«Häq nemä däp qalar?» däp qarimisaqla…

0
350 ret oqıldı

Kšpligän ziyalilirimiz, izdängüçilirimiz tinimsiz tirişip, җämiyät täräqqiyati üçün birär närsä iҗat qilişni, käsipläşkän şirkät yaki karhana quruşni, egilik tikläşni kšzdä tutup, nätiҗä qaziniş vaqtida helila qiyinçiliqlarğa uçraydu. Ätrapidikilär ularni qollaşniŋ orniğa, «haliğa baqmay şiltaŋ atqiniğa toysun!» degängä ohşaş zähärlik sšzlärni qilip, här җähättin besim qilidu. Bäzilär halal ämgigi bilän beyip, häyri-sahavätlik işlarni ilgiri sürsä: «Män moşundaq bay» däp mahtinivatidu» däp uşşaq sšz-çšçäk tarqitişqa kirişidu. Juquridiki tiptiki adämlär, bähitkä yarişa, җämiyitimizdiki ahaliniŋ az qismini täşkil qilidu. Çünki uyğurlar äzäldinla işçan, käŋ qosaq, häsäthorluq bilän içi tarliqqa çiş-tirniği bilän šç, aqkšŋül, ädäp-qaidilik, başqilarniŋ muvappäqiyätliri üçün hoşal bolidiğan, qiyinçiliqqa uçriğanlarğa sämimiylik bilän yardäm berişni şäräp däp bilidiğan, ilim-bilimni, yeŋiliqni aŋliq qobul qilidiğan, bilimliklärni hšrmätläydiğan, qollaydiğan esil än°änilärgä egä päzilätlik häliq. Aŋ-säviyä tez šsüvatqan bügünki kündä biz kallimizni sägäk tutup, šzimizni tärbiyilişimiz tolimu muhim.
Ägär biz ğevätlärgä, häsätlärgä tolup-taşqan hätärlik šsmilärni tüp- yiltizidin qomurup taşlimisaq, ularniŋ yeŋiliq yaritiş, iҗat qiliş üçün šzini beğişliğan insanlirimizniŋ qälbini yarilanduruşi, kişilik munasivät, ailä-turmuş şaraitimizğa besim elip kelişi, qisqisi, bügünimiz bilän keläçigimizdiki ümüt, gšzäl ğayä, ilgiriläşlärgä tosalğu boluşi eniq. Şuŋa biz ortaq härikätkä kelip, ätrapimizdiki içi tar, ğeväthorlarni tärbiyiläp, bu hil illätlärgä qarşi җiddiy küräş jürgüzüşimiz keräk. «Häq nemä däp qalar?» degän oyni kallimizdin çiqirivetip, җasurluq vä märdaniliq bilän alğa ilgiriliginimiz ävzäl. Şu çağdila dävir bilän täŋ ilgiriläläydiğan, җämiyät täräqqiyatiğa maslaşqan, yeŋiliq yaritiş rohiğa, iҗatçanliqqa bay yeŋi dävir adämliridin bolalaymiz.

Dolqun Tursun (ŞUAR).

Bälüşüş

Javap qalduruŋ