmaymän. Qazaqstanliqlarniŋ hämmisi küç-quvitini, mustäqil elimizniŋ täräqqiyati üçün särip qilivatqanliğiğa, millitigä, diniy etiqatiğa bağliq heçqandaq kamsitiş ähvalliriğa duç kälmäy, dostluqta yaşap ämgäk qilivatqanliğiniŋ guvaçisi boluvatimän. Qazaqstan neft' bilän gazğa, yärasti qezilmilarğa bay dšlät. Biraq ular asasiy bayliğimiz ämäs. Bizniŋ elimizdiki äŋ çoŋ bayliğimiz – 130din oşuq millät bilän elätniŋ bir çaŋiraq astida dostluqta, inaqliqta häm birliktä yaşavatqanliği. Bu dostluqniŋ uyutqusi Dšlät rähbiri Nursultan Nazarbaev ekänligini täkitlişimiz keräk. Elimiz Prezidentiniŋ «Keläçäkkä nişan: mäniviy yeŋiliniş» maqalisi äynä şuni alğa süridu. Bu addiy maqalä ämäs, bälki keläçäkni molҗaliğan muhim strategiyalik plan däp çüşinimiz.
Uçrişişta ämgäk veterani Erğali Säbdenbekov, nahiyälik Anilar keŋişi räisiniŋ orunbasari Qurvanbüvi Һaşimova, Tuŋgan mädäniyät märkiziniŋ räisi İsmaz Losanov vä başqilar sšzgä çiqip, šzlirini oylandurup kelivatqan mäsililärni otturiğa qoydi, deputatniŋ häliq mänpiyiti yolidiki iş-paaliyitigä muvappäqiyätlär tilidi.
Uçrişiş ahiridav Şahimärdan Üsäyin oğli barliq hayatini maarip sahasiğa beğişliğan, peşqädäm ustaz Ähmätҗan Nadirovqa җumhuriyätlik Uyğur etnomädäniyät märkizi täsis qilğan «Sahavät» medalini tapşurdi.

Panfilov nahiyäsi.

Bälüşüş

Javap qalduruŋ