Pedagoglarni oqutuş vä ularniŋ bilimini aşuruş — asasiy väzipä

0
4 497 ret oqıldı

Dšlät rähbiri Nursultan Äbiş oğli Nazarbaevniŋ «Tšrtinçi sanaät inqilavi şaraitidiki täräqqiyatniŋ yeŋi imkaniyätliri» namliq Qazaqstan hälqigä Mäktübidä bilim beriş sahasiğimu alahidä diqqät ağdurulğan. Mäsilän, uniŋ “Adäm kapitali – yeŋiliniş asasi” namliq yättinçi väzipisidä bilim beriş programmiliriniŋ ävzälliklirigä, šzgirişlärgä dayim maslişişi vä yeŋi bilim egiläş qabiliyiti boyiçä ätrapliq pikirlär alğa sürülgän. Mundaq ävzälliklärni ottura bilim beriş sistemisida ämälgä aşuruşta «Örleu» pedagog kadrlarniŋ bilimini mukämmälläştürüş Milliy märkiziniŋ roli çoŋ. Mäzkür märkäzdä jiliğa 73,3 miŋ muällim mähsus kurslardin štidu. Yeqinda «Örleu» Milliy märkiziniŋ başqarma räisi, pedagogika pänliriniŋ doktori Gul'nas Ahmetova mäktäp mudirliriğa bilim beriş mäzmunini yeŋilaş şaraitidiki ävzälliklärni «Örleu» trenerliri bilän yeşişni tävsiyä qilğan edi. Şuniŋğa munasivätlik Almuta şähiridiki A.Rozibaqiev namidiki 153-mäktäp-gimnaziyaniŋ ustazlar kollektiviniŋ birinçi kšçmä seminari štti. Uniŋğa pedagogika pänliriniŋ doktori R.Sadvaqasova riyasätçilik qildi.
Seminarni uyuşturuş vä uni štküzüş işliriğa «Örleu» AҖniŋ «İnnovatsiyalik tehnologiyalär vä täbiiy matematikiliq (gumanitarliq) pänlärni oqutuş metodikisi» kafedrisiniŋ başliği, pedagogika pänliriniŋ namziti, professor Aliyäm Arzieva mäs°ul boldi. Seminar aldin-ala tävsiyä qilinğan mavzular asasida institutniŋ trenerliri K.Baekeşeva, A.Esentaeva, İ.Muradova vä S.Abdibaeva täripidin «Täŋqidiy oylaş», «Kriteriylliq bahalaş», «Layihiläş tehnologiyasi» sektsiyalärdä štti.
Seminarğa qatnaşqan mäzkür bilim därgahiniŋ 102 pedagogi bilim mäzmunini yeŋilaş şaraitidiki kšpligän aktual soallarğa җavap aldi. Munaziridä «Örleu» Milliy märkizi bilän A.Rozibaqiev namidiki 153-mäktäp-gimnaziyaniŋ bu yšniliştiki hämkarliği buniŋdin keyinmu davamlişidiğanliği alahidä täkitländi.
Aida ÄSQÄROVA,
A.Rozibaqiev namidiki
153-mäktäp-gimnaziya mudirniŋ ilmiy-metodikiliq
işlar boyiçä orunbasari.
Almuta şähiri.

Bälüşüş

Javap qalduruŋ