Muhim mäsililär muhakimä qilindi

0
610 ret oqıldı

Sabiräm ÄNVÄROVA, «Uyğur avazi»/ Qazaqstan Җumhuriyiti Parlamenti Senatiniŋ deputatliri Ansar Musahanov bilän Nurlan Qılışbaev Uyğur nahiyäsiniŋ märkizi Çonҗa yezisida bolup, nahiyälik mäslihätniŋ deputatliri, җämiyätlik işlarniŋ aktivistliri bilän uçrişiş štküzdi. Däsläp sšz alğan Ansar Musahanov Dšlät rähbiriniŋ «Keläçäkkä nişan: mäniviy yeŋiliniş» namliq maqalisiniŋ mämlikät keläçigi üçün ähmiyiti zor ekänligini atap eytti. Şundaqla Prezidentniŋ başlanmisi bilän qolğa elinğan «Räqämlik Qazaqstan» dšlät programmisiniŋ ämgäk qilimän, kškläymän degän härbir qazaqstanliqqa zor mümkinçiliklär yaritildiğanliğiğa täpsiliy tohtaldi.
— Dšlät rähbiriniŋ bu qetimqi Qazaqstan hälqigä yolliğan «Tšrtinçi sanaät inqilavi şaraitidiki täräqqiyatniŋ yeŋi imkaniyätliri» namliq Mäktübidiki 10 yšniliş äynä şu mähsätkä yetişniŋ eniq väzipiliri, — dedi Senat deputati sšzini yäkünläp.
Almuta vilayätlik mäslihätniŋ deputati İzğarbek Bektursınov “Çarin” dšlätlik milliy täbiiy parkiniŋ mäydanida su qoymisini yasaş işliri buniŋdin birnäççä jil burun qolğa elinip, lekin ahiri çiqmay qalğanliğini, quş fabrikisi käbi yeŋi iş orunliri işqa qoşup, adämlärni turaqliq iş bilän täminläş ohşaş mäsililär ätrapida pikir-täkliplärni otturiğa qoydi. Uyğur nahiyälik җämiyätlik keŋäşniŋ räisi Qalabay Mereyimov nahiyä hälqiniŋ asasän çarviçiliq vä yeza egiligi bilän şuğullinidiğanliğini näzärdä tutup, orman egiligigä kirgüzülgän šzgirişlärgä bağlinişliq «jaylau», «qıstau» mäsilisiniŋ qiyinçiliq hasil qilivatqanliğini, şuniŋ aqivitidä malçilarniŋ häläykümgä çüşivatqanliğini hävärlidi.
A.Musahanov däriya-kšlgä yeqin tävälärgä qora-җay selişqa bolmaydiğanliğini, lekin orman egiligigä qaraşliq yärlärdä çšp çepip, beliq tutup, omartçiliq bilän şuğullinişqa çäklimä qoyulmiğanliğini çüşändürdi.
Uyğur nahiyälik «Qoğamdıq kelisim» җämiyätlik birläşmisiniŋ räisi Jeŋis Toyşıbekov Çonҗa yezisida «Lokatr stantsiyasiniŋ» orunlaşqanliğini, yeziniŋ mäydani käŋäygänsiri uniŋ märkäzgä yeqinlişivatqanliğini, uniŋ adämlär salamätligi bu mäsilidä bepärvaliq tonutuşqa bolmaydiğanliğini eytsa, nahiyälik tiҗarätçilär palatisiniŋ mudiri Muslim Amangeldi terä vä juŋni qayta işläştä şähsiy tiҗarätçilär duç kelivatqan bäzibir problemilarğa tohtaldi.
Hulasä sšzgä çiqqan Uyğur nahiyäsiniŋ hakimi Şšhrät Nurahunov QҖ Parlamenti Senatiniŋ deputatliriğa bu säpiri üçün kšpçilik namidin šziniŋ minnätdarliğini izhar qildi.

Bälüşüş

Javap qalduruŋ