Nailya mähsitigä yetidu

0
454 ret oqıldı

Suleyman Demiräl namidiki universitetniŋ üçinçi kurs studenti Nailya Ğapparova (sürättä) štkän jili aprel' eyida ingliz tilida «GLOSSARY THE WORLD OF LİNGUSTİCS» däp nam alğan däsläpki kitavini näşir qilip, çoŋ utuqqa yätti. Kitap ingliz tilini ügängüçilärgä qollanma süpitidä yezilğan vä uniŋda bu tilniŋ gšzälligi, duniya miqiyasidiki orni toğriliq eytilidu. Nailyaniŋ oquştiki älaliği vä җämiyätlik işlardiki aktivliği alahidä inavätkä elip, universitet rähbärligi uni Amerika Qoşma Ştatliriniŋ Florida ştatidiki çoŋ bilim därgahliriniŋ birigä mähsus yollanma bilän ävätti. Asasiy mähsät – Nailyaniŋ ingliz tilini tehimu çoŋqur šzläştürüşigä toluq şarait yaritiştin ibarät.
Eytiş keräkki, Nailya kšrnäklik uyğur şairi, märhum Mšmün Һämraevniŋ nävrisi. Umu, huddi bovisiğa ohşaş, şair boluşni arman qilidu. Һazirğa qädär yazğan şeirliri uniŋ bu armininiŋ royapqa çiqidiğanliğidin dalalät berip turidu.
Eytmaqçi, Nailya AQŞtiki däsläpki täsiratliri toğriliq mundaq däp yazidu: «AQŞ — barliq arzu-armanlarniŋ toluq orunlinişi üçün şärt bolğan mümkinçiliklär bar dšlät. Bu äldä härqandaq adäm – heçbir tosalğuluqlarsiz vä äpqaçti paraŋlarsiz – arminiğa yetäläydu, päqät tinmay izdiniş, erinmäy oquş vä bar vuҗuduŋ bilän berilip ämgäk qiliş keräk».
Nailya täkitläp štkän moşu hislätlärniŋ hämmisi uniŋ šzidä bar. Demäk, Nailya mähsitigä çoqum yetidu.

Nazugum BARATOVA.

Bälüşüş

Javap qalduruŋ